ଭାରତର ସୁନା ପୁଅ ନୀରଜ ଚୋପ୍ରା ପୁଣିଥରେ ସଫଳତା ହାସଲ କରିଛନ୍ତି। ସେ ୮୮.୭୭ ମିଟର ଦୂରତାକୁ ଜାଭେଲିନ ଫିଙ୍ଗ ଡବଲ ଖୁସି ଆଣି ଦେଇଛନ୍ତି। ଏହି ଥ୍ରୋ ପରେ ନୀରଜ ସିଧାସଳଖ ୨୦୨୪ ପ୍ୟାରିସ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଛନ୍ତି। ଏଥିସହ ବୁଡାପେଷ୍ଟରେ ଚାଲିଥିବା ବିଶ୍ୱ ଜାଭେଲିନ ଚାମ୍ପିୟନଶିପର ଫାଇନାଲ ଟିକେଟ ମଧ୍ୟ ହାତେଇଛନ୍ତି।
୨୫ ବର୍ଷୀୟ ନୀରଜଙ୍କ ଯୋଗ୍ୟତା ପର୍ଯ୍ୟାୟ ରାଉଣ୍ଡ ମାତ୍ର କିଛି ମିନିଟ ପାଇଁ ଚାଲିଥିଲା। କାରଣ ପ୍ରଥମ ପ୍ରୟାସରେ ହିଁ ସେ ୮୮.୭୭ ମିଟର ଦୂରତାକୁ ଜାଭେଲିନ ଫିଙ୍ଗି ଯୋଗ୍ୟତା ଅର୍ଜନ କରିଥିଲେ। ଏହା ଚଳିତ ସିଜିନରେ ନୀରଜଙ୍କ ସର୍ବଶ୍ରେଷ୍ଟ ଥ୍ରୋ ହୋଇଥିବା ବେଳେ କ୍ୟାରିୟରର ୪ର୍ଥ ସର୍ବୋତ୍ତମ ଥ୍ରୋ।
Also Read
ସେ ଗ୍ରୁପ ଏ’ର ଯୋଗ୍ୟତା ପର୍ଯ୍ୟାୟ ରାଉଣ୍ତରେ ଲଢ଼େଇ କରୁଥିଲେ। ୨୦୨୪ ପ୍ୟାରିସ ଅଲିମ୍ପିକ୍ସକୁ ଯୋଗ୍ୟତା ଅର୍ଜନ ପାଇଁ ୮୫.୫୦ ମିଟର ଦୂରତା ଧାର୍ଯ୍ୟ କରାଯାଇଥିଲା। ଏହାକୁ ନୀରଜ ବେଶ ସହଜରେ ପାର୍ କରିବାକୁ ସକ୍ଷମ ହୋଇଛନ୍ତି।
Neeraj Chopra opening throw in qualification 88.77m. He has qualified for medal round.
— Athletics Federation of India (@afiindia) August 25, 2023
Automatic qualification 83m. Or best 12 advance to final#Budapest2023 #WorldAthleticsChamps pic.twitter.com/fRQaTrBTI0
ଟୋକିଓ ଅଲିମ୍ପିକ୍ସରେ ସ୍ୱର୍ଣ୍ଣ ଜିତିଥିବା ନୀରଜଙ୍କ କ୍ୟାରିୟରର ଶ୍ରେଷ୍ଠ ଥ୍ରୋ ହେଲା ୮୯.୯୪ ମିଟର। ସେ ୨୦୨୨ ଜୁନ ୩୦ରେ ଷ୍ଟକହୋମ ଡାଇମଣ୍ତ ଲିଗରେ ଏପରି ପ୍ରଦର୍ଶନ କରିଥିଲେ। ନୀରଜ ୯୦ ମିଟର ପାର୍ କରିବା ଲକ୍ଷ୍ୟ ନେଇ ଏବେ ଅଭ୍ୟାସ ଜାରି ରଖିଛନ୍ତି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
