ପ୍ୟାରିସ ଚାଲିଥିବା ପାରା ଅଲିମ୍ପିକ୍ସରେ ଭାରତକୁ ବ୍ୟାଡମିଣ୍ଟନରେ ମିଳିଛି ଡବଲ ପଦକ। ମହିଳା ବ୍ୟାଡମିଣ୍ଟନର ଏସ୍ୟୁ ୫ ବର୍ଗରେ ଭାରତକୁ ମିଳିଛି ରୌପ୍ୟ ଓ ବ୍ରୋଞ୍ଜ ପଦକ। ଦେଶ ପାଇଁ ତୁଳସୀମାଠି ମୁର୍ଗେସନ ରୌପ୍ୟ ଜିତିଥିବା ବେଳେ ମନୀଷା ରାମଦାସ ବ୍ରୋଞ୍ଜ ଜିତିଛନ୍ତି।
ଏହି ରୌପ୍ୟ ଓ ବ୍ରୋଞ୍ଜକୁ ମିଶାଇ ପାରା ଅଲିମ୍ପିକ୍ସରେ ଭାରତର ପଦକ ସଂଖ୍ୟା ୧୧କୁ ବୃଦ୍ଧି ପାଇଛି। ସେହିପରି କେବଳ ବ୍ୟାଡମିଣ୍ଟନରୁ ଏଯାଏ ୩ଟି ପଦକ ମିଳିସାରିଲାଣି। ଏହାପୂର୍ବରୁ ନୀତେଶ କୁମାର ପୁରୁଷ ଏକକ ବ୍ୟାଡମିଣ୍ଟନର ଏସଏଲ ୩ ବର୍ଗରେ ସ୍ୱର୍ଣ୍ଣ ପଦକ ଜିତିଥିଲେ।
Also Read
ଆଜି ଫାଇନାଲରେ ମୁର୍ଗେସନଙ୍କ ମୁକାବିଲା ଚାଇନାର ୟାଙ୍ଗ ସହ ହୋଇଥିଲା। ଆରମ୍ଭରୁ ମୁର୍ଗେସନ ଲୟରେ ଥିଲେ ହେଁ ୟାଙ୍ଗ କମବ୍ୟାକ କରି ପ୍ରଥମ ସେଟକୁ ୨୧-୧୭ରେ ଜିତି ନେଇଥିଲେ। ଦ୍ୱିତୀୟ ସେଟକୁ ସେ ପୂରା ଏକତରଫା କରି ୨୧-୧୦ରେ ଜିତିବା ସହ ସ୍ୱର୍ଣ୍ଣ ପଦକ କବଜା କରିଥିଲେ। ମୁର୍ଗେସନଙ୍କୁ ରୌପ୍ୟ ପଦକରେ ସନ୍ତୁଷ୍ଟ ହେବାକୁ ପଡ଼ିଥିଲା।
ସମାନ ବର୍ଗର ବ୍ରୋଞ୍ଜ ପଦକ ମୁକାବିଲାରେ ମନୀଷା ରାମଦାସଙ୍କ ମୁକାବିଲା ଡେନମାର୍କର କ୍ୟାଥରେନଙ୍କ ସହ ହୋଇଥିଲା। ଏହି ମ୍ୟାଚ୍କୁ ମନୀଷା ବେଶ ସହଜରେ ୨୧-୧୨ ଓ ୨୧-୮ରେ ଜିତି ବ୍ରୋଞ୍ଜ ପଦକ ଦଖଲ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
