ଦୋଷ ନ ଥାଇ ନିଷ୍ଠୁର ଦଣ୍ଡ: ପ୍ରମୋଦିନୀଙ୍କ ମୁହଁରୁ ଶୁଣନ୍ତୁ ଏସିଡ୍ ଆକ୍ରମଣର ସେଇ ଲୋମଟାଙ୍କୁରା କାହାଣୀ…

<p>ଭୁବନେଶ୍ୱର:(ଓଡ଼ିଶା ରିପୋର୍ଟର): ଦୀର୍ଘ ୮ବର୍ଷର ଲଢ଼େଇ। ନ୍ୟାୟ ପାଇଁ ନୟାନ୍ତ। ସେ ସଂଘର୍ଷର କାହାଣୀ ଥିଲା ଖୁବ୍ ଲୋମଟାଙ୍କୁରା ଆଉ ହୃଦୟ ବିଦାରକ। ଗୋଟିଏ ପଟେ ଏସିଡ୍ ନିଆଁର ଜ୍ୱାଳା, ଅନ୍ୟପଟେ ପୋଲିସ ପ୍ରଶାସନର ସ୍ଥାଣୁତା। ପୁଣି ତଥାକଥିତ ସମାଜର ଅପମାନ ଆଉ ଅପବାଦର ଭୟଙ୍କର ଭର୍ତ୍ସନା। ଜୀବନ ଯନ୍ତ୍ରଣାର ତିକ୍ତ ଅନୁଭୂତି ଭିତରେ ଆଜି ଆଶ୍ୱସ୍ତ ପ୍ରମୋଦିନୀ ରାଉଳ। ବିଳମ୍ବରେ ହେଉ ପଛେ ତାଙ୍କ ଲଢ଼େଇର ମୂଲ୍ୟ ମିଳିଛି। କାରଣ ଦୀର୍ଘ ୮ ବର୍ଷ ପରେ ଏସିଡ୍&zwnj;ଆକ୍ରମଣକାରୀ ଧରାପଡ଼ିଛନ୍ତି।&nbsp; ଜଗତସିଂପୁର ଜିଲ୍ଲାର ବହୁଚର୍ଚ୍ଚିତ ପ୍ରମୋଦିନୀ ରାଉଳ ଏସିଡ୍ ଆକ୍ରମଣ ଘଟଣାରେ&nbsp; ମୁଖ୍ୟ ଅଭିଯୁକ୍ତ ଭଦ୍ରକ ଜିଲ୍ଲା ଭଣ୍ଡାରିପୋଖରୀର ସନ୍ତୋଷ କୁମାର ବେଦାନ୍ତ(୩୬) ଓ ତା&rsquo;ର ସହଯୋଗୀ ନୟାଗଡ଼ ଜିଲ୍ଲା ରଣପୁର ଥାନା ଚମ୍ପାଗଡ଼ର ବିଶ୍ୱଜିତ ଦଳସିଂ ରାୟ ଓରଫ ଅନିଲକୁ ପୋଲିସ ଗିରଫ କରିଛି। ଘଟଣାରେ ବ୍ୟବହୃତ ଏକ ହିରୋହୋଣ୍ଡା ସ୍ପ୍ଲେଣ୍ଡର (ଓଆର-୦୨ଏୟୁ-୬୬୬୪) କୁ ମଧ୍ୟ ପୋଲିସ ଜବତ କରିଛି।</p><p>ଏକତରଫା ପ୍ରେମରେ ବିଫଳ ହେବା ପରେ ଏସିଡ୍ ଆକ୍ରମଣ କରିଥିବା ମୁଖ୍ୟ ଅଭିଯୁକ୍ତ ସନ୍ତୋଷ ତା&rsquo;ର ସହଯୋଗୀ ସହାୟତାରେ ଏହି ଭୟଙ୍କର କାଣ୍ଡ ଭିଆଇଥିଲା। ଏସିଡ ଆକ୍ରମଣ ପରେ ଅସହାୟ ପ୍ରମୋଦିନୀଙ୍କ ଦୁଃଖରେ ସାମିଲ ହୋଇଥିଲା ଓଟିଭି। ପ୍ରମୋଦିନୀଙ୍କୁ ଯେତେବେଳେ ନ୍ୟାୟ ପାଇଁ ଏଠିକୁ ସେଠିକୁ ଦୌଉଡ଼ିବାକୁ ପଡ଼ୁଥିଲା ସେତେବେଳେ ଅଳ୍ପ ହେଉ ପଛେ ସହାୟତାର ଏକ ଛୋଟ ପ୍ରୟାସ କରିଥିଲା ଓଟିଭି। ପ୍ରମୋଦିନୀଙ୍କ ଦୁଃଖ ଦୁର୍ଦ୍ଦଶାକୁ ଲୋକଲୋଚନକୁ ଆଣିବା ଏବଂ ସରକାରଙ୍କ ଦୃଷ୍ଟି ଅକର୍ଷଣ ପାଇଁ ପ୍ରମୋଦିନୀଙ୍କୁ ଓଟିଭିର &lsquo;ଅଶାର ଆଲୋକ&rsquo; କାର୍ଯ୍ୟକ୍ରମକୁ ନିମନ୍ତ୍ରଣ କରାଯାଇଥିଲା।