ଆଜି ଭୁବନେଶ୍ୱରରେ ଓଡ଼ିଶା ବିଦ୍ୟାଳୟ ଶିକ୍ଷକ ମହାସଂଘର ବିଶାଳ ସମାବେଶ

ଭୁବନେଶ୍ୱର: ଓଡ଼ିଶା ବିଦ୍ୟାଳୟ ଶିକ୍ଷକ ମହାସଂଘ ପକ୍ଷରୁ ଆଜି ରାଜଧାନୀରେ ଏକ ବିଶାଳ ସମାବେଶ କରାଯିବ। ଏଥିସହ ଆଜି ରାଜ୍ୟ ସଚିବାଳୟ ଘେରାଉ ଲାଗି ସଂଘ ଚେତାବନୀ ଦେଇଛି । ଭୁବନେଶ୍ୱର ଲୋୟର ପିଏମ୍‌ଜିରେ ଆନ୍ଦୋଳନ ଚଳାଇଛି ଶିକ୍ଷକ ମହାସଂଘ। ବ୍ଲକ ଗ୍ରାଣ୍ଟ ଉଚ୍ଛେଦ ସହ ପୁର୍ଣ୍ଣ ଅନୁଦାନ ଦାବିରେ  ବିଭିନ୍ନ ବର୍ଗର ଶିକ୍ଷକ ସଂଘ ମିଳିତ ଭାବେ ଆନ୍ଦୋଳନ ଜାରି ରଖିଛନ୍ତି। ଦାବି ପୂରଣ ହୋଇ ନ ଥିବାରୁ  ଆସନ୍ତା ୨୨ ତାରିଖରେ ଥିବା ମାଟ୍ରିକ ପରୀକ୍ଷାକୁ ଶିକ୍ଷକମାନେ ବର୍ଜନ କରିବେ। ଏଥିସହ ଆଗାମୀ ୫ ତାରିଖରେ ସମଗ୍ର ରାଜ୍ୟରେ ହରତାଳ ଓ ଧର୍ମଘଟ କରିବାକୁ ଚେତାବନୀ ଦେଇଛି ସଂଘ। ସରକାରଙ୍କ ନାଲିଆଖିକୁ ଖାତିର କରାଯିବ ନାହିଁ ବୋଲି ସଂଘର ମୁଖ୍ୟ ଆବାହକ କହିଛନ୍ତି ।