୪୦ ବର୍ଷର ଏନ୍‌ଏସି: ରାସ୍ତା କିନ୍ତୁ ଗାଁଠୁ ହୀନ

<p>ଉଦଳା (ଓଡ଼ିଶା ରିପୋର୍ଟର): ଉଭୟ କେନ୍ଦ୍ର ଓ ରାଜ୍ୟ ସରକାର ଗମନାଗମନ ଇପରେ ଗୁରୁତ୍ୱ ଦେଉଛନ୍ତି। ଯେଉଁ ଦେଶର ଯୋଗାଯୋଗ ଯେତେ ଉନ୍ନତ ସେ ଦେଶ ସେତେ ପ୍ରଗତିଶୀଳ ବୋଲି କୁହାଯାଇଥାଏ। ହେଲେ ଆମ ରାଜ୍ୟରେ ଏହା କେବଳ ନେତାଙ୍କ ଭାଷଣରେ ସିମିତ। ମୟୂରଭଞ୍ଜ ଜିଲ୍ଲାର ଉଦଳା ଏନ୍&zwnj;ଏସିକୁ ଗଲେ ଏହା ହୃଦୟଙ୍ଗମ କରିହେବ। ଏହି ଏନ୍&zwnj;ଏସି ଗଠନକୁ ୪୦ ବର୍ଷ ବିତିଗଲାଣି, ହେଲେ ଆଜି ପର୍ଯ୍ୟନ୍ତ କୌଣସି ୱାର୍ଡକୁ ଭଲ ରାସ୍ତା ଖଣ୍ଡେ ହୋଇପାରିନାହିଁ। ନେତାଙ୍କ ଉଦାସୀନତା ଓ ବିଭାଗୀୟ ଅଧିକାରୀଙ୍କ ଅପାରଗତାର ଯୋଗୁଁ ସ୍ଥାନୀୟ ଲୋକେ ହିନସ୍ତା ହେଉଛନ୍ତି।</p> <p>ୱାର୍ଡରେ ଯେଉଁଠିକୁ ଯିବେ ଦେଖିବାକୁ ପାଇବେ ଖାଲଖମା ଭରା ରାସ୍ତା। କେଉଁଠି ମେଣ୍ଟାଲ ବାହାରି ଅଛି ତ ଆଉ କେଉଁଠି କାଦୁଅ ପଚର ପଚର। ଦୀର୍ଘ ୨୦ବର୍ଷ ହେବ ଏମିତି ରାସ୍ତାରେ&nbsp; ଯାତାୟତ କରୁଛନ୍ତି ଲୋକେ। ମରାମତି ଅଭାବରୁ ରାସ୍ତା ଆବଡ଼ା ଖାବଡ଼ା ହୋଇ ପ୍ରତିଦିନ ଛୋଟବଡ଼ ଦୁର୍ଘଟଣା ଘଟୁଥିବା ଅଭିଯୋଗ ହେଉଛି।</p> <p>ରାସ୍ତାର ଏପରି ସ୍ଥିତି ନେଇ ବିଭାଗୀୟ ଅଧିକାରୀଙ୍କୁ ଜଣାଇଲେ ମଧ୍ୟ କିଛି ଲାଭ ମିଳୁ ନଥିବା ସ୍ଥାନୀୟ ଲୋକେ ଅଭିଯୋଗ କରୁଛନ୍ତି।</p> <p>ଏନେଇ ପୌରାଧ୍ୟକ୍ଷ ସୌଭାଗ୍ୟ ସାହୁ କୁହନ୍ତି, ପୂର୍ତ୍ତ ବିଭାଗକୁ ରାସ୍ତା ହସ୍ତାନ୍ତର କରାଯାଇଛି। ଶୀଘ୍ର ଟେଣ୍ଡର କରାଯାଇ ରାସ୍ତା ନିର୍ମାଣ କରାଯିବ।</p> <p>ଏବେ ଦେଖିବାକୁ ବାକି ରହିଲା, ଜନ୍ମ ହୋଇ କଲେଜ ଯିବା ପର୍ଯ୍ୟନ୍ତ ଯେଉଁ ପିଲା ଏହି ରାସ୍ତାକୁ ଦେଖି ଆସୁଛନ୍ତି ତା&rsquo;ର ନବକଳେବର କେବେ ହେବ। ପୂର୍ବ ପରି ପୌରାଧ୍ୟକ୍ଷଙ୍କ ପ୍ରତିଶ୍ରୁତି ପାଣିରଗାର ସାଜିବ ନା ସତକୁ ସତ ନୂଆ ରାସ୍ତାରେ ଅଞ୍ଚଳବାସୀଙ୍କ ପାଦ ପଡ଼ିବ।</p>