ଓଡ଼ିଶାରେ ରାଜନୈତିକ ନବକଳେବର ସୁନିଶ୍ଚିତ: ଜୁଏଲ ଓରାମ

<p>ଭୁବନେଶ୍ୱର: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ&nbsp; ନବକଳେବର ପ୍ରସଙ୍ଗକୁ ଆଜି ଶାଣିତ କରିଛନ୍ତି କେନ୍ଦ୍ରମନ୍ତ୍ରୀ ଜୁଏଲ ଓରାମ। ଆଜି ଭୁବନେଶ୍ୱରରେ ଗଣମାଧ୍ୟମର ପ୍ରତିନିଧିମାନଙ୍କୁ ଜୁଏଲ କହିଛନ୍ତି,&ldquo;ଓଡ଼ିଶାରେ ରାଜନୈତିକ ନବକଳେବର ସୁନିଶ୍ଚିତ। ଏଥିରେ କୌଣସି ଦ୍ୱନ୍ଦ୍ୱ ନାହିଁ। ଓଡ଼ିଶାରେ ରାଜନୈତିକ ପରିବେଶ ଓ ସମୀକରଣ ଯାହା ଥିଲା ଆଉ ତାହା ରହିବ ନାହିଁ।</p> <p>ସେ ଆହୁରି କହିଛନ୍ତି,&ldquo;ବିଜେପିକୁ ଥରେ ସୁଯୋଗ ଦେବାକୁ ଲୋକେ ମନସ୍ଥିର କଲେଣି। ନବକଳେବର ଜଗନ୍ନାଥ ଧାମରୁ ହୋଇପାରେ। ନବକଳେବର ସୁନ୍ଦରଗଡ଼ରୁ ମଧ୍ୟ ହୋଇପାରେ। ଅର୍ଥାତ୍ ଆଦିବାସୀ ଦେବତା କିମ୍ବା ଆଦିବାସୀ ଅଞ୍ଚଳରୁ ହୋଇପାରେ।&rdquo;</p> <p>ଜୁଏଲ କହିଛନ୍ତି,&ldquo;କଂଗ୍ରେସ ଅମଳ ପରି ଥାନା ଓ ପୋଲିସ୍&zwnj; ଏବେ ଶାସକ ଦଳ କବଜାରେ ରହିଛି। ରାଜ୍ୟରେ ପିସି କାରବାର ଜୋରଦାର ଚାଲିଛି। ତେଣୁ ସରକାର ବଦଳାଇବାକୁ ଲୋକ ମନ ବଦଳାଇଛନ୍ତି।&rdquo;</p> <p>ଗତକାଲି ଧର୍ମେନ୍ଦ୍ର&nbsp; ପ୍ରଧାନ ପୁରୀରୁ ସବୁଠୁ ବଡ଼ ନବକଳେବର ହେବ ବୋଲି କହିଥିଲେ। ଏହା ସହ ଲୋକ ରାଜ୍ୟ ସରକାରକୁ ବଙ୍ଗୋପସାଗରରେ ପକାଇବାକୁ &nbsp;ମନ ବଳାଇଲେଣି ବୋଲି ସେ କହିଥିଲେ।</p>