ଘରେ ପ୍ରସ୍ତୁତ କରନ୍ତୁ ସିମେଇ

ପ୍ରାୟତଃ ଘରେ ହାଲୁଆ କିମ୍ୱା କ୍ଷୀରି ତିଆରି କରାଯାଇଥାଏ। ତେଣୁ ଦିନେ ଦିନେ ସିମେଇ ମଧ୍ୟ ପ୍ରସ୍ତୁତ କରନ୍ତୁ। ଶୀତ ଦିନେ ଗରମ ସିମେଇ ଖାଇବାର ମଜା କିଛି ଅଲଗା। ଆସନ୍ତୁ ଜାଣିବା କେମିତି କରିବା ସିମେଇ।

ଆବଶ୍ୟକ ସାମଗ୍ରୀ: ସିମେଇ, କ୍ଷୀର, ଚିନି, ଅଳେଇଚ ପାଉଡର, କାଜୁ ଓ ବାଦାମ

ପ୍ରସ୍ତୁତି ପ୍ରଣାଳୀ:ପ୍ରଥମେ ଅଳ୍ପ ଆଞ୍ଚରେ ଏକ ପ୍ୟାନ୍‌ରେ କ୍ଷୀର ଗରମ କରନ୍ତୁ। କ୍ଷୀର ଗରମ ହେବା ପରେ ଅଳେଇଚ ପାଉଡର ପକାଇ ୨ ମିନିଟ୍‌ ଛାଡି ଦିଅନ୍ତୁ। ଏହାପରେ କାଜୁ ଓ ବାଦାମ ପକାଇ କିଛି ସମୟ ଫୁଟିବା ପାଇଁ ଛାଡି ଦିଅନ୍ତୁ। ଏଥିମଧ୍ୟରେ  ଅନ୍ୟ ଏକ ପ୍ୟାନରେ  ସିମେଇକୁ ଭାଜି ଦିଅନ୍ତୁ। ୩ରୁ ୪ ମିନିଟ୍ ପରେ ସିମେଇକୁ କ୍ଷୀରରେ ପକାଇ ଦିଅନ୍ତୁ। କିଛି ସମୟ ବ୍ୟବଧାନରେ ତାକୁ ଘାଣ୍ଟୁ ଥାଆନ୍ତୁ। ଏଥିରେ ଚିନି ପକାଇ ପୁଣି ଥରେ ୪ରୁ ୫ ମିନିଟ୍ ଚଲାନ୍ତୁ। ଏହାପରେ ଆଞ୍ଚ ବନ୍ଦ କରି ଦିଅନ୍ତୁ। ପ୍ରସ୍ତୁତ ହୋଇଗଲା ଆପଣଙ୍କ ଗରମ ଗରମ ସିମେଇ।