ପ୍ଲାଷ୍ଟିକ୍ ଚାଉଳ ଖାଇ ମହିଳା ଅସୁସ୍ଥ ଅଭିଯୋଗ

<p>ସମ୍ବଲପୁର: ସମ୍ବଲପୁର ଜିଲ୍ଲା କ୍ଷେତରାଜପୁର ଥାନା ଅନ୍ତର୍ଗତ ଚନ୍ଦନନଗର ଅଞ୍ଚଳରେ ପ୍ଲାଷ୍ଟିକ ଚାଉଳ ଖାଇ ଜଣେ ମହିଳା ଅସୁସ୍ଥ ହୋଇ ପଡ଼ିଥିବା ଅଭିଯୋଗ ହୋଇଛି। ତାଙ୍କୁ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଛି। ଏନେଇ କ୍ଷେତରାଜପୁର ଥାନାରେ ଲିଖିତ ଅଭିଯୋଗ ମଧ୍ୟ ହୋଇଛି।&nbsp; ଘଟଣା ସମ୍ପର୍କରେ ଫୁଡ୍ ସେଫ୍ଟି ବିଭାଗକୁ ଜଣାଇବା ପରେ ସେମାନେ,ରନ୍ଧା ଭାତ ଓ ଚାଉଳକୁ ଜବତ କରି ପରୀକ୍ଷା ପାଇଁ ନେଇଛନ୍ତି।</p> <p>ଏହି ମହିଳାଙ୍କ ପୁଅ ଅଭିଯୋଗ କରିଛନ୍ତି,&ldquo;ମାଆ ପ୍ଲାଷ୍ଟିକ ଚାଉଳ ଖାଇ ଅସୁସ୍ଥ ହୋଇପଡ଼ିଛନ୍ତି। କ୍ଷେତରାଜପୁର ମାଲ ଗୋଦାମରୁ ଏକ ପ୍ୟାକେଟ୍ ଚାଉଳ ଆଣିଥିଲୁ। &nbsp;ସେହି ଚାଉଳରୁ ତିଆରି ଭାତକୁ ଚକଟି ଗୋଲ ଗୋଲ ବଲ ଆକୃତିର କରି ତଳକୁ ଫିଙ୍ଗିଲେ, ତାହା ଭାଙ୍ଗି ନ ଯାଇ , ପ୍ଲାଷ୍ଟିକ ବଲ ଭଳି ଡେଉଁଛି।&rdquo;</p>