ଗେଣ୍ଡାଳିଆ ପକ୍ଷୀଙ୍କ ସମାଗମରେ ଚିଲିକାର ଭ୍ରମ ସୃଷ୍ଟି କରୁଛି ଭାଲେରୀ

<p>ଗୁଣପୁର: ରାୟଗଡ଼ା ଜିଲ୍ଲାର ଗୁଣପୁର ବଂଶଧାରା ଅବବାହିକାରେ ଭାଲେରୀ ଏବେ ଚଳଚଞ୍ଚଳ। ଗେଣ୍ଡାଳିଆ ପକ୍ଷୀଙ୍କ ସମାଗମରେ ଚିଲିକାର ଭ୍ରମ ସୃଷ୍ଟି କରୁଛି ଭାଲେରୀ। ଆଉ ଏହି ମନୋରମ ଦୃଶ୍ୟକୁ ଦେଖିବା ପାଇଁ ଭାଲେରୀରେ ପର୍ଯ୍ୟଟକଙ୍କ ଭିଡ଼ ଜମୁଛି। ଗଛ ଉପରେ ଦଳ ଦଳ ଗେଣ୍ଡାଳିଆଙ୍କ କାକଳିରେ କମ୍ପି ଉଠୁଛି ବଂଶଧାରା ବେଳାଭୂମି। ରାୟଗଡ଼ା ଜିଲ୍ଲା ଗୁଣପୁର ବଂଶଧାରା ନଦୀ ଅବବାହିକା ଭାଲେରୀ ଅଞ୍ଚଳରେ ପ୍ରତିବର୍ଷ ଏଇ ସମୟରେ ଦେଖିବାକୁ ମିଳେ ଏଭଳି ମନୋରମ ଦୃଶ୍ୟ।</p><p>ମୌସୁମୀ &zwnj;ଆସିଲେ ଦଳ ଦଳ ହୋଇ ଗେଣ୍ଡାଳି&zwnj;ଆ ଭାଲେରୀକୁ ଛୁଟି&zwnj;ଆସନ୍ତି । ଶୀତ କମି ଆସିଲେ ଏମାନେ ଘରକୁ ବାହୁଡି ଯାଆନ୍ତି। ହେଲେ ବାହୁଡ଼ିବା ବେଳେ ନିଜ ଜନ୍ମିତ ଛୁଆଙ୍କୁ ସାଙ୍ଗରେ ଧରି ନେଇ ଯାଆନ୍ତି। ଆଉ ଯେତିକି ସମୟ ରହନ୍ତି, ଏମାନଙ୍କ ସମାଗମରେ ପୂରି ଉଠେ ବଂଶଧାରା ବେଳାଭୂମି । ଗୋଟିଏ ନୁହେଁ କି ଦୁଇଟି,ଏମିତି ଦଳ ଦଳ ଗେଣ୍ଡାଳିଆଙ୍କ ଭିଡ଼ ଜମିଥାଏ ଏଂରେ। ଏହାକୁ ଦେଖିବାକୁ ସ୍ଥାନୀୟ ଲୋକେ ମଧ୍ୟ ବେଶ୍ ଉତ୍ସାହିତ ରହିଥାନ୍ତି। ସେଥିପାଇଁ ଏଠାକୁ ଅତିଥି ହୋଇ ଆସୁଥିବା ପକ୍ଷୀମାନଙ୍କୁ ସ୍ଥାନୀୟ ଲୋକେ ସୁରକ୍ଷା ଦେଇଥାନ୍ତି । ଶିକାରୀ ମାନଙ୍କ ଠାରୁ ନିରାପଦ ଦୂରତାରେ ରହୁଥିବାରୁ ଏହି ପକ୍ଷୀମାନଙ୍କ ସଂଖ୍ୟା ବର୍ଷକୁ ବର୍ଷ ବଢିବାରେ ଲାଗିଛି । ଗତ ୨୭-୨୮ ବର୍ଷ ରୁ ଊର୍ଦ୍ଧ୍ୱ ହେବ ଏହି ଗେଣ୍ଡାଳିଆ ପକ୍ଷୀମାନେ ଏଠାକୁ ଆସି ଛୁଆ ଜନ୍ମ କରୁଥିବାରୁ ଏହି ଅଞ୍ଚଳ ଏବେ ପକ୍ଷୀ ପ୍ରଜନନ କେନ୍ଦ୍ର ରୂପେ ପରିଚିତ ହେବାକୁ ବସିଲାଣି। ଏମାନଙ୍କ ସୁରକ୍ଷା ପାଇଁ ବନବିଭାଗ ଧ୍ୟାନ ଦେବାକୁ ଲୋକେ ଦାବି କରିଛନ୍ତି।