ପ୍ୟାରିସ ଅଲିମ୍ପିକ୍ସରେ ଭାରତୀୟ ଶଟଲର ସାତ୍ତ୍ୱିକ ସାଇରାଜ ରାଙ୍କିରେଡ୍ଡୀ ଓ ଚିରାଗ ସେଟ୍ଟୀଙ୍କ ଦବଦବା ଜାରି ରହିଛି। ପୁରୁଷ ଡବଲ୍ସରେ ଉଭୟ କ୍ରମାଗତ ଦ୍ୱିତୀୟ ମ୍ୟାଚ୍ ଜିତିଛନ୍ତି। ପ୍ରଥମ ମ୍ୟାଚ୍ରେ ଫ୍ରାନ୍ସକୁ ମାତ ଦେଇଥିବା ସାତ୍ତ୍ୱିକ ଓ ଚିରାଜ ଆଜି ଇଣ୍ଡୋନେସିଆକୁ ହରାଇଛନ୍ତି।
ଗ୍ରୁପର୍ଯ୍ୟାୟରେ ଉଭୟ ଅପରାଜେୟ ଧାରା ଜାରି ରଖି ଇଣ୍ଡୋନେସିଆ ବିପକ୍ଷ ମ୍ୟାଚ୍କୁ ମାତ୍ର ୪୦ ମିନିଟରେ ଶେଷ କରି ଦେଇଛନ୍ତି। ଇଣ୍ଡୋନେସିଆର ଫଜର ଓ ରିୟାନ ମହମ୍ମଦ ଭାରତୀୟ ଯୋଡ଼ିଙ୍କୁ ଚ୍ୟାଲେଞ୍ଜ ଦେବାକୁ ଚେଷ୍ଟା କରିଥିଲେ।
Also Read
କିନ୍ତୁ ସାତ୍ତ୍ୱିକ ଓ ଚିରାଗ ଯୋଡ଼ି ଏହାକୁ ଅକାମୀ କରି ଦେଇଛନ୍ତି। ପ୍ରଥମ ସେଟକୁ ଭାରତ ୨୧-୧୩ରେ ଜିତିଥିଲା। ଏଥିପାଇଁ ମାତ୍ର ୧୩ ମିନିଟ ସମୟ ଲାଗିଥିଲା।
ଦ୍ୱିତୀୟ ସେଟକୁ ମଧ୍ୟ ସାତ୍ତ୍ୱିକ ଓ ଚିରାଗ ୨୧-୧୩ରେ ଜିତି ନେଇଛନ୍ତି। କିନ୍ତୁ ଏହି ସେଟରେ କିଛି ଲମ୍ବା ରାଲି ଦେଖିବାକୁ ମିଳିଥିଲା। ତେଣୁ ଏହାକୁ ଜିତିବା ପାଇଁ ଭାରତୀୟ ଯୋଡ଼ିକୁ ୨୪ ମିନିଟର ସମୟ ଲାଗିଥିଲା।
ଲମ୍ବା ରାଲି ସତ୍ତ୍ୱେ ସାତ୍ତ୍ୱିକ ଓ ଚିରାଗ ନିଜର କ୍ଲାସ ଦେଖାଇ କ୍ୱାର୍ଟର ଫାଇନାଲ ଖେଳିବାକୁ ପ୍ରସ୍ତୁତ ହୋଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