&nbsp; ଆଉ ସେଦିନ &lsquo;ଆଶାର ଆଲୋକ&rsquo; ମଞ୍ଚରେ ପ୍ରମୋଦିନୀ ଯାହା କହିଥିଲେ ଶୁଣିଲେ ଆପଣଙ୍କ ଲୋମ ଟାଙ୍କୁରି ଉଠିବ। ଗତ ମାର୍ଚ୍ଚ ୧୮ ତାରିଖରେ ପ୍ରମୋଦିନୀ ଏବଂ ତାଙ୍କ ପରିବାର ଏହି ମଞ୍ଚକୁ ଆସିଥିଲେ। ଆଉ ସେତେବେଳେ ପ୍ରମୋଦିନୀ କ&rsquo;ଣ କହିଥିଲେ, ତାହା ଆପଣ ଏହି ଖବର ସହ ସଂଲଗ୍ନ ଭିଡିଓରେ ଦେଖିପାରିବେ।</p><p>&lt;strong&gt;ପୂର୍ବ ଘଟଣାବଳୀ&lt;/strong&gt;&lt;strong&gt;:&lt;/strong&gt; ପ୍ରମୋଦିନୀ ରାଉଳଙ୍କ &nbsp;ଘର ଜଗତସିଂହପୁର ଜିଲ୍ଲା ତିର୍ତ୍ତୋଲର କନକପୁର ଅଞ୍ଚଳରେ।&nbsp; ୨୦୦୯ ଏପ୍ରିଲ ୧୮ ତାରିଖ। ସେତେବେଳେ ନିକଟସ୍ଥ ଆଦିକବି ସାରଳା ଦାସ ମହିବିଦ୍ୟାଳୟରେ ପଢୁଥିଲେ ୧୬ ବର୍ଷୀୟା ପ୍ରମୋଦିନୀ। ଏତଲାରେ ଥିବା ଅଭିଯୋଗ ଅନୁଯାୟୀ ପ୍ରମୋଦିନୀଙ୍କୁ ଏକପାଖିଆ ପ୍ରେମ କରୁଥିଲେ ନିକଟସ୍ଥ ଏକ ପାରା ମିଲିଟାରି କ୍ୟାମ୍ପର ଯବାନ ସନ୍ତୋଷ କୁମାର ବେଦାନ୍ତ। ପ୍ରାୟ ବର୍ଷଟିଏ ଧରି ସନ୍ତୋଷ, ପ୍ରମୋଦିନୀ ଓ ତାଙ୍କ ପରିବାରକୁ ଧମକେଇବା ପରେ &nbsp;କିଛି ଫଳ ନ ପାଇବାରୁ ହିଂସ୍ର ହୋଇପଡ଼ିଥିଲେସେ । ଶେଷରେ ଦିନ ଦିପହରେ ବିଚ୍ ରାସ୍ତା ଉପରେ ସମସ୍ତଙ୍କ ସାମ୍ନାରେ ପ୍ରମୋଦିନୀଙ୍କ ଉପରେ ସେ ଏସିଡ୍ ପକାଇ ଦେଇଥିଲେ।</p><p>ଘଟଣା ପରେ ତିର୍ତୋଲ ଥାନାରେ ଏତଲା ଦେଇଥିଲେ ପ୍ରମୋଦିନୀଙ୍କ ମାଆ। କିନ୍ତୁ ତଦନ୍ତ ପୂର୍ବରୁ ହିଁ ପୋଲିସ୍ ଘଟଣାର ଫ।ଇଲ୍ ବନ୍ଦ କରିଦେଇ ଥିଲା। ୟା ଭିତରେ ସଂପୂର୍ଣ୍ଣ ଦୃଷ୍ଟିଶକ୍ତି ହରେଇ ବସିଛନ୍ତି ପ୍ରମୋଦିନୀ। ଏତଲାରେ ଠିକଣା ଭୁଲ୍ ଥିବା ଦର୍ଶାଇ ୨୦୧୨ରେ ମାମଲାକୁ ବନ୍ଦ କରିଦେଇଥିଲା ପୋଲିସ। &nbsp;କିନ୍ତୁ ପୀଡ଼ିତାଙ୍କ ପକ୍ଷରୁ ଆବେଦନ ପରେ ଜଗତସିଂହପୁର ଏସଡିଜେଏମ କୋର୍ଟଙ୍କ ନିର୍ଦ୍ଦେଶରେ ଗତ ଅଗଷ୍ଟରେ ମାମଲାର