ପ୍ୟାରିସ ଅଲିମ୍ପିକ୍ସରେ ଜାରି ରହିଛି ଭାରତୀୟ ପ୍ରତିଯୋଗୀଙ୍କ ପ୍ରଦର୍ଶନ। ଆଜି ଇଭେଣ୍ଟର ଷଷ୍ଠ ଦିନରେ ଏକାଧିକ ପ୍ରତିଯୋଗିତା ରହିଛି। ଆଜି ଭାରତକୁ ଆଉ ଏକ ପଦକ ମିଳିପାରେ ବୋଲି ଆଶା କରାଯାଉଛି। ଶୁଟର ସ୍ୱପ୍ନିଲ କୁଶାଲେ ଫାଇନାଲକୁ ଯାଇଥିବାରୁ ସେ ଖୁସି ଖବର ଦେଇପାରନ୍ତି।
ଆଜି ଦିନ ଗୋଟାଏରେ ୫୦ ମିଟର ରାଇଫଲ ଥ୍ରୀ ପୋଜିସନ୍ ଫାଇନାଲ ମ୍ୟାଚ୍ ଖେଳାଯିବ। ଏହି ଇଭେଣ୍ଟରେ କୁଶାଲେ ପ୍ରତିଯୋଗିତା କରିବେ।ସେହିପରି ୨୦ କିଲୋମିଟର ରେସ୍ (ପୁରୁଷ ଓ ମହିଳା) ଇଭେଣ୍ଟ ରହିଛି। ଆଜି ମଧ୍ୟ ହକି ମ୍ୟାଚ୍ ଖେଳାଯିବ।
Also Read
ଦିନ ସାଢେ ଗୋଟାଏରେ ଶକ୍ତିଶାଳୀ ବେଲଜିୟମକୁ ଭେଟିବ ପୁରୁଷ ହକି ଟିମ୍। ସେପଟେ ବକ୍ସିଂରେ ନିଖତ ଜରିନ୍ ଆଜି ପ୍ରିକ୍ୱାର୍ଟର ମ୍ୟାଚ ଖେଳିବେ, ବ୍ୟାଡମିଣ୍ଟନରେ ପୁରୁଷ ଏକକରେ ଲକ୍ଷ୍ୟ ସେନ୍ ଏବଂ ପୁରୁଷ ଯୁଗଳରେ ସାତ୍ୱିକ-ଚିରାଗ ଯୋଡ଼ି ମୁକାବିଲା କରିବେ।
ତେବେ ବର୍ତ୍ତମାନ ସୁଦ୍ଧା ଭାରତକୁ ୨ଟି ବ୍ରୋଞ୍ଜ ପଦକ ମିଳିଛି। ଷଷ୍ଠ ଦିନରେ ଭାରତୀୟ ଆଥଲେଟ ଗୋଲ୍ଡ ଜିତିବା ନେଇ ଆଶା କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
