ପ୍ୟାରିସ ଅଲିମ୍ପିକ୍ସରେ ବ୍ରୋଞ୍ଜ ଜିତିଥିବା ସରବଜୋତ ସିଂହ ଏବେ ଚର୍ଚ୍ଚାରେ। ସେ ଭାରତ ପାଇଁ ପଦକ ଜିତିଥିବାରୁ ତାଙ୍କ ପାଖକୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି। ଏଥିସହ ତାଙ୍କ ବିଭିନ୍ନ ପ୍ରକାରର ଅଫର ମଧ୍ୟ ମିଳୁଛି।
ହରିୟାଣାରେ ଜନ୍ମିତ ୨୨ ବର୍ଷୀୟ ସରବଜୋତ ୧୦ ମିଟର ଏୟାର ପିସ୍ତଲ ମିକ୍ସଡ ଇଭେଣ୍ଟରେ ଦେଶ ପାଇଁ ବ୍ରୋଞ୍ଜ ପଦକ ଜିତିଥିଲେ। ତାଙ୍କ ସହ ଏହି ଇଭେଣ୍ଟରେ ମନୁ ଭାକର ରହିଥିଲେ। ଉଭୟ ମିଳିତ ଭାବେ ଦେଶ ପାଇଁ ଶୁଟିଂରେ ବ୍ରୋଞ୍ଜ ଜିତିଛନ୍ତି।
ବ୍ରୋଞ୍ଜ ପଦକ ଜିତିବା ପରେ ସରବଜୋତ ସ୍ୱଦେଶ ଫେରିଛନ୍ତି। ତାଙ୍କୁ ନେତା, ମନ୍ତ୍ରୀଙ୍କ ଠାରୁ ବହୁ ବିଶିଷ୍ଟ ବ୍ୟକ୍ତି ଭେଟି ଶୁଭେଚ୍ଛା ଜଣାଉଛନ୍ତି। ଏସବୁ ଭିତରେ ହରିୟାଣ ସରକାର ତାଙ୍କୁ ଗୋଟିଏ ବଡ଼ ଚାକିରି ଅଫର କରିଛନ୍ତି। ତାଙ୍କୁ ସରକାର କ୍ରୀଡ଼ା ବିଭାଗର ଉପ ନିର୍ଦ୍ଦେଶକ ପଦ ଅଫର କରିଥିଲେ। ହେଲେ ଉକ୍ତ ଅଫରକୁ ବେଶ ବିନମ୍ରତାର ସହ ସରବଜୋତ ମନା କରିଦେଇଛନ୍ତି।
ସେ କହିଛନ୍ତି, “ମିଳିଥିବା ଚାକିରି ଅଫର ବହୁତ ଭଲ। କିନ୍ତୁ ଏବେ ମୁଁ ସେହି କାମ କରିପାରିବି ନାହିଁ। ମୁଁ ପ୍ରଥମେ ମୋ ଶୁଟିଂ ଉପରେ କାମ କରିବାକୁ ଚାହୁଁଛି। ମୋ ପରିବାର ସବୁବେଳେ ମୋତେ ଗୋଟିଏ ଭଲ ଚାକିରି କରିବାକୁ କହୁଛନ୍ତି। କିନ୍ତୁ ମୁଁ ବନ୍ଧୁକ ଚାଳନା କରିବାକୁ ଚାହେଁ। ମୁଁ ନେଇଥିବା ନିଷ୍ପତ୍ତି ବିରୋଧରେ କେବେ ହେଲେ ଯାଏ ନାହିଁ। ତେଣୁ ମୁଁ ବର୍ତ୍ତମାନ ପରିସ୍ଥିତିରେ କୌଣସି ପ୍ରକାରର ଚାକିରି କରିପାରିବି ନାହିଁ।”
#WATCH | Ambala, Haryana: On Haryana government's offer of the post of Deputy Director in the Sports Department, Indian Shooter and Olympic Athlete Sarabjot Singh says, "The job is good but I will not do it right now. I want to work on my shooting first. My family has also been… pic.twitter.com/XU7d1QdYBj
— ANI (@ANI) August 10, 2024
ଗୋଟିଏ ଚାଷୀ ପରିବାରରେ ସରବଜୋତଙ୍କ ଜନ୍ମ। ତାଙ୍କ ବାପା ଚାଷ କାମ କରି ଘର ଓ ପରିବାର ଚଳାନ୍ତି।