ସତ୍ୟଜିତ୍‌ ପାଇଲେ ବଡ଼ ସୁଯୋଗ; ଇଣ୍ଟର୍ଣ୍ଣସିପ୍ କରିବାକୁ ଆମନ୍ତ୍ରଣ କଲେ ଏ.ଆର୍‌ ରହମାନ୍‌

<p>ଭୁବନେଶ୍ୱର: ଜି ଟିଭିରେ ପ୍ରସାରିତ ହେଉଥିବା ସା ରେ ଗା ମା ପା ଲିଟିଲ୍&zwnj; ଚାମ୍ପ୍ସର ଗତକାଲି ଏପିସୋଡ୍&zwnj;ଟି ଓଡ଼ିଆ ପୁଅ ସତ୍ୟଜିତ୍ ଜେନାଙ୍କ ପାଇଁ ସ୍ମରଣୀୟ ହୋଇ ରହିବ। ଗତକାଲି ଏପିସୋଡ୍&zwnj;ରେ ସ୍ୱତନ୍ତ୍ର ଅତିଥି ଭାବେ ଯୋଗ ଦେଇଥିଲେ ପ୍ରଖ୍ୟାତ ସଂଗୀତ ନିର୍ଦ୍ଦେଶକ, ଗାୟକ ତଥା ଓସ୍କାର ବିଜେତା ଏ.ଆର୍&zwnj;. ରହମାନ୍। ସତ୍ୟଜିତ୍ ତାଙ୍କୁ ଇମ୍ପ୍ରେସ୍&zwnj; କରିବାରେ ସଫଳ ହୋଇଥିଲେ। ସତ୍ୟଜିତ୍&zwnj;ଙ୍କ ମ୍ୟୁଜିକ୍ କଂପୋଜିସନ୍&zwnj;କୁ ରହମାନ୍ ପ୍ରଶଂସା କରିବା ସହିତ ତାଙ୍କ ଷ୍ଟୁଡିଓରେ ୭ ଦିନିଆ ଇଣ୍ଟର୍ଣ୍ଣସିପ୍&zwnj; କରିବା ପାଇଁ ଆମନ୍ତ୍ରଣ କରିଛନ୍ତି। ଅର୍ଥାତ୍ ସତ୍ୟଜିତ୍ ତାଙ୍କ ଷ୍ଟୁଡିଓରେ ୭ ଦିନ ପାଇଁ ଶିକ୍ଷାନବିସ ଭାବେ ଯୋଗ ଦେବେ।</p> <p>ଗତକାଲି ସତ୍ୟଜିତ୍ &lsquo;ରୋଜା&rsquo; ଫିଲ୍ମର ଏକ ଗୀତ &lsquo;ରୋଜା ଜାନେ ମନ୍....&rsquo; ଗାଇ ଥିଲେ। ଏହି ଗୀତଟି ଗାଇ ସେ ବିଚାରକମାନଙ୍କ ମନ ଜିତି ଥିଲେ ଓ ସେମାନଙ୍କଠାରୁ ୯୯% ଭୋଟ୍ ପାଇଥିଲେ। ସତ୍ୟଜିତ୍&zwnj; ଏହି ଗୀତଟି ଗାଇ ସାରିବା ପରେ ରହମାନ ତାଙ୍କୁ କହିଥିଲେ, &ldquo;ତୁମେ ମ୍ୟୁଜିକ୍&zwnj; କଂପୋଜ୍ କର ବୋଲି ମୁଁ ଶୁଣିଛି। ତୁମ କଂପୋଜିସନ୍&zwnj; ଗୁଡ଼ିକ ମଧ୍ୟରୁ ଗୋଟିଏ ଗୀତ ଗାଇ ଶୁଣାଅ।&rdquo;</p> <p>ରହମାନଙ୍କୁ ନିରାଶ କରି ନ ଥିଲେ ସତ୍ୟଜିତ୍। ସେ ତାଙ୍କ କଂପୋଜିସନ୍&zwnj;ରେ ପ୍ରସ୍ତୁତ ଏକ ଗୀତ ଗାଇ ଶୁଣାଇଥିଲେ। ଏହି ଗୀତଟିକୁ ଲେଖିଥିଲେ ସଂଗୀତ ନିର୍ଦ୍ଦେଶକ ତଥା ଗାୟକ ହିମେଶ ରେଶମିୟା। ଏହାର ମ୍ୟୁଜିକ୍ ଦେଇଥିଲେ ସତ୍ୟଜିତ୍। ସେ ଗୀତଟିକୁ ଗାଇବା ପରେ ରହମାନ ପଚାରିଥିଲେ,&ldquo;ଗୀତଟିକୁ କିଏ ଲେଖିଛି?&rdquo; ହିମେଶ ରେଶମିୟା ହାତ ଟେକି ଏହାର କ୍ରେଡିଟ୍ ନେବାକୁ ପଛାଇ ନ ଥିଲେ। ତା&rsquo;ପରେ ରହମାନ ସତ୍ୟଜିତଙ୍କୁ କହିଥିଲେ,&ldquo;ଆଉ ତୁମେ ଏହାର ଧୁନ୍ ପ୍ରସ୍ତୁତ କରି ଥିଲ? ତା&rsquo;ହେଲେ ମୁଁ ତୁମକୁ ମୋ ଷ୍ଟୁଡିଓରେ ସପ୍ତାହେ ପାଇଁ ଇଣ୍ଟର୍ଣ୍ଣସିପ୍&zwnj; କରିବାକୁ ଆମନ୍ତ୍ରଣ କରିବାକୁ ଚାହୁଁଛି।&rdquo; ଏଥିପାଇଁ ସତ୍ୟଜିତ୍ ତାଙ୍କୁ ଧନ୍ୟବାଦ ଦେଇଥିଲେ। ଏହା ତାଙ୍କ ପାଇଁ ନିଶ୍ଚିତ ଏକ ବଡ଼ ସୁଯୋଗ ସଂଗୀତ ବିଷୟରେ ଅନେକ କିଛି ଜାଣିବା ପାଇଁ।</p>