ଲଞ୍ଚ୍‌ ହେଲା Realme 2: କମ୍‌ ଦାମ୍‌ରେ ଅଧିକ ଫିଚର୍‌

ନୂଆଦିଲ୍ଲୀ:  ଚାଇନିଜ୍ ମୋବାଇଲ୍ ନିର୍ମାତା କମ୍ପାନୀ ରିୟଲ୍‌ମି ନିଜର Realme 2 ସ୍ମାର୍ଟଫୋନ୍‌କୁ ଭାରତରେ ଲଞ୍ଚ୍‌ କରିଛି। ଏହି ସ୍ମାର୍ଟଫୋନ୍‌ ୨ଟି ଭ୍ୟାରିୟାଣ୍ଟ୍‌ରେ ବଜାରକୁ ଆସିଛି। ଉଭୟଙ୍କର ମୂଲ୍ୟ ଭିନ୍ନ ଭିନ୍ନ ରହିଛି। ସେପ୍ଟେମ୍ବର ୪ ତାରିଖରେ ଫ୍ଲିପ୍‌କାର୍ଟ ଜରିଆରେ ଏହାର ବିକ୍ରି ଆରମ୍ଭ ହେବ। ଏବେ, ଏହାର ଫିଚର୍ସ ବିଷୟରେ ଆସନ୍ତୁ ଜାଣିବା।

photo-androidauthority

ଫିଚର୍ସ: ଡୁଆଲ୍‌ ସିମ୍‌ ବିଶିଷ୍ଟ ଏହି ସ୍ମାର୍ଟ ଫୋନ୍‌ଟି  ଆଣ୍ଡ୍ରଏଡ୍‌ ୮.୧ ଓରିଓ ବେସ୍‌ଡ ColorOS 5.1ରେ ଚାଲିବ। ଏଥିରେ ୬.୨ ଇଞ୍ଚ୍‌ର ଡିସ୍‌ପ୍ଲେ ଦିଆଯାଇଛି। ଯାହାର ଏସ୍‌ପେକ୍ଟ ରେସିଓ ୧୯:୯ ରହିଛି। ଏଥିସହିତ ଏଥିରେ HD+(720×1520 ପିକ୍ସେଲ୍) ଇନ୍‌ସେଲ୍‌ ପ୍ୟାନେଲ୍‌ ଦିଆଯାଇଛି। ଏହି ସ୍ମାର୍ଟଫୋନ୍‌ରେ 3GB/ 4GB ରାମ୍‌ Adreno 506 GPU ସୁବିଧା ସହିତ ୪୫୦ର ଅକ୍ଟାକୋର୍‌ କ୍ୱାଲ୍‌କମ୍ ସ୍ନାପ୍‌ଡ୍ରାଗନ୍‌ ପ୍ରୋସେସର୍‌ ମଧ୍ୟ ଦିଆଯାଇଛି। ଏଥିରେ ୨୫୬ GB  ପର୍ଯ୍ୟନ୍ତ ମେମୋରି କାର୍ଡ ପକାଇ ପାରିବେ।

photo- abp news

କ୍ୟାମେରା:  Realme 2ର କ୍ୟାମେରା ଫିଚର୍ସ କଥା ଦେଖିଲେ, ଏଥିରେ ଡୁଆଲ୍‌ ରିୟର୍‌ କ୍ୟାମେରା ସେଟ୍‌ଅପ୍‌ ଦିଆଯାଇଛି। ପ୍ରଥମ କ୍ୟାମେରାଟି ୧୩ ମେଗାପିକ୍ସେଲ୍‌ ଓ ଦ୍ୱିତୀୟ କ୍ୟାମେରା ୨ ମେଗାପିକ୍ସେଲ୍‌। ସେହିଭଳି ସେଲ୍‌ଫି ପାଇଁ f/2.2 ଅପର୍ଚର ସହିତ ୮ ମେଗାପିକ୍ସେଲ୍‌ର ଫ୍ରଣ୍ଟ୍‌ କ୍ୟାମେରା ରହିଛି।

photo- digit.in

କନେକ୍ଟିଭିଟି: ଏଥିରେ ଡୁଆଲ୍‌ 4G VoLTE ୱାଇଫାଇ ବ୍ଲୁଟୁଥ୍‌ v4.2, GPS/ A-GPS, GLONASS ମାଇକ୍ରୋ USB, OTG ସପୋର୍ଟ ଓ 3.5mm ହେଡ୍‌ଫୋନ୍‌ ଜ୍ୟାକ୍‌ ସପୋର୍ଟ ସୁବିଧା ଦିଆଯାଇଛି। ଏଥିସହିତ ଏହି ଫୋନ୍‌ରେ 4,230mAhର ପାୱାର୍‌ଫୁଲ୍‌ ବ୍ୟାଟେରି ସହିତ ଫିଙ୍ଗର୍‌ପ୍ରିଣ୍ଟ୍ ସେନ୍‌ସର୍ ଓ ଫେସ୍‌ ଅନ୍‌ଲକ୍‌ ସେନ୍‌ସର୍‌ ଭଳି ଅନ୍ୟାନ୍ୟ ସୁବିଧା ରହିଛି।

photo-myhomegadgets

ମୂଲ୍ୟ: 3GB/ ରାମ୍‌ 32GB ଷ୍ଟୋରେଜ୍‌ ପାଇଁ ବିଶିଷ୍ଟ ସ୍ମାର୍ଟ ଫୋନ୍‌ର ଦାମ୍ ୮,୯୯୦ ଟଙ୍କା ଓ 4GB ରାମ୍‌ ଓ 64GB ବିଶିଷ୍ଟ ମୋବାଇଲ୍‌ର ଦାମ୍‌ ୧୦,୯୯୦ ଟଙ୍କା ରହିଛି।

ଲଞ୍ଚ୍‌ ଅଫର୍: Realme 2 ସ୍ମାର୍ଟଫୋନ୍‌ରେ ଲଞ୍ଚ୍‌ ଅଫର୍ ମଧ୍ୟ  ରହିଛି। HDFC ବ୍ୟାଙ୍କ୍‌ର କ୍ରେଡିଟ୍‌ କିମ୍ବା ଡେବିଟ୍‌ କାର୍ଡରେ ପେମେଣ୍ଟ୍‌ କଲେ ୭୫୦ ଟଙ୍କାର ରିହାତି ଦିଆଯାଉଛି। ଏଥିସହିତ ଜିଓ ତରଫରୁ ମଧ୍ୟ 120GB ଡାଟା ସହିତ ଅନ୍ୟାନ୍ୟ ଅଫର୍‌ ମଧ୍ୟ ଏଥିରେ ଉପଲବ୍ଧ।