ରି-ଓପନ କରିଥିଲା ପୋଲିସ। &nbsp;ଆରମ୍ଭ ହେଲା ସାନି ତଦନ୍ତ। &nbsp;ସନ୍ତୋଷ ଜମଜାମ୍ମୁ କାଶ୍ମୀର କୁପୱାଡା କାର୍ଯ୍ୟରତ ଥିବା ପୋଲିସ ଜାଣିପାରିଥିଲା। &nbsp;ଆଉ ପୋଲିସ ସମ୍ପର୍କରେ ସୂଚନା ପାଇ କୁପାୱାଡ଼ାରୁ କୋଲକାତାକୁ ଫେରାର୍ ହୋଇଯାଇଥିଲା ସନ୍ତୋଷ। &nbsp;ଶେଷରେ ଘଟଣାର ୮ ବର୍ଷ ପରେ ମୁଖ୍ୟ ଅଭିଯୁକ୍ତ ସନ୍ତୋଷ ଏବଂ ସହଯୋଗୀ ବିଶ୍ୱଜିତକୁ ଗିରଫ କରି କୋର୍ଟଚାଲାଣ କରିଛି ପୋଲିସ ।</p><p>https://youtu.be/7Q7CHXGB_RM</p><p>ଏସିଡ୍ ଆକ୍ରମଣ ତଥ୍ୟ</p><p>ଏସିଡ୍ ଆକ୍ରମଣ। ଏକ ଭୟଙ୍କର ସାମାଜିକ ଅପରାଧ। ଆମ ଦେଶରେ ବିଭିନ୍ନ ସମୟରେ ଏହି ଜଘନ୍ୟ ଅପରାଧ ଘଟି ଚାଲିଥିଲେ ବି, ଏମିତି କେତେ ଘଟଣା ଘଟିଛି, ୨୦୧୩ ମସିହା ପର୍ଯ୍ୟନ୍ତ ଆମ ଦେଶରେ କିଛି ହିସାବ ନଥିଲା। ଭାରତୀୟ ପିଙ୍ଗଳ କୋଡ୍ରେ ସଂଶୋଧନ ପରେ ଏଭଳି ଘଟଣାକୁ ଏବେ ସ୍ୱତନ୍ତ୍ର ଭାବେ ତାଲିକାଭୁକ୍ତ କରାଯାଇଛି। ହିସାବ ଅନୁଯାୟୀ, ୨୦୧୨ରେ ଭାରତରେ ୧୦୬ଟି, ୨୦୧୩ରେ ୧୧୬ଟି, ୨୦୧୪ରେ ୨୨୫ଟି ଏବଂ ୨୦୧୫ରେ ୨୪୯ଟି ଏସିଡ୍ ଆକ୍ରମଣ ଘଟଣା ଘଟିଛି। ଓଡ଼ିଶାରେ ଏ ସଂଖ୍ୟା ଯଥାକ୍ରମେ ୨, ୩, ୧୦ ଓ ୮। ଆଉ ଉଦ୍&zwnj;ବେଗର ବିଷୟ ହେଲା, ଏସିଡ୍ ଆକ୍ରମଣ ମାମଲାରେ ଅଭିଯୁକ୍ତ ଦୋଷୀ ସାବ୍ୟସ୍ତ ହେବାର ହାର ଆଦୌ ସନ୍ତୋଷଜନକ ନୁହେଁ।</p><p>&lt;strong&gt;ଭାରତରେ ଏସିଡ୍ ଆକ୍ରମଣ ଘଟଣା&lt;/strong&gt;</p><p>୨୦୧୨&nbsp;&nbsp;&nbsp;&nbsp;&nbsp;&nbsp;&nbsp;&nbsp; ୧୦୬</p><p>୨୦୧୩&nbsp;&nbsp;&nbsp;&nbsp;&nbsp;&nbsp;&nbsp;&nbsp; ୧୧୬</p><p>୨୦୧୪&nbsp;&nbsp;&nbsp;&nbsp;&nbsp;&nbsp;&nbsp;&nbsp; ୨୨୫</p><p>୨୦୧୫&nbsp;&nbsp;&nbsp;&nbsp;&nbsp;&nbsp;&nbsp;&nbsp; ୨୪୯</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।