ନ୍ୟୁଜିଲ୍ୟାଣ୍ଡକୁ ପ୍ରାରମ୍ଭିକ ଝଟକା: ୨୬ ରନ୍‌ରେ ପ୍ୟାଭିଲିୟନ ଫେରିଲେ ଦୁଇ ଓପ୍‌ନର

ମାଉଣ୍ଟ ମାଙ୍ଗାନୁଇ: ମାଉଣ୍ଟ ମାଙ୍ଗାନୁଇରେ ଆରମ୍ଭ ହୋଇଥିବା ତୃତୀୟ ଦିନିକିଆରେ ଟସ୍‌ ଜିତି ନ୍ୟୁଜିଲ୍ୟାଣ୍ଡ ବ୍ୟାଟିଂ ନିଷ୍ପତ୍ତି ନେଇଥିଲା। ୨-୦ରେ ପଛୁଆ ଥିବା ନ୍ୟୁଜିଲ୍ୟାଣ୍ଡ ଟିମ୍‌ ଏହି ମ୍ୟାଚ୍‌ ଜିତି ସିରିଜ୍‌କୁ ଫେରିବା ଲକ୍ଷ୍ୟରେ ପଡିଆକୁ ଓହ୍ଲାଇ ଥିଲା। ହେଲେ ଭାରତୀୟ ବୋଲର୍‌ ନ୍ୟୁଜିଲ୍ୟାଣ୍ଡକୁ ଆରମ୍ଭରୁ ଝଟକା ଦେଇଛନ୍ତି। ପୂର୍ବ ଦୁଇଟି ମ୍ୟାଚ୍‌ ପରି ନ୍ୟୁଜିଲ୍ୟାଣ୍ଡକୁ ପ୍ରାରମ୍ଭିକ ଝଟକା ଲାଗିଛି। ଦଳ ୭ମ ଓଭର ସୁଦ୍ଧା ମାତ୍ର ୨୬ ରନ୍‌ କରି ଦୁଇ ୱିକେଟ୍‌ ହରାଇଛି। ଦଳର ଦୁଇ ଓପ୍‌ନରଙ୍କୁ ପ୍ୟାଭିଲିୟନର ରାସ୍ତା ଦେଖାଇ ଦେଇଛନ୍ତି ଭାରତୀୟ ବୋଲର ଭୁବନେଶ୍ୱର କୁମାର ଏବଂ ମହମ୍ମଦ ଶାମି।

କଲିନ୍‌ ମନରୋ ୭ ରନ୍‌ କରି ଶାମିକ ପ୍ରଥମ ଶିକାର ହୋଇଥିଲେ। ଦଳର ଦ୍ୱିତୀୟ ଓଭରରେ ଶାମି ତାଙ୍କୁ ରୋହିତ ଶର୍ମାଙ୍କ ଦ୍ୱାରା କ୍ୟାଚ୍‌ କରାଇଥିଲେ। ଏହାପରେ ଭୁବନେଶ୍ୱର କୁମାର ମାର୍ଟିନ ଗପ୍ଟିଲଙ୍କୁ ପ୍ୟାଭିଲିୟନ୍‌ ରାସ୍ତା ଦେଖାଇ ଥିଲେ। ଗପ୍ଟିଲ ୧୩ ରନ୍‌ କରି ଦିନେଶ କାର୍ତ୍ତିକଙ୍କ ଦ୍ୱାରା କ୍ୟାଚ୍‌ ଆଉଟ୍‌ ହୋଇଥିଲେ।

ସୂଚନାଯୋଗ୍ୟ, ଭାରତ ପ୍ରଥମ ଦୁଇଟି ମ୍ୟାଚ୍‌ରେ ବିଜୟୀ ହୋଇଛି।