ତୃତୀୟ ହକି ଟେଷ୍ଟ୍: ନ୍ୟୁଜିଲାଣ୍ଡକୁ ୩-୨ରେ ହରାଇଲା ଭାରତ

ଖ୍ରୀଷ୍ଟଚର୍ଚ୍ଚ: ନ୍ୟୁଜିଲାଣ୍ଡ ବିପକ୍ଷ ତୃତୀୟ ଟେଷ୍ଟ୍ ମ୍ୟାଚକୁ ଆଜି ଭାରତୀୟ ହକି ଦଳ ୩-୨ରେ ଜିତି ଯାଇଛି। ଏହା ସହିତ ୪ଟି ମ୍ୟାଚ୍ ବିଶିଷ୍ଟ ଏହି ଟେଷ୍ଟ୍ ସିରିଜରେ ଭାରତ ୨-୧ରେ ଆଗୁଆ ରହିଛି। ଚତୁର୍ଥ ତଥା ଫାଇନାଲ୍ ଟେଷ୍ଟ୍ ମ୍ୟାଚ୍ ରବିବାର ଖେଳାଯିବ।

ପ୍ରଥମ ମ୍ୟାଚଟି ନ୍ୟୁଜିଲାଣ୍ଡ ଜିତି ଥିଲା। ଘରୋଇ ଦଳ ଭାରତକୁ ୨-୦ରେ ହରାଇ ସିରିଜରେ ଅଗ୍ରଣୀ ଲାଭ କରିଥିଲା। ତେବେ ତା’ପର ଦିନ ଖେଳା ଯାଇଥିବା ଦ୍ୱିତୀୟ ମ୍ୟାଚଟିରେ ଭାରତୀୟ ଦଳ ଜୋରଦାର ପ୍ରତ୍ୟାବର୍ତ୍ତନ କରିଥିଲା। ନ୍ୟୁଜିଲାଣ୍ଡକୁ ୩-୧ରେ ହରାଇଥିଲା।

ନ୍ୟୁଜିଲାଣ୍ଡ ସିନିୟର ଟିମ୍ ସହିତ ଏହି ଟେଷ୍ଟ୍ ସିରିଜ୍ ଖେଳିବା ପୂର୍ବରୁ ନ୍ୟୁଜିଲାଣ୍ଡ ‘ଏ’ ଟିମ୍ ସହିତ ଦୁଇଟି ମ୍ୟାଚ୍ ଖେଳିଥିଲା ଭାରତୀୟ ଟିମ୍ ଓ ଦୁଇଟି ଯାକରେ ବିଜୟୀ ହୋଇଥିଲା।