ବେଜିଂ: ଭାରତୀୟ ଟେନିସ୍ ତାରକା ସାନିଆ ମିର୍ଜା ଓ ସୁଇଜରଲାଣ୍ଡର ମାର୍ଟିନା ହିଙ୍ଗିସ୍ ପୁଣି ଏକ ମହିଳା ଡବଲ୍ସ ଟାଇଟଲ୍ ଜିତିଛନ୍ତି। ଏଦୁହେଁ ଆଜି ଜିତି ଯାଇଛନ୍ତି ଚାଇନ୍ ଓପନ୍। ହାଓ ଚିଂ ଓ ୟଙ୍ଗ୍ ଜାନ୍ ଯୋଡ଼ିକୁ ସାନିଆ ଓ ହିଙ୍ଗିସ୍ ୬-୭, ୬-୧ ଓ ୧୦-୮ ରେ ପରାସ୍ତ କରିଛନ୍ତି। ଏହା ସହିତ ଚଳିତ ବର୍ଷ ଏହି ଯୋଡ଼ି ଜିତିଛନ୍ତି ୮ଟି ଡବଲ୍ସ ଟାଇଟଲ୍।
ଏହା ପୂର୍ବରୁ ସାନିଆ ଓ ହିଙ୍ଗିସ୍ ଯୋଡି ଗତ ଶନିବାର ଜିତି ଥିଲେ ଉହାନ ଓପନ୍ ମହିଳା ଡବଲ୍ସ ଟ୍ରଫି। ଉହାନ ଓପନ୍ ପୂର୍ବରୁ ସାନିଆ ଓ ହିଙ୍ଗିସ୍ ଇଣ୍ଡିଆନ୍ ୱେଲ୍ସ, ମିଆମି, ଚାର୍ଲସଟୋନ୍, ୱିମ୍ବଲଡନ୍, ୟୁଏସ୍ ଓପନ୍ ଓ ଗୁଆଙ୍ଗଝୁ ଓପନର ମହିଳା ଡବଲ୍ସ ଟାଇଟଲ୍ ଜିତିଥିଲେ।