ସ୍ୱିଡିସ୍ କପ୍ ଗ୍ରାଣ୍ଡ ପ୍ରିଁରେ ଅପୂର୍ବୀଙ୍କ ବିଶ୍ୱ ରେକର୍ଡ

ନୂଆଦିଲ୍ଲୀ: ସ୍ୱିଡିସ୍ କପ୍ ଗ୍ରାଣ୍ଡ ପ୍ରିଁର ମହିଳା ବର୍ଗର ୧୦ମିଟର ଏୟାର ରାଇଫଲ ପ୍ରତିଯୋଗିତାରେ ସ୍ୱର୍ଣ୍ଣ ଜିତିବା ସହ ଏକ ବିଶ୍ୱ ରେକର୍ଡ ପ୍ରତିଷ୍ଠା କରିଛନ୍ତି ଅପୂର୍ବୀ ଚାଣ୍ଡେଲା। ଅଲିମ୍ପିକରେ ସ୍ୱର୍ଣ୍ଣ ଜିତିଥିବା ଚାଇନାର ୟି ସିଲିଂକୁ ପଛରେ ପକାଇ ଭାରତର ଏହି ସୁଟର ବିଶ୍ୱ ରେକର୍ଡ ପ୍ରତିଷ୍ଠା କରିଛନ୍ତି। ଗତକାଲି ଅନୁଷ୍ଠିତ ହୋଇଥିବା ଏହି ପ୍ରତିଯୋଗିତାରେ ଚାଣ୍ଡେଲା ୨୧୧.୨ ପର୍ଯ୍ୟନ୍ତ ସୁଟ କରିଥିଲେ। ପୁର୍ବରୁ ଚାଇନାର ୟି ସିଲିଂ ୨୧୧ ପର୍ଯ୍ୟନ୍ତ ସୁଟ କରିଥିଲେ।

ଏହି ପ୍ରତିଯୋଗିତାରେ ସ୍ୱିଡିସ ସୁଟର ଆଷ୍ଟ୍ରିଡ୍ ଷ୍ଟିଫେନସନ(୨୦୭.୬) ଓ ଷ୍ଟିନେ ନେଲସନ (୧୮୫.୦) ପର୍ଯ୍ୟନ୍ତ ସୁଟ କରି ଯଥାକ୍ରମେ ରୌପ୍ୟ ଓ ବ୍ରୋଞ୍ଜ ପଦକ ଜିତିଛନ୍ତି।