ରୋନାଲ୍ଡୋ ଓ ମେସିଙ୍କୁ ପଛରେ ପକାଇ ମୋଡ୍ରିଚ୍ ହେଲେ ଫିଫାର ଶ୍ରେଷ୍ଠ ଫୁଟ୍‌ବଲର୍‌

ଲଣ୍ଡନ: ଫୁଟ୍‌ବଲ୍‌ ଇତିହାସରେ ପର୍ତ୍ତୁଗାଲ ଅଧିନାୟକ କ୍ରିଷ୍ଟିଆନୋ ରୋନାଲ୍ଡୋ ଓ ଆର୍ଜେଣ୍ଟିନାର ଅଧିନାୟକ ଲିଓନେଲ ମେସିଙ୍କର ଦୀର୍ଘବର୍ଷ ଧରି ଜାରି ରହିଥିବା ଆଧିପତ୍ୟକୁ ଶେଷରେ ଭାଙ୍ଗି ଦେଇଛନ୍ତି କ୍ରୋଏସିଆ ଅଧିନାୟକ ଲୁକା ମୋଡ୍ରିଚ୍। ରୋନାଲ୍ଡୋ ଓ ମେସିଙ୍କୁ ପଛରେ ପକାଇ ମୋଡ୍ରିଚ୍‌ ଚଳିତ ବର୍ଷ ଫିଫା ପକ୍ଷରୁ ଶ୍ରେଷ୍ଠ ଫୁଟ୍‌ବଲ୍‌ ଖେଳାଳି ପୁରସ୍କାର ହାସଲ କରିଛନ୍ତି।

ମୋଡ୍ରିଚ୍‌ଙ୍କ କ୍ୟାପ୍ଟେନଶିପ୍‌ରେ କ୍ରୋଏସିଆ ୨୦୧୮ ଫିଫା ବିଶ୍ୱକପ୍‌ରେ ପ୍ରଥମଥର ଫାଇନାଲ୍‌ରେ ପହଞ୍ଚିବା ସହ ଇତିହାସ ରଚିଥିଲା । କ୍ରୋଏସିଆ ଟିମ୍‌ର ଏହି ତାରକା ଫରୱାର୍ଡ ଚାରିବର୍ଷ ଧରି ଇଂଲଣ୍ଡରେ କ୍ଲବ୍ ଫୁଟ୍‌ବଲ୍‌ ଖେଳିବା ପରେ ୨୦୧୨ରେ ସ୍ପାନିଶ୍ କ୍ଲବ୍ ରିଅଲ ମାଡ୍ରିଡରେ ସାମିଲ ହୋଇଥିଲେ। ମୋଡ୍ରିଚ୍ କହିଛନ୍ତି, ଏଭଳି ସମ୍ମାନ ପାଇ ମୁଁ ନିଜକୁ ଗର୍ବିତ ମନେ କରୁଛି ।


