ଆସାମୀ ସାହିତ୍ୟିକ ଲକ୍ଷ୍ମୀନାଥ ବେଜବାରୁଆଙ୍କ ଘର ନ ଭାଙ୍ଗିବାକୁ ନବୀନଙ୍କୁ ଚିଠି ଲେଖିଲେ ଆସାମ ମୁଖ୍ୟମନ୍ତ୍ରୀ

<p>ଭୁବନେଶ୍ୱର:ଆସାମୀ ଭାଷା ସାହିତ୍ୟର ଯୁଗସ୍ରଷ୍ଟା ସାହିତ୍ୟିକ ଲକ୍ଷ୍ମୀନାଥ ବେଜବାରୁଆଙ୍କ ଘର ଭଙ୍ଗା ଯିବା ପ୍ରସଙ୍ଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଆସାମ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୋୱାଲ ଚିଠି ଲେଖିଛନ୍ତି।&nbsp;&nbsp; ଲକ୍ଷ୍ମୀନାଥଙ୍କ ଘର ନ ଭାଙ୍ଗିବାକୁ ସେ ଚିଠିରେ ଉଲ୍ଲେଖ କରିଛନ୍ତି। ରାଜ୍ୟ ସରକାର ଲକ୍ଷ୍ମୀନାଥଙ୍କ ଘର ଭାଙ୍ଗିବାକୁ ନିଷ୍ପତ୍ତି ନେଇଥିବାରୁ ଏହାକୁ ନ ଭାଙ୍ଗିବାକୁ ଆସାମ ମୁଖ୍ୟମନ୍ତ୍ରୀ ଅନୁରୋଧ କରିଛନ୍ତି।</p> <p>ଆସାମ ମୁଖ୍ୟମନ୍ତ୍ରୀଙ୍କ ଅନୁରୋଧ ରକ୍ଷା କରି ଆବଶ୍ୟକୀୟ ପଦକ୍ଷେପ ଗ୍ରହଣ କରାଯିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରତିଶ୍ରୁତି ଦେଇଛନ୍ତି। ଆଜି ଆସାମର ସଂସ୍କୃତି&nbsp; ମନ୍ତ୍ରୀ ନବକୁମାର ଡୋଲେ ଓ ମୁଖ୍ୟମନ୍ତ୍ରୀଙ୍କ ମିଡିଆ ଆଡଭାଇଜର ହୃଷିକେଶ ହୋତା&nbsp; ଓଡ଼ିଶା ଗସ୍ତରେ ଆସି ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରିବେ।</p> <p>ସାହିତ୍ୟିକ ଲକ୍ଷ୍ମୀନାଥ ବେଜବାରୁଆ ତାଙ୍କ ଜୀବନର ଅନେକ ସମୟ ସମ୍ବଲପୁରରେ ଥିବା ଘରେ ବିତାଇଛନ୍ତି। ଏଥିଲାଗି&nbsp; ବେଜବାରୁଆଙ୍କ ଏହି ସ୍ମାରକୀକୁ ସୁରକ୍ଷିତ ରଖିବାକୁ ଦାବି କରିଛନ୍ତି ଆସାମର ବିଭିନ୍ନ ସାହିତ୍ୟ ଏବଂ ସାଂସ୍କୃତିକ ସଂଗଠନ।&nbsp; ଏହି ଐତିହାସିକ ଘରକୁ ଏକ ମ୍ୟୁଜିୟମରେ ପରିଣତ&nbsp; କରିବାକୁ ଦାବି କରିଛି ଅଲ ଆସାମ ଛାତ୍ର ସଂଘ। ୧୮୬୪ ମସିହାରେ ଜନ୍ମଗ୍ରହଣ କରିଥିଲେ ଲକ୍ଷ୍ମୀନାଥ ବେଜବାରୁଆ। ଆଧୁନିକ ଆସାମୀ ସାହିତ୍ୟର ଯୁଗସ୍ରଷ୍ଟା ବେଜବରୁଆ ଆସାମୀ&nbsp; ସାହିତ୍ୟରେ ରସରାଜ ଭାବେ ମଧ୍ୟ ବେଶ୍ ପରିଚିତ। ୧୯୧୭ରୁ&nbsp; ୧୯୩୨ ପର୍ଯ୍ୟନ୍ତ ସମ୍ବଲପୁରରେ ଥିବା ବାସଭବନରେ ଲକ୍ଷ୍ମୀନାଥ ରହୁଥିଲେ।&nbsp; ଏହାପରେ ସେ&nbsp; କୋଲକାତା ଚାଲି ଆସିଥିଲେ। ନିଜର କଲମ ମୁନରୁ ବାହାରିଥିବା ବିଭିନ୍ନ ଗଳ୍ପ, କବିତା ଓ ଉପନ୍ୟାସ ମାଧ୍ୟମରେ ଆସାମୀ ସାହିତ୍ୟରେ ଜୀବନରେ ରଙ୍ଗ ଭରି ଦେଇଥିଲେ ଲକ୍ଷ୍ମୀନାଥ। ଦଶନ୍ଧି ଧରି ସମ୍ବଲପୁରରେ ଲକ୍ଷ୍ମୀନାଥ ରହିଥିବାରୁ, ତାଙ୍କର ଲେଖନୀରେ ସମ୍ବଲପୁରୀ&nbsp; ଭାଷାର&nbsp; ମହକ ପରିଲକ୍ଷିତ ହେଉଥିବା ଦେଖିବାକୁ ମିଳିଛି।</p>