ମନ୍ତ୍ରୀଙ୍କ ପ୍ରତିଶ୍ରୁତି ପରେ ଅଙ୍ଗନବାଡ଼ି କର୍ମୀଙ୍କ ଆନ୍ଦୋଳନ ସ୍ଥଗିତ

<p>ଭୁବନେଶ୍ୱର: ସେପ୍ଟେମ୍ବର ୧୨ରୁ ଆନ୍ଦୋଳନ ଚଳାଇଆସିଥିବା ଅଙ୍ଗନବାଡ଼ି କର୍ମୀ ଆଜି ସେମାନଙ୍କ ଆନ୍ଦୋଳନକୁ ସ୍ଥଗିତ ରଖିଛନ୍ତି।&nbsp; ଆନ୍ଦୋଳନ ସ୍ଥଗିତ ରଖିଥିବା ନେଇ ସଂଘର ସଭାନେତ୍ରୀ ଅଞ୍ଜଳି ପଟେଲ ସୂଚନା ଦେଇଛନ୍ତି। ମନ୍ତ୍ରୀଙ୍କ ଆଶ୍ୱାସନା ପରେ ଅଙ୍ଗନବାଡ଼ି କର୍ମୀ ଆନ୍ଦୋଳନ ସ୍ଥଗିତ ରଖିଛନ୍ତି ବୋଲି ସେ କହିଛନ୍ତି।</p> <p>ସେପ୍ଟେମ୍ବର ୧୨ରୁ ସେମାନେ ଆନ୍ଦୋଳନ ଚଳାଇଥିଲେ। ଗତ ୧୭ ତାରିଖରେ ରାଜ୍ୟ ସରକାର ଅଙ୍ଗନବାଡ଼ି କର୍ମୀ ଓ ସହାୟିକାଙ୍କ ମାସିକ ଦରମାରେ ୫୦ ପ୍ରତିଶତ ବୃଦ୍ଧି ଘୋଷଣା କରିଥିଲେ ବି ଆନ୍ଦୋଳନ ଚାଲିଥିଲା। ଦୁଇଟି ସଂଗଠନ ଆନ୍ଦୋଳନରୁ ଓହରି ଯାଇଥିଲେ ତେବେ ଅଲ ଓଡ଼ିଶା ଅଙ୍ଗନଓ୍ୱାଡ଼ି ଲେଡିଜ୍ ଓ୍ୱାର୍କର୍ସ ଆସୋସିଏସନ ପକ୍ଷରୁ ଆନ୍ଦୋଳନ ଚାଲୁ ରହିଥିଲା। କାର୍ଯ୍ୟରେ ଯୋଗଦେବାକୁ ସେମାନଙ୍କୁ ମନ୍ତ୍ରୀ ଡେଡ୍&zwnj;ଲାଇନ ଦେଇଥିଲେ।</p> <p>ଜଣେ ଅଙ୍ଗନବାଡ଼ି କର୍ମୀ କହିଛନ୍ତି,&ldquo;ଆମେ ଆନ୍ଦୋଳନରୁ ଓହରି ନାହୁଁ। ଏହାକୁ ସ୍ଥଗିତ ରଖିଛୁ। କାହା ଭୟରେ ଆମେ ଏହି ଆନ୍ଦୋଳନକୁ ସ୍ଥଗିତ ରଖିନାହୁଁ। ନଭେମ୍ବର ୧୭ରେ&nbsp; ଦିଲ୍ଲୀର ଜନ୍ତରମନ୍ତରରେ ଆନ୍ଦୋଳନ କରିବୁ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଦାବିପତ୍ର ଦେବୁ।&rdquo;</p>