</p><p>&lt;a href=&quot;&quot;&gt;(image) &lt;/a&gt;ବଂଶଧାରା ନଦୀ ଅଧିକ ଗଭୀର ଥିବାରୁ ବର୍ଷସାରା ଏଠି ପାଣି ଜମିରହି କୃତ୍ରିମ ହ୍ରଦର ଭ୍ରମ ସୃଷ୍ଟି କରେ। ଏହା ଗେଣ୍ଡାଳିଆ ପକ୍ଷୀଙ୍କୁ ସୁହାଉଥିବା ପରିବେଶବିତ୍ ମତ ରଖିଛନ୍ତି। ଅନ୍ୟପଟେ ପକ୍ଷୀଙ୍କ ବଂଶବିସ୍ତାର ପାଇଁ ଏଠାକାର ପରିବେଶ ଅନୁକୂଳ ଥିବାରୁ ଏ ଅଞ୍ଚଳରେ ପକ୍ଷୀ ଅଭୟାରଣ୍ୟ କରିବା ଦିଗରେ ପଦକ୍ଷେପ ନେବାକୁ ଦାବି ହେଉଛି।</p><p>ଭାଲେରୀ ବାସିନ୍ଦା ଅଶୋକ ମହାପାତ୍ର କହିଛନ୍ତି,&ldquo;ଭାଲେରୀ ଗାଁକୁ&nbsp; ପ୍ରତିବର୍ଷ&nbsp;ହଜାର ହଜାର ଗେଣ୍ଡାଳିଆ ପକ୍ଷୀ ଆସିଥାନ୍ତି।&nbsp; ସେମାନେ ଏଠାରେ କିଛିଦିନ ରହିଥାନ୍ତି। କିଛିଦିନ ରହଣୀ ସମୟରେ ସେମାନେ ଛୁଆଁଜନ୍ମ କରିଥାନ୍ତି।&nbsp; ଶୀତ କମିଗଲେ ଘରକୁ ଫେରିଲାବେଳେ&nbsp; ସେମାନେ ନିଜ ଛୁଆକୁ ସାଙ୍ଗରେ ଧରି ଯାଇଥାନ୍ତି। ସେମାନଙ୍କ ସୁରକ୍ଷା ପାଇଁ ବନବିଭାଗ ନିକଟରେ ଦାବି କରଯାଇଛି। କିନ୍ତୁ ସେମାନେ ଏଥିପ୍ରତି କୌଣସି ଧ୍ୟାନ ଦେଉ ନାହାନ୍ତି।&rdquo;</p><p>ଗୁଣପୁର ରେଞ୍ଜର ଅଶୋକ ପ୍ରଧାନ କହିଛନ୍ତି,&ldquo;ପ୍ରତିବର୍ଷ ଭାଲେରୀକୁ ହଜାର ହଜାର ଗେଣ୍ଡାଳିଆ ପକ୍ଷୀ ଆସିଥାନ୍ତି। ଏହି ପକ୍ଷୀମାନଙ୍କୁ ଭାଲେରୀର ଗ୍ରାମବାସୀ ସୁରକ୍ଷା&nbsp; ଦେଇଥାନ୍ତି।&nbsp; ଏଥିପାଇଁ ବନ ବିଭାଗ ପକ୍ଷରୁ ଭାଲେରୀର ଗ୍ରାମବାସୀଙ୍କୁ&nbsp; ପ୍ରୋତ୍ସାହନ ଦିଆଯାଇଥାଏ।&rdquo;</p><p>https://www.youtube.com/watch?v=s7Zj_op1I2A</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।