ଗ୍ରାମ୍ୟ ଜଙ୍ଗଲକୁ ନେଇ ବିବାଦ, ପୋଲିସ ଉପରେ ଢ଼େଲାମାଡ, ଆଇଆଇସି ଆହତ

ବ୍ରହ୍ମଗିରି :  ସରକାରୀ  ଜମିରେ ଥିବା  ଗ୍ରାମ୍ୟ ଜଙ୍ଗଲକୁ ନେଇ  ଆଜି ଗୋଡରଡଙ୍ଗ ଓ ଶଅର ସାହି ମଧ୍ୟରେ ସଂଘର୍ଷ ଘଟିଛି । ଏହି ଗ୍ରାମ୍ୟ ଜଙ୍ଗଲକୁ ଦୁଇ ଗାଁ ମଧ୍ୟରେ ବିବାଦ ଥିଲା । ସରକାରୀ ଜମିରେ ଥିବା ଏହି ଗ୍ରାମ୍ୟ ଜଙ୍ଗଲ ଶଅର ସାହିର ଲୋକମାନେ ଜବରଦଖଲ କରିଥିବାର ଗୋଡରଡଙ୍ଗ ଗାଁର ଲୋକମାନେ ଅଭିଯୋଗ କରିଥିଲେ । ସେମାନଙ୍କୁ ହଟାଇବା ପାଇଁ ଉଦ୍ୟମ ହୋଇଥିବାବେଳେ ଉତ୍ତେଜନା ପ୍ରକାଶ ପାଇଥିଲା । ପରିସ୍ଥିତିକୁ ନିୟନ୍ତ୍ରଣ କରିବାକୁ  ଆଜି ପୋଲିସ ଘଟଣା ସ୍ଥଳକୁ ଯାଇଥିଲା । ତେବେ ପୋଲିସ ଉପରେ ମଧ୍ୟ ଢ଼େଲା ମାଡ ହୋଇଥିଲା । ଢ଼େଲା ମାଡରେ ବ୍ରହ୍ମଗିରି ଆଇଆଇସି ସୁବାଷ ଚନ୍ଦ୍ର ପଣ୍ଡା ଆହତ ହୋଇଛନ୍ତି । ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଘଟଣା ସ୍ଥଳରେ ଏକ ପ୍ଲାଟୁନ ପୋଲିସ ଫୋର୍ସ ମୃତୟନ କରାଯାଇଛି।