ଆଜି ଭାରତ-ଜାପାନ ମ୍ୟାଚ୍
ଜୋହର ବାହରୁ (ମାଲେସିଆ): ସୁଲ୍ତାନ୍ ଜୋହାର୍ କପ୍ରେ ଆଜି ଭାରତ ଜାପାନକୁ ଭେଟିବ। ଭାରତୀୟ ସମୟ ଅପରାହ୍ଣ ୩.୩୫ରେ ଏହି ମ୍ୟାଚ୍ ଆରମ୍ଭ ହେବ। ଗତକାଲି ଭାରତୀୟ ଜୁନିଅର ପୁରୁଷ ଦଳ ନ୍ୟୁଜିଲାଣ୍ଡକୁ ୭-୧ ଗୋଲ୍ରେ ପରାସ୍ତ କରିଥିଲା। ଭାରତ ପକ୍ଷରୁ ପ୍ରଭଜୋତ୍ ସିଂହ, ହରମନଜିତ୍ ସିଂହ, ମହମ୍ମଦ ଫରାଜ, ଅଭିଷେକ ଓ ଅଧିନାୟକ ମନଦୀପ୍ ସିଂହ ଗୋଟିଏ ଲେଖାଏ ଗୋଲ୍ ଦେଇଥିବା ବେଳେ ଶୈଲାନନ୍ଦ ଲାକ୍ରା ୧୫ତମ ଓ ୪୩ତମ ମିନିଟ୍ରେ ଦୁଇଟି ଗୋଲ୍ ଦେଇଥିଲେ। […]
ଜୋହର ବାହରୁ (ମାଲେସିଆ): ସୁଲ୍ତାନ୍ ଜୋହାର୍ କପ୍ରେ ଆଜି ଭାରତ ଜାପାନକୁ ଭେଟିବ। ଭାରତୀୟ ସମୟ ଅପରାହ୍ଣ ୩.୩୫ରେ ଏହି ମ୍ୟାଚ୍ ଆରମ୍ଭ ହେବ।
ଗତକାଲି ଭାରତୀୟ ଜୁନିଅର ପୁରୁଷ ଦଳ ନ୍ୟୁଜିଲାଣ୍ଡକୁ ୭-୧ ଗୋଲ୍ରେ ପରାସ୍ତ କରିଥିଲା। ଭାରତ ପକ୍ଷରୁ ପ୍ରଭଜୋତ୍ ସିଂହ, ହରମନଜିତ୍ ସିଂହ, ମହମ୍ମଦ ଫରାଜ, ଅଭିଷେକ ଓ ଅଧିନାୟକ ମନଦୀପ୍ ସିଂହ ଗୋଟିଏ ଲେଖାଏ ଗୋଲ୍ ଦେଇଥିବା ବେଳେ ଶୈଲାନନ୍ଦ ଲାକ୍ରା ୧୫ତମ ଓ ୪୩ତମ ମିନିଟ୍ରେ ଦୁଇଟି ଗୋଲ୍ ଦେଇଥିଲେ।
ନ୍ୟୁଜିଲାଣ୍ଡ ମ୍ୟାଚ୍ର ୫୩ତମ ମିନିଟ୍ରେ ଭାରତ ଉପରେ ଗୋଟିଏ ଗୋଲ୍ ଦେଇଥିଲା। ଏହି ଗୋଲ୍ ଦେଇଥିଲେ ସାମ୍ ହିହା।
ଭାରତ ତା’ର ପ୍ରଥମ ମ୍ୟାଚ୍ରେ ଶନିବାର ଦିନ ମାଲେସିଆକୁ ୨-୧ ଗୋଲ୍ରେ ପରାସ୍ତ କରିଥିଲା।
ସେହିପରି ଆଜି ଆହୁରି ଦୁଇଟି ମ୍ୟାଚ୍ ଖେଳାଯିବ। ଅପରାହ୍ଣ ଗୋଟାଏ ୩୫ ମିନିଟ୍ରେ ଗ୍ରେଟ୍ ବ୍ରିଟେନ୍ ଓ ଅଷ୍ଟ୍ରେଲିଆ ମଧ୍ୟରେ ମ୍ୟାଚ୍ ଖେଳାଯିବ। ସନ୍ଧ୍ୟା ୬ଟାରେ ନ୍ୟୁଜିଲାଣ୍ଡ ଓ ମାଲେସିଆ ମଧ୍ୟରେ ତୃତୀୟ ମ୍ୟାଚ୍ ଖେଳାଯିବ।
