ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜ୍ୟରେ ବିରୋଧୀ ଦଳମାନେ ସ୍ୱପ୍ନରେ ଘର କରୁଛନ୍ତି। ବିଜେଡି ସରକାର ବିରୋଧରେ ଅପପ୍ରଚାର କରୁଛନ୍ତି। ସେମାନେ ଏଥିରେ ସଫଳ ହେବେ ନାହିଁ ବୋଲି ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଥିଲେ। ଏହାର ଜବାବ ରଖି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଥିଲେ-“ଦୀର୍ଘ ସମୟଧରି ଶାସନରେ ରହିବା ପରେ ଅହଂକାରୀ ହେବା ଏକ ସ୍ୱଭାବିକ ପ୍ରକ୍ରିୟା। ପ୍ରଜାତନ୍ତ୍ରରେ ଜନମତ କିମ୍ୱା ଶାସନ ବ୍ୟବସ୍ଥା କାହା ଜାଗିର କି ବ୍ୟକ୍ତିଗତ ସମ୍ପତ୍ତି ନୁହେଁ। ବିରୋଧୀ ଦଳ ଭାବେ ଆମର ଦାୟିତ୍ୱ ଏହି ସ୍ୱୟଂ ଘୋଷିତ ଜାଗିରଦାର ଦଳକୁ ଠିକଣା ଜାଗାରେ ପହଞ୍ଚାଇବା।”</p> <p>କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଏପରି ଆକ୍ରମଣରେ ପ୍ରତି ଆକ୍ରମଣ କରିଛି ବିଜେଡିର ବରିଷ୍ଠ ମନ୍ତ୍ରୀ ଦାମୋଦର ରାଉତ। ସେ କହିଛନ୍ତି-“ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡ଼ିଶାବାସୀଙ୍କୁ ୧୭ ବର୍ଷ ଧରି ସେବା ଦେଇ ଆସୁଛନ୍ତି। ସେଥିରୁ କିଛି ସମୟ ଧର୍ମେନ୍ଦ୍ର ପ୍ରଧାନଙ୍କ ଦଳ(ବିଜେପି)ର ହାତ ଧରି ଆସିଥିଲା। ଯେତେବେଳେ ତାଙ୍କର ସାମ୍ପ୍ରଦାୟିକତାର ସ୍ୱରୂପ ପ୍ରକାଶ ପାଇଲା, ସେତେବେଳେ ତାଙ୍କୁ ଦଳରୁ ବିଦା କରାଗଲା। ସେହି ଦିନଠାରୁ ସେମାନେ (ବିଜେପି) ବହୁ କଥା କହୁଛନ୍ତି। ସେମାନଙ୍କୁ ମନେ ରଖିବା ଉଚିତ, ନବୀନ ପଟ୍ଟନାୟକଙ୍କ ସାଥୀରେ ଥିଲେ ବିଧାନସଭାରେ ୩୬ ଥିଲେ। ନବୀନଙ୍କ ହାତ ଛାଡ଼ିଲେ ୬ରେ ପହଞ୍ଚିଲେ।</p> <p>ସେ କହିଛନ୍ତି-“ଦୀର୍ଘ ୧୭ ବର୍ଷ ଧରି ବିଜେଡି ସରକାର ଓଡ଼ିଶାବାସୀଙ୍କୁ ସେବା ଦେଉଛି। ଏକଥା ଓଡ଼ିଶାବାସୀ ଆକଳନ କରିବେ। ଧର୍ମେନ୍ଦ୍ର ପ୍ରଧାନ ନିଜ ନିର୍ବାଚନିମଣ୍ଡଳୀରେ ପରାଜିତ ହୋଇଛନ୍ତି। ସେ ଏହି ମାଟିରେ ଜନ୍ମ ହୋଇ ବିହାରରୁ ରାଜ୍ୟସଭାକୁ ଯାଇଛନ୍ତି। ତେଣୁ ଓଡ଼ିଶା ମାଟିକୁ ବିହାର ବା ଛତିଶଗଡ଼ ଭାବୁଛନ୍ତି କାହିଁକି?</p> <p>ସେ କହିଛନ୍ତି-“ଆଗେ ମାଟି ପରେ ପାର୍ଟି। ମାଟି ଆମର ମାଆ ଓ ପାଟି ଆମର ରାହା। ଏହି କଥା ଭୁଲି ଧର୍ମେନ୍ଦ୍ର ପାର୍ଟି କଥା ବୁଝୁଛନ୍ତି ଏବଂ ପ୍ରଧାନମନ୍ତ୍ରୀଙ୍କୁ ତୋଷାମଦ କରି କ୍ଷମତା ଦଖଲ କରିଛନ୍ତି।”</p> <p>ସେ କହିଛନ୍ତି-“୨୦୦୦ ମସିହାରେ ରାଜ୍ୟରେ ୫୫ ଲକ୍ଷ ମେଟ୍ରିକ୍‌ ଟନ୍‌ ଖାଦ୍ୟ ଶସ୍ୟ ଉତ୍ପାଦନ ହେଉଥିଲା। ଗତବର୍ଷ ଏକ କୋଟି ୧୮ ଲକ୍ଷ ଖାଦ୍ୟଶସ୍ୟ ଉତ୍ପାଦନ ହୋଇଛି। ସେଥିପାଇଁ କେନ୍ଦ୍ର ସରକାର କୃଷୀ କର୍ମଣ ପୁରସ୍କାର ଦେଉଛନ୍ତି। ଏଥିପାଇଁ ପ୍ରତିବର୍ଷ କେନ୍ଦ୍ର ସରକାର ଦୁଇ କୋଟି ଟଙ୍କା ଦେଉଛନ୍ତି। ରାଜ୍ୟରେ ଭଲ କାମ ହେଉଛି ବୋଲି କେନ୍ଦ୍ର ସରକାରଙ୍କ ସଚିବମାନେ ଓଡ଼ିଶା ଆସି ପ୍ରଶଂସା କରି ଯାଉଛନ୍ତି। ଯେତେବେଳେ ଭଲ କାମ ପାଇଁ ଓଡ଼ିଶାକୁ ସମ୍ମାନୀତ କରାଯାଉଛି ସେତେବେଳେ ଧର୍ମେନ୍ଦ୍ର ପ୍ରଧାନ କେଉଁଠି ଥିଲେ?”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
