ନୂଆଦିଲ୍ଲୀ: ଡେନ୍ମାର୍କ୍ ଓପନ୍ ବ୍ୟାଡ୍ମିଣ୍ଟନ୍ ଟୁର୍ଣ୍ଣାମେଣ୍ଟ୍ର ଫାଇନାଲରେ କଡ଼ା ସଂଘର୍ଷ କରିବା ସତ୍ତ୍ୱେ ୧-୨ ସେଟରେ ହାରି ଭାରତୀୟ ସଟଲର୍ ସାଇନା ନେହୱାଲ୍ଙ୍କୁ ରନର୍ସ୍ ଅପ୍ରେ ସନ୍ତୁଷ୍ଟ ହେବାକୁ ପଡ଼ିଛି।
ରବିବାର ଅନୁଷ୍ଠିତ ଫାଇନାଲ୍ରେ ସାଇନା ବିଶ୍ୱର ୧ ନମ୍ବର ମାନ୍ୟତାପ୍ରାପ୍ତ ଖେଳାଳି ତଥା ଚାଇନିଜ୍ ତାଇପେଇର ତାଇ ଜୁ-ୟିଙ୍ଗ୍ଙ୍କଠାରୁ ୧୩-୨୧.୨୧-୧୩ ଓ ୬-୨୧ ସେଟ୍ରେ ପରାସ୍ତ ହୋଇଛନ୍ତି। ୨୮ ବର୍ଷୀୟ ସାଇନା ୨୦୧୨ରେ ଡେନ୍ମାର୍କ ଓପନ୍ ଟାଇଚଲ୍ ଜିତିଥିଲେ।
ଏହି ପରାଜୟ ସହ ସାଇନା ଗତ ୧୧ଟି ମୁକାବିଲାରେ ୧ ନମ୍ବର ମାନ୍ୟତାପ୍ରାପ୍ତ ତାଇ ଜୁ-ୟିଙ୍ଗ୍ଙ୍କଠାରୁ କ୍ରମାଗତ ଭାବେ ପରାସ୍ତ ହୋଇଛନ୍ତି।