ପ୍ରଥମ ମହିଳା ପ୍ରିମିୟର ଲିଗ୍‌ରେ ରେକର୍ଡ: ୪,୬୭୦ କୋଟିରେ ବିକ୍ରି ହେଲା ୫ ଟିମର ମାଲିକାନା

ଲିଗ୍‌ର ପ୍ରଥମ ସଂସ୍କରଣରେ ମୋଟ ୫ଟି ଦଳ ଭାଗ ନେବେ। ଏହି ୫ଟିମର ମାଲିକାନାକୁ ଆଜି ବିସିସିଆଇ ରେକର୍ଡ ୪,୬୭୦ କୋଟି ଟଙ୍କାରେ ବିକ୍ରି କରିଛି।

WPL PhotoInternet

ମହିଳା ପ୍ରିମିୟର ଲିଗ୍‌ରେ ୫ ଦଳ ଭାଗ ନେବେ

Hemant Lenka
  • Published: Wednesday, 25 January 2023
  • Updated: 25 January 2023, 05:57 PM IST

Sports

Latest News

ମହିଳା ପ୍ରିମିୟର ଲିଗ୍‌ର ପ୍ରଥମ ସଂସ୍କରଣ ପୂର୍ବରୁ ମାଲିକାନା ହାସଲ ପାଇଁ ଚାଲିଥିବା ବିଡ୍‌ରେ ବିସିସିଆଇ ନୂଆ ରେକର୍ଡ କରିଛି। ଲିଗ୍‌ର ପ୍ରଥମ ସଂସ୍କରଣରେ ମୋଟ ୫ଟି ଦଳ ଭାଗ ନେବେ। ଏହି ୫ ଟିମର ମାଲିକାନାକୁ ଆଜି ବିସିସିଆଇ ରେକର୍ଡ ୪,୬୭୦ କୋଟି ଟଙ୍କାରେ ବିକ୍ରି କରିଛି। ବିସିସିଆଇ ସମ୍ପାଦକ ଜୟ ଶାହ ନିଲାମୀ ଦରର ବିସ୍ତୃତ ତଥ୍ୟ ଟ୍ୱିଟ କରିଛନ୍ତି। ଏଥିସହ ପୁରୁଷଙ୍କୁ ନେଇ ଆଇପିଏଲ ଖେଳା ଯାଉଥିବା ବେଳେ ମହିଳା ଟି-୨୦ ଟୁର୍ଣ୍ଣାମେଣ୍ଟର ନାଁ ମହିଳା ପ୍ରିମିୟର ଲିଗ୍‌(WPL) ରାଖାଯାଇଥିବା ସେ କହିଛନ୍ତି।

୨୦୦୮ ପୁରୁଷ ଆଇପିଏଲର ପ୍ରଥମ ସଂସ୍କରଣ ବେଳେ ବିଡିଂରୁ ଯେତିକି ଟଙ୍କା ମିଳିଥିଲା,ତା’ଠାରୁ ଅଧିକ ଟଙ୍କା ମହିଳା ପ୍ରିମିୟର ଲିଗ୍‌ରୁ ମିଳିଥିବା ସେ ସୂଚନା ଦେଇଛନ୍ତି। ନିଲାମୀ ବେଳେ ଅହମଦାବାଦ ଫ୍ରାଞ୍ଚାଇଜ୍‌କୁ ଆଦାନୀ ସ୍ପୋର୍ଟସ ଲାଇନ ପ୍ରାଇଭେଟ ଲିଃ ରେକର୍ଡ ୧୨୮୯ କୋଟି ଟଙ୍କାର କିଣିଛି।

ସେହରି ମୁମ୍ବାଇ ପ୍ରାଞ୍ଚାଇଜକୁ ଇଣ୍ଡିଆୱିନ ସ୍ପୋର୍ଟସ ପ୍ରାଇଭେଟ ଲିଃ ୯୧୨.୯୯ କୋଟି, ବେଙ୍ଗାଲୁରୁ ପ୍ରାଞ୍ଚାଇଜ୍‌କୁ ରୟାଲ ଚ୍ୟାଲେଞ୍ଜର୍ସ ସ୍ପୋର୍ଟସ ପ୍ରାଇଭେଟ ଲିଃ ୯୦୧ କୋଟି, ଦିଲ୍ଲୀ ପ୍ରାଞ୍ଚାଇଜ୍‌କୁ ଜେଏସ୍‌ଡବ୍ଲ୍ୟୁ ଜିଏମଆର କ୍ରିକେଟ ପ୍ରାଇଭେଟ ଲିଃ ୮୧୦ କୋଟି ଓ ଲକ୍ଷ୍ନୌ ପ୍ରାଞ୍ଚାଇଜ୍‌କୁ କାପ୍ରୀ ଗ୍ଲୋବାଲ ହୋଲଡିଂ ପ୍ରାଇଭେଟ ଲିଃକୁ ୭୫୭ କୋଟିରେ କିଣିଛି।

Also Read

ଜୟ ଶାହ ଟ୍ୱିଟ କରି କହିଛନ୍ତି, ଆଜି କ୍ରିକେଟ ପାଇଁ ଐତିହାସିକ ଦିନ। କାରଣ ମହିଳା ପ୍ରିମିୟର ଲିଗ୍‌ର ବିଡିଂ ପୁରୁଷ ଆଇପିଏଲ ୨୦୦୮ର ରେକର୍ଡକୁ ଭାଙ୍ଗି ଦେଇଛି। ବିଜେତାମାନଙ୍କୁ ଶୁଭେଚ୍ଛା। ଆମେ ମୋଟ ନିଲାମୀରୁ ୪୬୬୯.୯୯ କୋଟି ଟଙ୍କା ପାଇଛୁ। ଏହା ମହିଳା କ୍ରିକେଟରେ ବୈପ୍ଳବିକ ପରିବର୍ତ୍ତନର ଶୁଭାରମ୍ଭ। ଏହା କେବଳ ଆମ ମହିଳା କ୍ରିକେଟର ନୁହେଁ, ପୂରା କ୍ରୀଡ଼ା ଜଗତକୁ ନୂଆ ଦିଗଦର୍ଶନ ଦେବ ବୋଲି ଶାହ କହିଛନ୍ତି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos