ଯାଜପୁର: ଯାଜପୁର ଜିଲ୍ଲା ବିଞ୍ଝାରପୁର ଥାନା ଲକ୍ଷ୍ମୀସାଗର ସାହିରୁ ଆସିଛି ଅନର କିଲିଂ ଅଭିଯୋଗ। ଗାଁର ଜଣେ ଯୁବକଙ୍କ ସହ ଅନୈତିକ ସମ୍ପର୍କ ପାଇଁ ଜଣେ ନାବାଳିକାକୁ ତାଙ୍କ ବାପାମା’ ପିଟିପିଟି ମାରି ଦେଇଥିବା ଜଣାପଡିଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ନାବାଳିକା ସହ ଅନୈତିକ ସମ୍ପର୍କ ସ୍ଥାପନ କରି ତାକୁ ଗର୍ଭବତୀ କରିଥିବା ଯୁବକ ହତ୍ୟାରେ ତା’ର ବାପାମା’ଙ୍କୁ ସାହାଯ୍ୟ କରିଛି। ଏହି ଘଟଣାରେ ପୋଲିସ ନାବାଳିକାଙ୍କ ବାପାମା’ଙ୍କୁ ଗିରଫ କରିଛି। ଘଟଣାରେ ସମ୍ପୃକ୍ତ ଯୁବକ ଫେରାର ହୋଇଯାଇଛି।
ଲକ୍ଷ୍ମୀନଗର ସାହିର ଜଣେ ନାବାଳିକାଙ୍କର ସହ ସେହି ଗାଁର ଜଣେ ଯୁବକ ସହ ପ୍ରେମ ସମ୍ପର୍କ ଥିଲା। ଏପରି କି ନାବାଳିକା ଜଣଙ୍କ ୩ ମାସର ଗର୍ଭବତୀ ଥିଲେ। ଏ ନେଇ ବାପାମା’ ଗତ ୧୪ ତାରିଖ ରାତିରେ ଝିଅକୁ ପିଟି ପିଟି ମାରି ଦେଇଥିଲେ। ୧୫ ତାରିଖ ସକାଳେ ବାଡି ପଛପଟରେ ଶବଦାହ କରି ଏକ ଗାତରେ ପାଉଶଁ ପୋତି ଦେଇଥିଲେ। ଏ ସମସ୍ତ ଘଟଣା ଉପରେ ନଜର ରଖିଥିବା ଜଣେ ପଡ଼ୋଶୀ ୧୬ ତାରିଖରେ ଥାନାରେ ଅଭିଯୋଗ କରିଥିଲେ। ଅଭିଯୋଗ ପାଇବା ପରେ ଆଜି ପୋଲିସ ଚଢାଉ କରି ପୋଡା ପାଉଁଶ ଓ କାଠ ଜବତ କରିଛି। ଏହି ଘଟଣାରେ ନାବାଳିକାଙ୍କ ବାପାମା’ଙ୍କୁ ଗିରଫ କରିଛି। ଘଟଣାରେ ସମ୍ପୃକ୍ତ ଅନ୍ୟ ଅଭିଯୁକ୍ତମାନଙ୍କୁ ଶୀଘ୍ର ଗିରଫ କରାଯିବ ବୋଲି ବିଞ୍ଝେରପୁର ଥାନା ଅଧିକାରୀ ମୂରଲୀଧର ପୃଷ୍ଟି କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
