ହିନ୍ଦୁ ଶାସ୍ତ୍ରରେ ଗଛ ମାନଙ୍କୁ ଏକ ବିଶେଷ ସ୍ଥାନ ଦିଆଯାଇଛି। ଜ୍ୟୋତିଷ ଶାସ୍ତ୍ର ଅନୁସାରେ କିଛି ଗଛକୁ ପୂଜା କରିବା ଦ୍ୱାରା କୁଣ୍ଡଳୀରେ ଥିବା ସମସ୍ତ ଦୋଷ ଦୂର ହୋଇଥାଏ । ମଣିଷ ଜୀବନର ନାନା ସମସ୍ୟାକୁ ଗଛ ତାର ସକାରାତ୍ମକ ଶକ୍ତିରେ ଦୂର କରିପାରିଥାଏ। ତା'ହେଲେ ଆସନ୍ତୁ ଜାଣିବା କେଉଁ ସବୁ ଗଛକୁ ପୂଜା କଲେ କ'ଣ ସବୁ ଫାଇଦା ମିଳିଥାଏ।
ତୁଳସୀ: ତୁଳସୀ ଗଛ ପୂଜା କରିବା ଦ୍ୱାରା ଘରେ ସୁଖ ଓ ସମୃଦ୍ଧି ବଜାୟ ରହିଥାଏ। ଯେଉଁ ଘରେ ତୁଳସୀ ଗଛ ପୂଜା କରାଯାଏ, ସେହି ଘରେ ମା' ଲକ୍ଷ୍ମୀ ବାସ କରିଥାନ୍ତି ବୋଲି ବିଶ୍ୱାସ ରହିଛି ।
ଓସ୍ତ ଗଛ: ଓସ୍ତ ଗଛକୁ ପୂଜା କଲେ ଶନି ଦୋଷରୁ ମୁକ୍ତି ମିଳିଥାଏ ଏବଂ ଭଗବାନ ବିଷ୍ଣୁଙ୍କ କୃପା ମଧ୍ୟ ଲାଭ ହୋଇଥାଏ।
ନିମ୍ୱ ଗଛ: ନିମ୍ୱ ଗଛ ପୂଜା କଲେ କୁଣ୍ଡଳୀର ସବୁ ଦୋଷ ଏବଂ ରୋଗ ଦୂର ହେବା ସହ ପରିବାରରେ ସୁଖ ଶାନ୍ତି ବଜାୟ ରହେ।
ଅଁଳା: ଅଁଳା ଗଛ ପୂଜା କଲେ ମା' ଲକ୍ଷ୍ମୀ ପ୍ରସନ୍ନ ହୋଇଥାନ୍ତି । ଏପରି କଲେ ଧନ ସମ୍ୱନ୍ଧୀୟ ସମସ୍ୟା ଦୂର ହୋଇଥାଏ ଏବଂ ସବୁ କାର୍ଯ୍ୟରେ ସଫଳତା ମିଳିଥାଏ ।
ବେଲ: ବେଲ ପତ୍ର ଭଗବାନ ଶିବଙ୍କୁ ଅର୍ପଣ କରାଯାଏ। ବେଲ ଗଛ ପୂଜା କଲେ ଚାକିରିରେ ଉନ୍ନତି ହୋଇଥାଏ।
ଅଶୋକ: ଅଶୋକ ଗଛକୁ ପୂଜା କଲେ ସବୁ ପ୍ରକାର ରୋଗ ଦୂର ହଏ ଏବଂ ପାରିବାରିକ ଜୀବନ ସୁଖମୟ ହୋଇଥାଏ। ମନୋସ୍କାମନା ପୂରଣ କରିବା ପାଇଁ ଅଶୋକ ଗଛକୁ ପୂଜା କରାଯାଏ।
ଲାଲ ଚନ୍ଦନ: ସୂର୍ଯ୍ୟ ସମ୍ବନ୍ଧୀୟ ଗ୍ରହ ଦୋଷ ଥିଲେ ଲାଲ ଚନ୍ଦନ ଗଛ ବିଧି- ବିଧାନ ସହ ପୂଜା କରନ୍ତୁ । ଏହି ଗଛକୁ ପୂଜା କଲେ ଚାକରିରେ ପଦୋନ୍ନତି ଶୀଘ୍ର ହୋଇଥାଏ ।