ଭୁବନେଶ୍ୱର: ଅବକାରୀ ମନ୍ତ୍ରୀ ଦାମୋଦର ରାଉତ ଏବଂ କଟକ-ବାରବାଟୀ ବିଧାୟକ ଦେବାଶିଷ ସାମନ୍ତରାୟଙ୍କ ମଧ୍ୟରେ ଲାଗି ଥିବା ବିବାଦ ଥମି ନ ଥିବା ବେଳେ ବିଜେଡିର ଅନ୍ୟ ଦୁଇଜଣ ନେତାଙ୍କ କଳି ଚର୍ଚ୍ଚାର କାରଣ ପାଲଟିଛି। ଖୋର୍ଦ୍ଧା ବିଧାୟକ ରାଜେନ୍ଦ୍ର ସାହୁ ଏବଂ ଚିଳିକାର ପୂର୍ବତନ ବିଧାୟକ ରଘୁନାଥ ସାହୁଙ୍କ ମଧ୍ୟରେ ଏହି କଳି ଲାଗିଛି। ଟଙ୍କା ନେଣଦେଣକୁ ନେଇ ଦୁହିଁଙ୍କ ମଧ୍ୟରେ ଲାଗିଥିବା ଏହି କଳି ଏବେ କୋର୍ଟରେ ପହଞ୍ଚିଛି।
୨୦୧୦ ଜୁଲାଇରେ ଜମି କିଣିବା ପାଇଁ ରାଜେନ୍ଦ୍ର ରଘୁନାଥଙ୍କ ପାଖରୁ ୭୫ ଲକ୍ଷ ଟଙ୍କା ଧାର ଆଣିଥିଲେ। ଏଥିରେ ପୂର୍ବତନ ବିଧାୟକ ବିଭୂତି ବଳବନ୍ତରାୟ ସାକ୍ଷୀ ଥିଲେ। ଚୁକ୍ତି ହୋଇଥିଲା ୨୦୧୩ ସୁଦ୍ଧା ରାଜେନ୍ଦ୍ର ଟଙ୍କା ଫେରାଇବେ। ହେଲେ କୌଣସି କାରଣରୁ ରାଜେନ୍ଦ୍ର ରଘୁନାଥଙ୍କୁ ଟଙ୍କା ଫେରାଇ ନ ଥିଲେ। ଏହାକୁ ନେଇ ଦୁଇ ନେତାଙ୍କ ମଧ୍ୟରେ ଆଇନଗତ ଲଢେଇ ଆରମ୍ଭ ହୋଇଯାଇଛି। କଥା ଯାଇ କୋର୍ଟରେ ପହଞ୍ଚିଛି। ଆସନ୍ତା ୨୨ ତାରିଖରେ ଟଙ୍କା ଦାଖଲ ପାଇଁ ରାଜେନ୍ଦ୍ରଙ୍କୁ କୋର୍ଟ ନିର୍ଦ୍ଦେଶ ଦେଇଛନ୍ତି। ତେବେ ମାମଲା କୋର୍ଟରେ ଥିବାରୁ ରାଜେନ୍ଦ୍ର କିଛି କହିବାକୁ ମାନା କରି ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।