ଶୁଣିଲାନି ପ୍ରଶାସନ, ଶକ୍ତି ଦେଖାଇଲେ ମହିଳା

<p>ସୁନ୍ଦରଗଡ଼: କଥାରେ ଅଛି,ଏକତା ହିଁ ବଳ। ଏହାକୁ ପ୍ରମାଣ କରି ଦେଖାଇଛନ୍ତି ସୁନ୍ଦରଗଡ଼ ଜିଲ୍ଲା ବଣାଇ ଥାନା ଅନ୍ତର୍ଗତ କେନ୍ଦ୍ରିକଳା ଗାଁର ମହିଳାମାନେ। ଗାଁରେ ଥିବା ନାଳ ସଫା କରିବା ପାଇଁ ମହିଳାମାନେ ସରପଞ୍ଚ, ଉପଜିଲ୍ଲାପାଳ ଓ ବିଡିଙ୍କୁ ଜଣାଇଥିଲେ। କିନ୍ତୁ କେହି ସେମାନଙ୍କ କଥା ଶୁଣି ନଥିଲେ । ଶେଷରେ ମହିଳାମାନେ ଏକଜୁଟ ହୋଇ ନାଳ ସଫା କରି ପ୍ରଶାସନର ଅପାରଗତାକୁ ଚାଲେଞ୍ଜ ଦେଇଛନ୍ତି।</p> <p>ବାରମ୍ବାର ପ୍ରଶାସନର ଦ୍ୱାରସ୍ଥା ହେଲା ପରେ କିଛି ଫଳ ମିଳିଲା ନାହିଁ। ଶେଷରେ ଗାଁର ମହିଳାମାନେ ନିଜେ ନାଳ ସଫା କରିବା ପାଇଁ ନିଷ୍ପତ୍ତି ନେଲେ। ସମସ୍ତେ ହାତରେ କୋଦାଳ ଧରି ନାଳ ସଫା କିରବାକୁ ଲାଗିପଡ଼ିଲେ।</p> <p>ଗାଁରେ ଥିବା ଦୁଇଟି ନଳକୂଅର ପାଣି ବାହାରକୁ ଯାଇନପାରି ନଳକୂଆ ପାଖରେ &nbsp;ଜମି ରହି ଦୁର୍ଗନ୍ଧ ହେଉଥିଲା। ଏବଂ ମଶା ମାଛିଙ୍କ ପ୍ରାଦୁର୍ଭାବ ବଢୁଥିଲା। ଗାଁ ଲୋକମାନେ ପାଣି ନେବା ଓ ଗାଧୋଇବା ପାଇଁ ହନ୍ତସନ୍ତ ହେଉଥିଲେ। ପ୍ରଶାସନ ନଶୁଣିବାରୁ ବାଧ୍ୟ ହୋଇ ନିଜେ ହାତରେ ନାଳ ସଫା କରିଥିଲେ।</p>