ମୋଡ୍ରିଚ୍‌ଙ୍କ ବ୍ୟତୀତ ଚଳିତ ବର୍ଷ ଫିଫା ଶ୍ରେଷ୍ଠ ଖେଳାଳି ପୁରସ୍କାର ପାଇବା ତାଲିକାରେ ଲିଭରପୁଲ୍‌ ପକ୍ଷରୁ ଖେଳୁଥିବା ଇଜିପ୍ଟ ଫୁଟ୍‌ବଲ୍‌ର ମହମ୍ମଦ ସଲାହ ଓ ରୋନାଲ୍ଡୋ ରହିଥିଲେ। ତେବେ ମୋଡ୍ରିଚ୍‌ ଦୁହିଁକୁ ପଛରେ ପକାଇ ଦେଇଛନ୍ତି ।
ଲଣ୍ଡନରେ ଆୟୋଜିତ ଏହି ପୁରସ୍କାର ସମାରୋହରେ ରୋନାଲ୍ଡୋ କିମ୍ବା ମେସି କେହି ବି ଅଂଶଗ୍ରହଣ କରି ନଥିଲେ। ଏଭଳି ଅନୁପସ୍ଥିତିକୁ ଅନେକ ଅନେକ ସମାଲୋଚନା କରିଛନ୍ତି।
ଏ ନେଇ ମୋଡ୍ରିଚ୍ କହିଛନ୍ତି, ପ୍ରତି ବ୍ୟକ୍ତିଙ୍କର ନିଜ ନିଜର ବ୍ୟକ୍ତିଗତ କାରଣ ଥାଏ । ଯଦି ସେମାନେ ଉପସ୍ଥିତ ଥାନ୍ତେ, ତାହେଲେ ମୋତେ ବହୁତ ଭଲ ଲାଗିଥାନ୍ତା।
ସେହିପରି ମହିଳା ଫୁଟ୍‌ବଲର୍‌ ଭାବେ ବ୍ରାଜିଲ୍‌ର ମାରଟାଙ୍କୁ ଫିଫା ପକ୍ଷରୁ ଶ୍ରେଷ୍ଠ ଖେଳାଳି ପୁରସ୍କାର ମିଳିଛି।

ଆହୁରି ପଢ଼ନ୍ତୁ

ଆରୋଗ୍ୟ ହେଲେ ୧୭୮୫ କରୋନା ଆକ୍ରାନ୍ତ, କେଉଁ ଜିଲ୍ଲାରୁ କେତେ ପଢ଼ନ୍ତୁ

ଗିରଫ ଲକ୍ଷ୍ମୀକାନ୍ତଙ୍କ ପରିବାରକୁ ଭେଟିଲା ବିଜେପି, ସରକାରୀ କାର୍ଯ୍ୟାନୁଷ୍ଠାନକୁ ନିନ୍ଦା

ସୁଶାନ୍ତଙ୍କ ମୃତ୍ୟୁ ମାମଲାର ଶୁଣାଣି ଗୁରୁବାରକୁ ଘୁଞ୍ଚିଲା, ରିୟା ରଖିଲେ ଏମିତି ପକ୍ଷ

ଭୁବନେଶ୍ୱରରୁ ୧୦୯ କରୋନା ଆକ୍ରାନ୍ତ ଚିହ୍ନଟ, ସେଥିରୁ ୪୯ ଲୋକାଲ୍‌ କେସ୍‌

କରୋନାରେ ଆକ୍ରାନ୍ତ ରାହତ ଇନ୍ଦୋରୀଙ୍କ ପରଲୋକ

ବେହେରାସାହି ପରେ ଚିନ୍ତା ବଢ଼ାଇଲା ଜାଲୁଆ ସାହି

ଏହି ୧୦ ରାଜ୍ୟ କରୋନାକୁ ହରାଇ ପାରିଲେ ଭାରତ ଜିତିବ ବୋଲି କହିଲେ ମୋଦି

ପାରମ୍ପରିକ ଅସ୍ତ୍ରଶସ୍ତ୍ର ଧରି ଲୋକଙ୍କ ପ୍ରତିବାଦ

‘ମୋ ଭାଇର ଯଦି କିଛି ଭୁଲ ହୋଇଛି, ମୁଖ୍ୟମନ୍ତ୍ରୀ କ୍ଷମା କରି ଦିଅନ୍ତୁ’

ଡବଲ ମର୍ଡଲ; ବଡ଼ଭାଇ, ପୁତୁରାକୁ ମାରି ପାଇଖାନା ଟାଙ୍କିରେ ଫିଙ୍ଗିଦେଲେ

ଭାଇରାଲ ଅଡିଓ ମାମଲା; ରିମାଣ୍ଡରେ ଗଲେ ଲକ୍ଷ୍ମୀକାନ୍ତ, ବିଶ୍ୱଜିତ

୭ ଶିଳ୍ପୀଙ୍କୁ ଧର୍ମପଦ ସମ୍ମାନ, ଆଖି ବୁଜି ସାରିଲେଣି ୩ ଜଣ