ଭେଣ୍ଟିଲେଟରରେ ଜଗା-କାଳିଆ: ଏବେବି ବିପଦ ଟଳିନି

<p>ନୂଆଦିଲ୍ଲୀ (ଓଡ଼ିଶା ରିପୋର୍ଟର): କନ୍ଧମାଳର ଯୋଡ଼ାମୁଣ୍ଡ ଶିଶୁ ଜଗା-କାଳିଆଙ୍କ ସ୍ୱାସ୍ଥ୍ୟ ଅବସ୍ଥା ସ୍ଥିତ ଅଛି। ଏବେ ଦୁଇ ଭାଇ ଭେଣ୍ଟିଲେଟରରେ ଅଛନ୍ତି। ସେମାନଙ୍କ ଉପରୁ ବିପଦ ଟଳି ନାହିଁ। ସେମାନଙ୍କ ଉପରେ ତୀକ୍ଷୀଣ ନଜର ରହିଛନ୍ତି ଡାକ୍ତର। ରାଜ୍ୟ ସରକାର ଏମ୍ସର ଡାକ୍ତରୀଙ୍କଠାରୁ ଟିକନିଖ ପଚାରି ବୁଝୁଛନ୍ତି। ଅନ୍ୟପକ୍ଷରେ ଜଗା-କାଳିଆଙ୍କ ଆରୋଗ୍ୟ କାମନା କରି ରାଜ୍ୟବ୍ୟାପୀ ପୂଜାର୍ଚ୍ଚନା ଚାଲିଛି।</p> <p>୧୮ ଘଣ୍ଟାର ଅପରେସନ୍&zwnj; ପରେ ଅଲଗା ହେଲେ ଜଗା-କାଳିଆ। ଜନ୍ମ ପରେ ପ୍ରଥମ ଥର ପାଇଁ ଅଲଗା ଅଲଗା ବେଡ୍&zwnj;ରେ ଶୋଇଛନ୍ତି ଦୁଇ ଭାଇ। ଉଭୟଙ୍କୁ ଭେଣ୍ଟିଲେଟରରେ ରଖାଯାଇଛି। ନିଶ୍ଚେତକ ମାତ୍ରା କମିବା ପରେ ସେମାନଙ୍କ ଶରୀର, ପରବର୍ତ୍ତୀ ଚିକିତ୍ସାକୁ କେମିତି ଗ୍ରହଣ କରୁଛି, ତା ଉପରେ ନନଷ୍ଟପ୍ ନଜର ରଖିଛନ୍ତି ଡାକ୍ତରୀ ଟିମ୍।</p> <p>ଏମ୍&zwnj;ସ ନିଶ୍ଚେତକ ବିଶେଷଜ୍ଞ ଡାକ୍ତର ଗିରିଜା ରଥ କହିଛନ୍ତି-&ldquo;ସେମାନଙ୍କର ଲମ୍ୱା ଅପରେସନ୍&zwnj; ହୋଇଛି। ଏହା ଭିତରେ ବହୁ ରକ୍ତ ମଧ୍ୟ ଯାଇଛି। ପିଲାମାନଙ୍କର ଇଲେକ୍ଟ୍ରୋରାଲ୍&zwnj; ଇନ୍&zwnj;ବେଲେନ୍ସ ମଧ୍ୟ ହୁଏ। ଏହି ସବୁକୁ ଆମେ ମେନେଜ କରୁଛୁ। ଏହାଛଡ଼ ଅପରେସନ୍&zwnj; ପରେ ନୂଆ ନୂଆ ସମସ୍ୟା ମଧ୍ୟ ଆସୁଛି। ତାକୁ ଆମକୁ ସମ୍ମୁଖୀନ ହେବାକୁ ପଡ଼ୁଛି। ଦୁଇ ଭାଇଙ୍କ ଶରୀର ଅଲଗା ଥିଲେ ମଧ୍ୟ ମୁଣ୍ଡ ଗୋଟିଏ ଥିଲା। ଅପରେସନ୍&zwnj; ପରେ &nbsp;ଦୁଇ ଭାଇ ସମ୍ପୂର୍ଣ୍ଣ ଅଲଗା ହୋଇଛନ୍ତି।&rdquo;</p> <p>ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା କହିଛନ୍ତି-&ldquo;ଜଗା-ବାଳିଆଙ୍କ ସ୍ୱାସ୍ଥ୍ୟ ଅବସ୍ଥା ଏବେ ସ୍ଥିର ରହିଛି। ଭଲ ହେବା ପାଇଁ ମାସେରୁ ଅଧିକ ସମୟ ନେବ। ସେଥିପାଇଁ ଯାହା ଚିକିତ୍ସା ଆବଶ୍ୟକ ଏମ୍ସ ତରଫରୁ କରାଯାଉଛି।&rdquo;</p> <p>&lt;span style=&quot;color: #ff0000;&quot;&gt;ଜଗା-କାଳିଆଙ୍କୁ ଝୁରୁଛି ଗାଁ&lt;/span&gt;</p> <p>ଜଗା-କାଳିଆଙ୍କୁ ଝୁରୁଛି ଗାଁ କନ୍ଧମାଳ ମିଲୁପଡ଼ା। ସେମାନଙ୍କ ବ୍ୟୁହନେ ଖାଁ ଖାଁ ଲାଗୁଛି ଘର। ସାନ ଦୁଇ ଭାଇଙ୍କ ଫେରିବା ରାସ୍ତାକୁ ଅନାଇ ବସିଛନ୍ତି ବଡ଼ ଭାଇ ସତ୍ୟ ଓ ଜେଜେ ମାଆ। ଜଗା-କାଳିଆଙ୍କ ସାଙ୍ଗ ମଧ୍ୟ ଫେରିବା ରାସ୍ତାକୁ ଅନାଇ ବସିଛନ୍ତି। ଏପରି ସେମାନେ ଶୀଘ୍ର ସୁସ୍ଥ ହୋଇଯାଆନ୍ତୁ ଭଗବାନଙ୍କଠାରେ ପ୍ରାର୍ଥନା କରୁଛି।</p> <p>ଜଗା-କାଳିଆ ଶୀଘ୍ର ସୁସ୍ଥ ହୋଇ ଯଆନ୍ତୁ। ଏଥିପାଇଁ ବିଭିନ୍ନ ସ୍ଥାନରେ ପ୍ରାର୍ଥନା କରାଯାଉଛି। ବାଲେଶ୍ୱରର ଜଗନ୍ନାଥ ଜଣାଣ ବୋଲି ଜଗା-କାଳିଆଙ୍କ ଆଶୁ ଆରୋଗ୍ୟ କାମନା ଚାଲିଛି।</p>