ବଢ଼ିବ ଶ୍ରୀମନ୍ଦିରର ସୁରକ୍ଷା ବ୍ୟବସ୍ଥା: ଲାଗିବ ଅଧିକ ଡିଏଫ୍‌ଏମ୍‌ଡି

<p>ପୁରୀ (ଓଡ଼ିଶା ରିପୋର୍ଟର): ବଢ଼ିବ ପୁରୀ ଶ୍ରୀମନ୍ଦିରର ସୁରକ୍ଷା ବ୍ୟବସ୍ଥା। ଏନେଇ ଓଡ଼ିଶା ପୋଲିସର ଅନ୍ତରୀଣ ବୈଠକରେ ଆଲୋଚନା ହୋଇଛି। ଯାତ୍ରୀ ତଥା ମନ୍ଦିର ଭିତରେ ପ୍ରବେଶ କରୁଥିବା ଭକ୍ତଙ୍କୁ କିଭଳି ଠିକ୍ ଭାବେ ଯାଞ୍ଚ କରାଯାଇ ପାରିବ, ଯାଞ୍ଚ ସମୟରେ ଭକ୍ତଙ୍କର କୌଣସି ଅସୁବିଧା ନ ହେବ ସେ ନେଇ ବୈଠକରେ ତର୍ଜମା କରାଯାଇଛି।</p> <p>ଶ୍ରୀମନ୍ଦିର ପ୍ରବେଶ ପଥ ସିଂହଦ୍ୱାର ହେଉ କିମ୍ବା ଦକ୍ଷିଣ ଦ୍ୱାର ସବୁଠି ପ୍ରବେଶ ପୂର୍ବରୁ ଯାତ୍ରୀମାନଙ୍କୁ ଡୋର୍ ଫ୍ରେମ୍ ମେଟାଲ୍ ଡିଟେକ୍ଟର ବା ଡିଏଫ୍ଏମ୍&zwnj;ଡିରେ ଯାଞ୍ଚ କରାଯାଇ ଥାଏ। କିନ୍ତୁ ଡିଏଫ୍ଏମ୍&zwnj;ଡି ଦ୍ୱାରା ଏତେ ସଂଖ୍ୟକ ଯାତ୍ରୀଙ୍କୁ ଠିକ୍ ଭାବେ ଯାଞ୍ଚ କରାଯାଇ ପାରୁ ନ ଥିବାରୁ ବର୍ତ୍ତମାନ ସୁରକ୍ଷାକୁ ଅଧିକ କଡ଼ାକଡ଼ି କରିବା ପାଇଁ ପୋଲିସ ଯୋଜନା କରୁଛି। ଯାତ୍ରୀଙ୍କ ସୁବିଧା ଓ ସୁରକ୍ଷା ଯାଞ୍ଚକୁ ଅଧିକ କଡ଼ାକଡ଼ି କରିବା ପାଇଁ ଅଧିକ ସଂଖ୍ୟକ ଡିଏଫ୍ଏମ୍&zwnj;ଡି ଲଗାଇବା ପାଇଁ ଶ୍ରୀମନ୍ଦିର ସୁରକ୍ଷା ସମ୍ପର୍କିତ ବୈଠକରେ ଆଲୋଚନା କରାଯାଇଛି। ଏଥିପାଇଁ ଅଧିକ ସଂଖ୍ୟକ ଡିଏଫ୍ଏମ୍&zwnj;ଡି ଓ ମାନବ ସମ୍ବଳର ମଧ୍ୟ ଆବଶ୍ୟକତା ରହିଛି ବୋଲି ଡିଜିପି ଡାକ୍ତର ରାଜେନ୍ଦ୍ର ପ୍ରସାଦ ଶର୍ମା କହିଛନ୍ତି।</p> <p>କେବଳ ପ୍ରବେଶ ପଥ ନୁହେଁ, ଶ୍ରୀମନ୍ଦିର ଆଖପାଖ ଯଥା ମେଘନାଦ ପାଚେରୀ କଡ଼ ଅଞ୍ଚଳକୁ କିଭଳି ଅଧିକ ସୁରକ୍ଷିତ କରାଯାଇ ପାରିବ ସେ ସଂକ୍ରାନ୍ତରେ ମଧ୍ୟ ଚିନ୍ତା କରାଯାଉଛି। ଏଥିନେଇ ବିଧିବଦ୍ଧ ଭାବେ ଯୋଜନା କରାଯିବ ଓ ଅଧିକ ସଂଖ୍ୟକ ଫୋର୍ସ ମୁତୟନ କରାଯିବ। କିଛିଦିନ ତଳେ ପୁରୀ ଶ୍ରୀମନ୍ଦିରକୁ ଯାଞ୍ଚ କରିଥିଲେ ନ୍ୟାସନାଲ୍ ସିକ୍ୟୁରିଟି ଗାର୍ଡ, ଏନ୍ଏସ୍&zwnj;ଜି ଟିମ୍। ସୁରକ୍ଷା ସମ୍ପର୍କରେ ଏନ୍ଏସ୍&zwnj;ଜି ଟିମ୍ ଦେଇଥିବା ପରାମର୍ଶକୁ ଆଧାର କରି ଏଭଳି ଯୋଜନା କରାଯାଉଥିବା ଜଣାପଡ଼ିଛି।</p>