ଫେଲ୍‌ ମାରିଲା ପିଲାଙ୍କ ଦାନା ମାରିବା ଚାଲ୍‌: ୫୦୦ ବସ୍ତା ମଧ୍ୟାହ୍ନ ଭୋଜନ ଚାଉଳ ଜବତ

<p>କେନ୍ଦ୍ରାପଡ଼ା (ଓଡ଼ିଶା ରିପୋର୍ଟର): ଛାତ୍ରଛାତ୍ରୀଙ୍କ ମଧ୍ୟାହ୍ନ ଭୋଜନ ପାଇଁ ସରକାର ଚାଉଳ ଯୋଗାଉଛନ୍ତି। ହେଲେ କିଛି ଅସାମାଜିକ ବ୍ୟକ୍ତି ଏହି ଚାଉଳକୁ ହଡ଼ପ କରି ନିଜ ପକେଟ୍&zwnj; ଫୁଲ କରୁଛନ୍ତି। ଏପରି ଏକ ଅଭିଯୋଗ ଆସିଛି କେନ୍ଦ୍ରାପଡା ଜିଲ୍ଲାରୁ। ପିଲାଙ୍କ ଦାନା ମାରିବାକୁ ହେଉଥିବା ଏକ ବଡ଼ ଧରଣର ଉଦ୍ୟମ ଏଠାରେ ବିଫଳ ହୋଇଯାଇଛି।</p> <p>ଘଟଣାଟି ଘଟିଛି ଡେରାବିସ ବ୍ଲକ ଅଞ୍ଚଳରେ। ଠାକୁରହାଟରେ ଥିବା ଏକ ଗୋଦାମରୁ ପୋଲିସ୍&zwnj; ଛାତ୍ରଛାତ୍ରୀଙ୍କ ପାଇଁ ଆସିଥିବା ୫୦୦ ବସ୍ତା ମଧ୍ୟାହ୍ନ ଭୋଜନ ଚାଉଳ ଜବତ କରିଛି। ଏହି ଚାଉଳ ହଡ଼ପ କରାଯାଇ ଗୋଦାମରେ ରଖାଯାଇଥିବା ଅଭିଯୋଗ ହେବା ପରେ ପୋଲିସ୍&zwnj; ଚଢାଉ କରିଥିଲା।</p> <p>ଏହି ଘଟଣାରେ ପୋଲିସ୍&zwnj; ଜଣଙ୍କୁ ଅଟକ ରଖି ପଚରାଉଚରା କରୁଛି। ଏନେଇ ଜିଲ୍ଲା ଶିକ୍ଷା ଅଧିକାରୀଙ୍କୁ ପୋଲିସ୍&zwnj; ରିପୋର୍ଟ ମାଗିଛି। ଶନିବାର ରାତିରୁ ଗୋଦାମରେ ଏହି ଚାଉଳ ରଖାଯାଇଥିଲା ବୋଲି ଡିଇଓ ସଫେଇ ଦେଇଛନ୍ତି।</p>