ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପୁରୀ (ଓଡ଼ିଶା ରିପୋର୍ଟର): ବଢ଼ିବ ପୁରୀ ଶ୍ରୀମନ୍ଦିରର ସୁରକ୍ଷା ବ୍ୟବସ୍ଥା। ଏନେଇ ଓଡ଼ିଶା ପୋଲିସର ଅନ୍ତରୀଣ ବୈଠକରେ ଆଲୋଚନା ହୋଇଛି। ଯାତ୍ରୀ ତଥା ମନ୍ଦିର ଭିତରେ ପ୍ରବେଶ କରୁଥିବା ଭକ୍ତଙ୍କୁ କିଭଳି ଠିକ୍ ଭାବେ ଯାଞ୍ଚ କରାଯାଇ ପାରିବ, ଯାଞ୍ଚ ସମୟରେ ଭକ୍ତଙ୍କର କୌଣସି ଅସୁବିଧା ନ ହେବ ସେ ନେଇ ବୈଠକରେ ତର୍ଜମା କରାଯାଇଛି।</p> <p>ଶ୍ରୀମନ୍ଦିର ପ୍ରବେଶ ପଥ ସିଂହଦ୍ୱାର ହେଉ କିମ୍ବା ଦକ୍ଷିଣ ଦ୍ୱାର ସବୁଠି ପ୍ରବେଶ ପୂର୍ବରୁ ଯାତ୍ରୀମାନଙ୍କୁ ଡୋର୍ ଫ୍ରେମ୍ ମେଟାଲ୍ ଡିଟେକ୍ଟର ବା ଡିଏଫ୍ଏମ୍‌ଡିରେ ଯାଞ୍ଚ କରାଯାଇ ଥାଏ। କିନ୍ତୁ ଡିଏଫ୍ଏମ୍‌ଡି ଦ୍ୱାରା ଏତେ ସଂଖ୍ୟକ ଯାତ୍ରୀଙ୍କୁ ଠିକ୍ ଭାବେ ଯାଞ୍ଚ କରାଯାଇ ପାରୁ ନ ଥିବାରୁ ବର୍ତ୍ତମାନ ସୁରକ୍ଷାକୁ ଅଧିକ କଡ଼ାକଡ଼ି କରିବା ପାଇଁ ପୋଲିସ ଯୋଜନା କରୁଛି। ଯାତ୍ରୀଙ୍କ ସୁବିଧା ଓ ସୁରକ୍ଷା ଯାଞ୍ଚକୁ ଅଧିକ କଡ଼ାକଡ଼ି କରିବା ପାଇଁ ଅଧିକ ସଂଖ୍ୟକ ଡିଏଫ୍ଏମ୍‌ଡି ଲଗାଇବା ପାଇଁ ଶ୍ରୀମନ୍ଦିର ସୁରକ୍ଷା ସମ୍ପର୍କିତ ବୈଠକରେ ଆଲୋଚନା କରାଯାଇଛି। ଏଥିପାଇଁ ଅଧିକ ସଂଖ୍ୟକ ଡିଏଫ୍ଏମ୍‌ଡି ଓ ମାନବ ସମ୍ବଳର ମଧ୍ୟ ଆବଶ୍ୟକତା ରହିଛି ବୋଲି ଡିଜିପି ଡାକ୍ତର ରାଜେନ୍ଦ୍ର ପ୍ରସାଦ ଶର୍ମା କହିଛନ୍ତି।</p> <p>କେବଳ ପ୍ରବେଶ ପଥ ନୁହେଁ, ଶ୍ରୀମନ୍ଦିର ଆଖପାଖ ଯଥା ମେଘନାଦ ପାଚେରୀ କଡ଼ ଅଞ୍ଚଳକୁ କିଭଳି ଅଧିକ ସୁରକ୍ଷିତ କରାଯାଇ ପାରିବ ସେ ସଂକ୍ରାନ୍ତରେ ମଧ୍ୟ ଚିନ୍ତା କରାଯାଉଛି। ଏଥିନେଇ ବିଧିବଦ୍ଧ ଭାବେ ଯୋଜନା କରାଯିବ ଓ ଅଧିକ ସଂଖ୍ୟକ ଫୋର୍ସ ମୁତୟନ କରାଯିବ। କିଛିଦିନ ତଳେ ପୁରୀ ଶ୍ରୀମନ୍ଦିରକୁ ଯାଞ୍ଚ କରିଥିଲେ ନ୍ୟାସନାଲ୍ ସିକ୍ୟୁରିଟି ଗାର୍ଡ, ଏନ୍ଏସ୍‌ଜି ଟିମ୍। ସୁରକ୍ଷା ସମ୍ପର୍କରେ ଏନ୍ଏସ୍‌ଜି ଟିମ୍ ଦେଇଥିବା ପରାମର୍ଶକୁ ଆଧାର କରି ଏଭଳି ଯୋଜନା କରାଯାଉଥିବା ଜଣାପଡ଼ିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
