ଭୁବନେଶ୍ୱର (ଓଡ଼ିଶା ରିପୋର୍ଟର): ଇଟାଲୀର ପିସା ସହରରେ ଚଳିତ ମାସ ୧୮ରୁ ୨୧ ତାରିଖ ଯାଏ ଅନୁଷ୍ଠିତ ହେବାକୁ ଯାଉଛି ହୁଇଲ୍ ଚେୟାର୍ ଫେନ୍ସିଂ ବିଶ୍ଵକପ୍। ଏଥିପାଇଁ ୧୧ ଜଣିଆ ଭାରତୀୟ ଦଳର ଘୋଷଣା କରାଯାଇଛି। ଏହି ଦଳରେ ଓଡ଼ିଶାର ୩ ଜଣ ଖେଳାଳି ସ୍ଥାନ ପାଇଛନ୍ତି। ଭାରତୀୟ ଦଳରେ ସ୍ଥାନ ପାଇଥିବା ଓଡ଼ିଆ ଖେଳାଳିମାନେ ହେଲେ ହେଲେ ଭି.ରମେଶ ରାଓ, ରାଖାଲ୍ କୁମାର ସେଠୀ ଓ ପୂଜାସ୍ୱନି ନାୟକ।
ରମେଶ ରାଓ ୨୦୨୦-୨୧ ଜାତୀୟ ଚାମ୍ପିୟନଶିପରେ ୪ ପଦକ ହାସଲ କରିଥିଲା ବେଳେ ରାଖାଲ ଓ ପୂଜାସ୍ୱନି ବ୍ୟକ୍ତିଗତ ଓ ଦଳଗତ ଭାବେ ୬ ଲେଖାଏ ପଦକ ଜିତିଛନ୍ତି। ବିଶ୍ୱକପ୍ ପୂର୍ବରୁ ହରିୟଣାର କର୍ଣ୍ଣଲ ଠାରେ ମାସେ ଧରି ଚାଲିଥିବା ଅଭ୍ୟାସ ଶିବିରରେ ଓଡ଼ିଶାର ୩ ଖେଳାଳି ଭାଗ ନେଇଥିଲେ।
ପାରା ସ୍ପୋର୍ଟସ ସଂଘ ଓଡ଼ିଶାର ସଭାପତି କମଳାକାନ୍ତ ରଥ, ସମ୍ପାଦକ ଲୋକନାଥ ମହାନ୍ତି ସମସ୍ତ ଖେଳାଳିଙ୍କୁ ଅଭିନନ୍ଦନ ଜଣାଇଛନ୍ତି। ଏହାସହ ଓଡ଼ିଶାର ଖେଳାଳିମାନେ ବିଶ୍ୱକପରେ ଭଲ ପ୍ରଦର୍ଶନ କରିବେ ବୋଲି ସଂଘ ଆଶାବାଦୀ ଅଛି।