ଏସୀୟ କ୍ରୀଡ଼ା: ତୀରନ୍ଦାଜୀରେ ଭାରତ ପାଇଲା ବ୍ରୋଞ୍ଜ ମେଡାଲ

ଚୀନର ହାଙ୍ଗଝୌରେ ଚାଲିଥିବା ଏସୀୟ କ୍ରୀଡ଼ା (Asian Games)ରେ ଭାରତକୁ ମିଳିଛି ଆଉ ଏକ ବ୍ରୋଞ୍ଜ ପଦକ । ତୀରନ୍ଦାଜୀରେ ଭାରତ ହାସଲ କରିଛି ଏହି ପଦକ ।

ଭିଏତନାମକୁ ୬-୨ରେ ହରାଇ ମହିଳା ରିକର୍ଭ ଟିମ୍‌ ଇଭେଣ୍ଟରେ ଭାରତକୁ ମିଳିଛି ଏହି ପଦକ । ଅଙ୍କିତା, ଭଜନ କୌର ଓ ସିମରନ୍‌ଜିତ୍‌ଙ୍କୁ ମିଳିଛି ସଫଳତା ।

ଚଳିତ ଏସୀୟ କ୍ରୀଡ଼ାରେ ଏ ଯାବତ ଭାରତ ସମୁଦାୟ ୨୧ଟି ସ୍ୱର୍ଣ୍ଣ ପଦକ ଜିତିଥିବା ବେଳେ ୩୨ଟି ରୌପ୍ୟ, ୩୪ ବ୍ରୋଞ୍ଜ ପଦକ ହାସଲ କରିଛି। ଭାରତ ଏ ଯାବତ ମୋଟ ୮୭ ପଦକ ଜିତି ସାରିଲାଣି।

ଗତକାଲି ତୀରନ୍ଦାଜୀର ପୁରୁଷ କମ୍ପାଉଣ୍ଡ ଟିମ୍ ଇଭେଣ୍ଟରେ ଭାରତ ପାଇଁ ସ୍ୱର୍ଣ୍ଣ ପଦକ ଜିତିଥିଲେ ଅଭିଷେକ ବର୍ମା, ଓଜସ ପ୍ରବୀଣ ଦେଓତାଲେ ଓ ପ୍ରଥମେଶ ଜାୱକର। ଦକ୍ଷିଣ କୋରିଆକୁ ୨୩୫-୨୩୦ରେ ହରାଇ ସେମାନେ ଏହି ପଦକ ଜିତିଥିଲେ।