ଚୀନ ଓପନ: ଫାଇନାଲରେ ହାରିଲେ ସାଇନା

ଫୁଜୋ (ଚୀନ): ଚୀନ୍ ଓପନ୍ ସୁପର ସିରିଜର ମହିଳା ଏକକ ଫାଇନାଲରେ ପରାଜିତ ହୋଇଯାଇଛନ୍ତି ଭାରତୀୟ ବ୍ୟାଡମିଣ୍ଟନ୍ ଷ୍ଟାର୍ ସାଇନା ନେହୱାଲ୍। ରବିବାର ଖେଳା ଯାଇଥିବା ଫାଇନାଲ୍ ମ୍ୟାଚରେ ସେ ଲି ଜୁରୁଇଙ୍କ ଠାରୁ ସେ ୧୨-୨୧ ୧୫-୨୧ରେ ପରାସ୍ତ ହୋଇଛନ୍ତି। ଅଲିମ୍ପିକର ବ୍ରୋଞ୍ଚ ମେଡାଲିଷ୍ଟ ସାଇନା ବିଶ୍ୱ ମାନ୍ୟତାର ୭ମ ସ୍ଥାନରେ ଥିବା ଲିଙ୍କ ମଧ୍ୟରେ ୩୯ ମିନିଟ୍ ଧରି ଲଢ଼େଇ ହୋଇଥିଲା। ଲିଙ୍କଠାରୁ ୯ ଥର ପରାଜିତ ହୋଇଥିବା ସାଇନା ପ୍ରଥମରୁ ଚାପ ସୃଷ୍ଟି କରିପାରି ନ ଥିଲେ। ଫଳରେ ୧୦ ଥର ପାଇଁ ସେ ଲିଙ୍କଠାରୁ ପରାଜିତ ହୋଇଛନ୍ତି।