ବଜାରରୁ ହଜି ଯିବ କି ନୋକିଆ। ସ୍ମାର୍ଟ ଫୋନ୍ ମାର୍କେଟରେ ଯେଉଁ ବ୍ରାଣ୍ଡର ଏକ ସ୍ୱତନ୍ତ୍ର ପରିଚୟ ରହିଛି, ତାହା ମାର୍କେଟରେ ନମିଳିବା ନେଇ ଚର୍ଚ୍ଚା ହେଉଛି। କାରଣ ନିକଟରେ ସୋଶାଲ ମିଡିଆ ହ୍ୟାଣ୍ଡଲ୍ସ ଏବଂ ୱେବସାଇଟର ନାଁ ପରିବର୍ତ୍ତନ କରିଛି ନୋକିଆ।
ନୋକିଆ ନିଜ ନାଁକୁ ହ୍ୟୁମାନ୍ ମୋବାଇଲ୍ ଡିଭାଇସ୍ (HMD)କୁ ପରିବର୍ତ୍ତନ କରିଛି। ଏହା ସହିତ, ନୋକିଆ।.କମ୍/ ଫୋନ୍ URL ବର୍ତ୍ତମାନ ବ୍ୟବହାରକାରୀଙ୍କୁ HMD ଗ୍ଲୋବାଲ୍ ୱେବସାଇଟ୍ ବ୍ୟବହାର କରିବାକୁ କହିଛି।
ଏହି ନାମ ପରିବର୍ତ୍ତନ ପରେ ନୋକିଆ ବଜାରରୁ ପ୍ରତ୍ୟାହାର ହୋଇଯିବା ନେଇ ଚର୍ଚ୍ଚା ହେଉଛି। କିନ୍ତୁ ନୋକିଆ ବ୍ରାଣ୍ଡର ବନ୍ଦ ସମ୍ପର୍କରେ HMD ଗ୍ଲୋବାଲ କୌଣସି ନିର୍ଦ୍ଦିଷ୍ଟ ବିବରଣୀ ପ୍ରଦାନ କରି ନାହିଁ। HMD ବ୍ରାଣ୍ଡ ଅଧୀନରେ 91mobiles ରେଣ୍ଡର ଆସିବା ପରେ ଏହି ଘୋଷଣା କରିଛି।
ପ୍ରକାଶ ଥାଉ କି, ନୋକିଆ ନିକଟରେ 91 ମୋବାଇଲ୍ ଏକ୍ସକ୍ଲୁସିଭ୍ ଏକ ଲିକ୍ ରେଣ୍ଡର ପ୍ରକାଶ କରିଛି, ଯେଉଁଥିରେ HMD ବ୍ରାଣ୍ଡିଂ ଲେଖାଯାଛି। ଏଥିରୁ ନୋକିଆର ବ୍ରାଣ୍ଡ୍ ହଟିଯାଇଛି।
ନିକଟରେ HMD ଗ୍ଲୋବାଲ୍ ଏକ ଟିଜର ଭିଡିଓ ଜାରି କରିଛି। ଭିଡିଓରେ ସ୍ମାର୍ଟଫୋନ୍, ଟାବଲେଟ୍, ଇଅରବଡ୍ ଏବଂ ଅନ୍ୟାନ୍ୟ ଉତ୍ପାଦଗୁଡିକର ଆସୁଥିବା ମୋଡେଲ୍ ଡିଜାଇନ୍ ଉଲ୍ଲେଖ କରିଛି। ଏହି ସ୍ମାର୍ଟଫୋନର କ୍ୱାଲିଟି, ସୁରକ୍ଷା ଏବଂ ପ୍ରାଇସ୍ ବାବଦରେ କହିଛି। କମ୍ପାନୀ ଫୋନକୁ ବିଶ୍ୱସ୍ତରରେ ପହଞ୍ଚାଇବାକୁ ଲକ୍ଷ୍ୟ ରଖିଛି। କମ୍ପାନୀ କହିଛି ଯେ, 2016 ମସିହା ପରଠାରୁ 40 କୋଟି ବ୍ୟବହାରକାରୀ ଅଛନ୍ତି। ତେବେ ଆଗକୁ ନୋକିଆ, HMD ନାଁରେ ଗ୍ରାହକଙ୍କ ନିକଟରେ ପହଞ୍ଚି ପାରୁଛି କି ନାହିଁ, ତା' ଉପରେ ନଜର।