ଚେନ୍ନାଇ: ଚେନ୍ନାଇ ଚେପକ୍ର ଏମ୍ଏ ଚିଦାମ୍ବରମ୍ ଷ୍ଟାଡିଅମ୍ରେ ଖେଳାଯାଉଥିବା ଘରୋଇ ଭାରତ ବିପକ୍ଷ ୩ଟିକିଆ ଟି-ଟ୍ୱେଣ୍ଟି ସିରିଜ୍ର ଅନ୍ତିମ ମ୍ୟାଚ୍ରେ ଭ୍ରମଣକାରୀ ୱେଷ୍ଟ୍ଇଣ୍ଡିଜ୍ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛି।
ଏହି ମ୍ୟାଚ୍ରେ ଦୁଇଟି ପରିବର୍ତ୍ତନ ସହ ଭାରତୀୟ ଦଳ ପଡ଼ିଆକୁ ଓହ୍ଲାଇଛି। ସିରିଜ୍ରୁ ବିଶ୍ରାମ ପାଇଥିବା ସ୍ପିଡ୍ ଷ୍ଟାର୍ ଯଶପ୍ରୀତ୍ ବୁମ୍ରା ଓ ବାମହାତୀ ଚାଇନାମ୍ୟାନ୍ କୁଲଦୀପ ଯାଦବଙ୍କ ସ୍ଥାନରେ ରିଷ୍ଟ୍ ସ୍ପିନର୍ ୟଜୁବେନ୍ଦ୍ର ଚହଲ୍ ଓ ଡାହାଣହାତୀ ଅଫ୍ ସ୍ପିନିଂ ଅଲ୍ରାଉଣ୍ଡର୍ ୱାଶିଂଟନ୍ ସୁନ୍ଦର୍ ଚୂଡ଼ାନ୍ତ ଏକାଦଶରେ ସ୍ଥାନ ପାଇଛନ୍ତି।
ତେବେ ଇଣ୍ଡିଜ୍ ଦଳରେ ଏହି ମ୍ୟାଚ୍ ପାଇଁ କୌଣସି ପରବର୍ତ୍ତନ ହୋଇନାହିଁ।
ପିଚ୍ ରିପୋର୍ଟ ଅନୁସାରେ , ଚେପକ୍ର ପିଚ୍ରେ ଫାଟ ରହିଛି ଏବଂ ଏହା ସ୍ଲୋ ବୋଲର୍ଙ୍କୁ ସହାୟତା ଦେବା ଆଶା କରାଯାଉଥିଲେ ହେଁ ଏଠାରେ ବଡ଼ ସ୍କୋର ହେବାର ସମ୍ଭାବନା ଥିବା କୁହାଯାଉଛି।
ଟି-ଟ୍ୱେଣ୍ଟି ସିରିଜ୍କୁ ଘରୋଇ ଟିମ୍ ଇଣ୍ଡିଆ ୨-୦ରେ କବ୍ଜା କରି ସାରିଛି। ଟି-ଟ୍ୱେଣ୍ଟି ପୂର୍ବରୁ ଭାରତୀୟ ଦଳ ଦିନିକିଆ ଓ ଟେଷ୍ଟ୍ ସିରିଜ୍କୁ ଯଥାକ୍ରମେ ୩-୧ ଏବଂ ୨-୦ରେ ଜିତି ନେଇଥିଲା।
ଭାରତୀୟ ଦଳ: ରୋହିତ୍ ଶର୍ମା(ଅ), ଶିଖର୍ ଧୱନ୍,ଲୋକେଶ ରାହୁଲ୍, ମନୀଷ ପାଣ୍ଡେ, ରିଷଭ ପନ୍ତ, ଦୀନେଶ କାର୍ତ୍ତିକ, କୃନାଲ୍ ପାଣ୍ଡ୍ୟା, ୱାଶିଂଟନ୍ ସୁନ୍ଦର, ଭୁବନେଶ୍ୱର କୁମାର୍, ୟଜୁବେନ୍ଦ୍ର ଚହଲ୍, ଖଲିଲ୍ ଅହମ୍ମଦ।
ସମ୍ଭାବ୍ୟ ୱେଷ୍ଟ୍ଇଣ୍ଡିଜ୍ ଦଳ: କାର୍ଲସ୍ ବ୍ରାଥ୍ୱେଟ୍(ଅ), ଡ୍ୟାରେନ୍ ବ୍ରାଭୋ, ଶାଇ ହୋପ୍, ଦିନେଶ୍ ରାମଦିନ୍(ୱି), ଶିମ୍ରନ୍ ହେଟ୍ମୟର୍, କିଏରନ୍ ପୋଲାର୍ଡ, ନିକୋଲସ୍ ପୁରନ୍, କେମୋ ପଲ୍, ଓଖାରୀ ପିଅର୍. ଫ୍ୟାବିଆନ୍ ଆଲେନ୍, ଓଶାନେ ଟମାସ୍।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
