ଅଲିମ୍ପିକ୍ସ: ପ୍ରଥମ ମ୍ୟାଚ୍‌ରେ ବାଜି ମାରିନେଲେ ସାତ୍ତ୍ୱିକ ଓ ଚିରାଗ ଯୋଡ଼ି

ଭାରତୀୟ ବ୍ୟାଡମିଣ୍ଟନର ଷ୍ଟାର ଯୋଡ଼ି ସାତ୍ତ୍ୱିକ ସାଇରାଜ ରାଙ୍କିରେଡ୍ଡୀ ଓ ଚିରାଗ ସେଟ୍ଟୀ ପ୍ୟାରିସ ଅଲିମ୍ପିକ୍ସରେ ଆରମ୍ଭରୁ ନିଜର ଦବଦବା ଦେଖାଇଛନ୍ତି। ଏହି ଭାରତୀୟ ଯୋଡ଼ି ନିଜର ପ୍ରଥମ ମ୍ୟାଚ୍‌କୁ ଜିତି ପରବର୍ତ୍ତୀ ରାଉଣ୍ଡରେ ପ୍ରବେଶ କରିଛନ୍ତି। ପ୍ରଥମ ମ୍ୟାଚ୍‌ରେ ଉଭୟଙ୍କ ମୁକାବିଲା ଫ୍ରାନ୍ସର ଲୁକାସ କୋରଭୀ ଓ ରୋନାନ ଲାବାରଙ୍କ ସହ ହୋଇଥିଲା।

ବିଶ୍ୱ ରାଙ୍କିଙ୍ଗର ୩ ନମ୍ବର ସିଡ୍‌ ସାତ୍ତ୍ୱିକ ଓ ଚିରାଗ ବେଶ ସହଜରେ ଏହି ମ୍ୟାଚ୍‌କୁ ୨-୦ରେ ଜିତି ନେଇଛନ୍ତି। ଆରମ୍ଭରୁ ହିଁ ଭାରତୀୟ ଯୋଡ଼ି ଦମଦାର ପ୍ରଦର୍ଶନ କରିଥିଲେ। ପ୍ରଥମ ସେଟକୁ ଅତି ସହଜରେ ଉଭୟ ୨୧-୧୭ରେ ଜିତି ନେଇଥିଲେ।

ଦ୍ୱିତୀୟ ସେଟ ଆରମ୍ଭରୁ ଫ୍ରାନ୍ସ ଯୋଡ଼ି ସାମାନ୍ୟ ଆଗେଇ ଯାଇଥିଲେ। କିନ୍ତୁ ସାତ୍ତ୍ୱିକ ଓ ଚିରାଗ କମବ୍ୟାକ କରିବା ସହ ପୂରା ସେଟକୁ ୱାନ ସାଇଡ କରି ଦେଇଥିଲେ। ଶେଷରେ ୨୧-୧୪ରେ ଏହାକୁ କରାୟାତ କରିଥିଲେ।

ଏଥିସହ ମ୍ୟାଚ୍‌କୁ ମଧ୍ୟ ଜିତି ନେଇଥିଲେ। ୧ ଘଣ୍ଟାରୁ କମ ସମୟ ମଧ୍ୟରେ ମ୍ୟାଚ ଜିତି ଉଭୟ ପରବର୍ତ୍ତୀ ରାଉଣ୍ଡରେ ପ୍ରବେଶ କରିଛନ୍ତି।