ୟୁରୋପର ଉଚ୍ଚତମ ଶୃଙ୍ଗ ମାଉଣ୍ଟ ଏଲବ୍ରୁସ ଆରୋହଣ କଲେ ଓଡ଼ିଆ ପୁଅ ନୃସିଂହ

ଭୁବନେଶ୍ୱର: ଶୈଳଶ୍ରୀବିହାର ବସିନ୍ଦା ତଥା ଯୁବ ପର୍ବତାରୋହୀ ନୃସିଂହ ସାହୁ ୟୁରୋପ ମହାଦେଶର ଉଚ୍ଚତମ ଶୃଙ୍ଗ ମାଉଣ୍ଟ ଏଲବ୍ରୁସ (56423/18510 ଫୁଟ୍)କୁ ସଫଳତାର ସହ ଆରୋହଣ କରି ଦେଶ ତଥା ରାଜ୍ୟ ପାଇଁ ଗୌରବ ଆଣିଛନ୍ତି। ଏହି ଅଭିଯାନ ୨୨ ସେପ୍ଟେମ୍ବରରୁ ଆରମ୍ଭ ହୋଇ ୨ ଅକ୍ଟୋବରରେ ଶେଷ ହୋଇଛି। ସାହୁଙ୍କ ସମେତ ଦେଶ ବିଦେଶରୁ ବହୁ ପର୍ବତାରୋହୀ ଏଥିରେ ସାମିଲ ହୋଇଥିଲେ। ସମସ୍ତେ ୨୯ ସେପ୍ଟେମ୍ବର ପୂର୍ବାହ୍ନ ୧୧ଟା ସୁଧା ସଫଳତାରର ସହ ଏଲବ୍ରୁସ ଶିଖରରେ ପହଞ୍ଚିଥିଲେ।

୨୮ ତାରିଖ ରାତି ୧୨ଟାରୁ ବେସ୍ କ୍ୟାମ୍ପ୍ ୩୮୦୦ ମିଟର ଉଚ୍ଚରୁ ଯାତ୍ରା ଆରମ୍ଭ ହୋଇଥିଲା। ଶିଖରରେ ପହଞ୍ଚିବା ପାଇଁ ପର୍ବତାରୋହୀଙ୍କୁ ୧୧ ଘଣ୍ଟା ସମୟ ଲାଗିଥିଲା।

ସାହୁଙ୍କ କହିବା ଅନୁସାରେ ସେହି ସମୟରେ ତାପମାତ୍ରା ଥିଲା ମାଇନ୍ସ ୩୫ ଡିଗ୍ରୀ। ଏଥିପାଇଁ ଆମକୁ ବହୁତ କଷ୍ଟ ସହିବାକୁ ପଡିଥିଲା। ପୂର୍ବରୁ ସେ ଆଫ୍ରିକା ମହାଦେଶର ଉଚ୍ଚତମ ଶୃଙ୍ଗ କିଲିଞ୍ଜାରୋ (5895 ମିଟର)କୁ ସଫଳତାର ସହ  ଆରୋହଣ କରିଛନ୍ତି।

ଆସନ୍ତା ୪ ତାରିଖ ବୁଧବାର ପୂର୍ବାହ୍ନ ୧୧ଟା ୪୫ ମିନିଟ୍‌ରେ ନୃସିଂହ ଭୁବନେଶ୍ୱର ବିମାନ ବନ୍ଦରରେ ପହଞ୍ଚିବେ।