ଗତକାଲି ପିଟିଥିଲେ, ଆଜି ଆଉଁସିଲେ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଗ୍ରାମ ରୋଜଗାର ସେବକ (ଜିଆର୍&zwnj;ଏସ୍&zwnj;)ଙ୍କୁ ପ୍ରଥମେ ଲାଠି। ପରେ ଦରମା ବଢ଼ାଇ ସେମାନଙ୍କ ଘାଆରେ ମଲମ ମାରିଛନ୍ତି ସରକାର। ଏଣିକି ଜିଆର୍&zwnj;ଏସ୍&zwnj;ମାନେ ମାସିକ ୫୦୦୦ ବଦଳରେ ୭୦୦୦ ଟଙ୍କା ଦରମା ପାଇବେ। ଏହାଛଡ଼ା ଆର୍ଥିକ ପ୍ରୋତ୍ସାହନ ବାବଦରେ ୧୦୦୦ରୁ ଅଧିକ ଟଙ୍କା ମଧ୍ୟ ଦିଆଯିବ। ଏନେଇ ଆଜି ପଞ୍ଚାୟତିରାଜ ମନ୍ତ୍ରୀ ପ୍ରଦୀପ ମହାରଥୀ ଘୋଷଣା କରିଛନ୍ତି।</p> <p>ଗତକାଲି ମାଷ୍ଟରକ୍ୟାଣ୍ଟନ୍&zwnj;ରେ ଦାବି ପୂରଣ ପାଇଁ ଜିଆର୍&zwnj;ଏସ୍&zwnj;ମାନେ ବିକ୍ଷୋଭ କରୁଥିଲେ। ପୋଲିସ ସେମାନଙ୍କୁ ଘଉଡାଇ ଗୋଡ଼ାଇ ପିଟିଥିଲା। ଜୀବନ ବିକଳରେ ଜିଆର୍&zwnj;ଏସ୍&zwnj;ମାନେ ଦୌଡ଼ି ପଳାଇଥିଲେ। ଏପରିକି ରାତିରେ ସେମାନେ ଧାରଣାରେ ବସିଥିବା ବେଳେ ପୋଲିସ ଉଠାଇ ଦେଇଥିଲା। ଗତକାଲି ରାତିସାରା ଜିଆର୍&zwnj;ଏସ୍&zwnj;ମାନେ ଷ୍ଟେସନ୍&zwnj;ରେ ଶୋଇଥିଲେ। ଆଜି ସକାଳେ ଆନ୍ଦୋଳନକାରୀ ସେମାନେ ବିଜେପି ପାର୍ଟି ଅଫିସକୁ ଯାଇଥିଲେ। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଦଳର ବରିଷ୍ଠ ନେତାମାନେ ସେମାନଙ୍କ ଆନ୍ଦୋଳନକୁ ସମର୍ଥନ କରିଥିଲେ। ଏପରିକି ପୋଲିସର ମାଡ଼କୁ ନାପସନ୍ଦ ମଧ୍ୟ କରିଥିଲେ। ତେବେ ଦିନ ସାଢ଼େ ୧୨ଟାରେ ବିଜେପି ନେତାମାନେ ଜିଆର୍&zwnj;ଏସ୍&zwnj;ଙ୍କ ସହିତ ମିଶି କମିଶନରେଟ୍ ପୋଲିସ୍ ମୁଖ୍ୟାଳୟରେ ପହଞ୍ଚିଲେ। ପିଏମ୍&zwnj;ଜିରେ ଧାରଣା ଦେବାପାଇଁ ଅନୁମତି ମାଗିଥିଲେ। ଏହାର ୨ ଘଣ୍ଟା ପରେ ପଞ୍ଚାୟତିରାଜ ମନ୍ତ୍ରୀ ପ୍ରଦୀପ ମହାରଥୀ ଜିଆର୍&zwnj;ଏସ୍&zwnj;ଙ୍କ ଦରମା ବୃଦ୍ଧି ନେଇ ଘୋଷଣା କରିଥିଲେ।</p> <p>ପଞ୍ଚାୟତିରାଜ ମନ୍ତ୍ରୀ ପ୍ରଦୀପ ମହାରଥୀ କହିଛନ୍ତି-&ldquo;ଜିଆର୍&zwnj;ଏସ୍&zwnj;ଙ୍କୁ ଆନ୍ଦୋଳନ କରିବା ପାଇଁ ବିଜେପି ଅଫିସରୁ ଧର୍ମେନ୍ଦ୍ର ବାବୁ ପଠାଇଥିଲେ।&rdquo;</p> <p>କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି-&ldquo;ଆଲୋଚନା ହିଁ ଏକମାତ୍ର ରାସ୍ତା। ମାତ୍ର ରାଜ୍ୟ ସରକାର ଆଲୋଚନା ନକରି ମାରପିଟ୍&zwnj; କରିବା ଏକ ଦୁଃଖଦାୟକ ଘଟଣା। ମୁଖ୍ୟମନ୍ତ୍ରୀ ଏତେ ନିର୍ଦ୍ଦୟ ହେବାର କୌଣସି କାରଣ ହେବାର ନାହିଁ। ଏ ସମ୍ପର୍କରେ ମୁଁ କେନ୍ଦ୍ର ସରକାରଙ୍କୁ ଅବଗତ କରାଇବି।&rdquo;</p>