ଦାଦନ ଶ୍ରମିକଙ୍କୁ ପୁରସ୍କାର ଉତ୍ସର୍ଗ କଲେ ଲେଖିକା ଗାୟତ୍ରୀ ସରାଫ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଚଳିତ ବର୍ଷର କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପାଇବେ ୨ ଓଡ଼ିଆ ସାହିତ୍ୟିକ। ଗାଳ୍ପିକା ଗାୟତ୍ରୀ ସରାଫ ଓ ସୂର୍ଯ୍ୟମଣି ଖୁଣ୍ଟିଆଙ୍କୁ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାରରେ ସମ୍ମାନିତ କରାଯିବ। କ୍ଷୁଦ୍ରଗଳ୍ପ ସଂକଳନ &lsquo;ଇଟାଭାଟିର ଶିଳ୍ପୀ&rsquo; ପାଇଁ ଗାୟତ୍ରୀ ସରାଫଙ୍କୁ ମିଳିବ ଏହି ପୁରସ୍କାର। ସେହିପରି ସୂର୍ଯ୍ୟମଣି ଖୁଣ୍ଟିଆ ଅନୁବାଦ ପୁସ୍ତକ &lsquo;ଯୁଗାନ୍ତ&rsquo; ପାଇଁ ଏହି ପୁରସ୍କାର ପାଇବେ।</p> <p>ଗାୟିତ୍ରୀ ସରାଫ ଓଡିଶାର ଜଣେ ଜଣାଶୁଣା ଗାଳ୍ପିକା। ୧୯୫୨ମସିହା ଅଗଷ୍ଟ ୧୭ତାରିଖରେ ତାଙ୍କର ଜନ୍ମ। ବୃତ୍ତିରେ ଗାୟତ୍ରୀ ଜଣେ ଶିକ୍ଷୟିତ୍ରୀ ଥିଲେ। ତେବେ ଲେଖାଲେଖି ତାଙ୍କର ଏକ ଭିନ୍ନ ପରିଚୟ ସୃଷ୍ଟି କରିଛି। &#039;ଆଲୋକିତ ଅନ୍ଧାର&#039; ତାଙ୍କର ପ୍ରଥମ ଗଳ୍ପ ସଂକଳନ।&nbsp; &lsquo;ପ୍ରେମିକା ପରି କେହି ଜଣେ&rsquo;, &lsquo;ଶେଷ ବିଦାୟର ଗୀତ&rsquo;, &lsquo;ଅନାହତ ପରମ୍ପରା&rsquo; ଓ &lsquo;ବର୍ଷାର ଓଢ଼ଣା ତଳେ&rsquo; ଆଦି ବହୁ ପୁସ୍ତକ ତାଙ୍କୁ ସମଗ୍ର ରାଜ୍ୟରେ ପ୍ରସିଦ୍ଧି ଦେଇଛି।</p> <p>୨୦୧୫ ମସିହାରେ ତାଙ୍କୁ ଓଡ଼ିଶା ସାହିତ୍ୟ ଏକାଡେମୀର ଉପସଭାନେତ୍ରୀ ଭାବରେ ମନୋନୀତ କରାଯାଇଛି। କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପାଇବାକୁ ସେ ମନୋନୀତ ହେବା ଖବର ପାଇବା ପରେ&nbsp; &lsquo;ଓଡ଼ିଶା ରିପୋର୍ଟର&rsquo; ପ୍ରତିନିଧି ବିଶ୍ୱବନ୍ଦିତା ଓ ବନ୍ଦନା ତାଙ୍କୁ ଭେଟିଥିଲେ। ଏହି ପୁରସ୍କାର ପାଇବାକୁ ମନୋନୀତ ହେବା ପରେ ସେ କ&rsquo;ଣ କହୁଛନ୍ତି ଶୁଣନ୍ତୁ।</p>