ନିଆଳିରେ ଅନର କିଲିଂ! କଲେଜ ପଢ଼ୁଆ ଝିଅକୁ ମାରି ପୋଡ଼ିଦେଲେ

<p>କଟକ (ଓଡ଼ିଶା ରିପୋର୍ଟର): କେମିତି ହେଲା କଟକ ନିଆଳି ଅଞ୍ଚଳର ଜଣେ କଲେଜ ପଢୁଆ ଝିଅର ମୃତ୍ୟୁ? ଏହାକୁ ନେଇ ବିଭିନ୍ନ ମହଲରେ ସନ୍ଦେହ ପ୍ରକାଶ ପାଉଥିବା ବେଳେ ହୃଦଘାତରେ ଝିଅର ମୃତ୍ୟୁ ହୋଇଥିବା ପରିବାର ଲୋକେ କହୁଛନ୍ତି। ତେବେ ପାରିପାର୍ଶ୍ୱିକ ସ୍ଥିତି କିନ୍ତୁ ଅନ୍ୟ ଏକ ଭୟଙ୍କର ଦିଗକୁ ସୂଚାଉଛି। ଯାହାକି ଅନର୍ କିଲିଂ ଭଳି ସାଂଘାତିକ ଦିଗକୁ ଆଙ୍ଗୁଠି ନିର୍ଦ୍ଦେଶ କରୁଛି। ଏନେଇ ଅଭିଯୋଗ ହୋଇନଥିଲେ ମଧ୍ୟ ପୋଲିସ ନିଜ ଆଡ଼ୁ ମାମଲା ରୁଜୁ କରି ମୃତ ନାବାଳିକାଙ୍କ ବଡ଼ ବାପାଙ୍କ ସମେତ ୪ଜଣଙ୍କୁ ଅଟକ ରଖି ପଚରାଉଚରା କରୁଛି।</p><p>&lt;a href=&quot;&quot;&gt;(image) &lt;/a&gt;ଅଭିଯୋଗ ଅନୁଯାୟୀ, ଗତ ଶନିବାର ମେଡିକାଲ୍ ନେବା ବାହାନାରେ ନାବାଳିକାଙ୍କ ମୃତଦେହକୁ ବାଇକରେ ନେଇ ମଶାଣିରେ ପୋଡ଼ି ଦେଇଥିଲେ। ଏଭଳି ଜଘନ୍ୟ କାମ କରିଥିଲେ ନାବାଳିକାଙ୍କ ବଡ଼ ବାପାଙ୍କ ଦୁଇ ପୁଅ। ମାତ୍ର ଏ ସମ୍ପର୍କରେ ପୋଲିସ କି ସାହି ପଡ଼ିଶା କେହି ଜଣିପାରିନଥିଲେ। ତେଣୁ ଲୁଚା ଛପାରେ ଶବ ସଂସ୍କାର ଘଟଣାରୁ ଏକ ସୁଚିନ୍ତିତ ହତ୍ୟାକାଣ୍ଡ ବୋଲି ସନ୍ଦେହ କରାଯାଉଛି।</p><p>ସ୍ଥାନୀୟ ବାସିନ୍ଦା କହିଛନ୍ତି-&ldquo;ଝିଅକୁ ତାଙ୍କ ଘର ଲୋକେ ଶାବଳ ପକାଇ ମାରିଦେଇଛନ୍ତି। ଆଉ କହି ବୁଲୁଛନ୍ତି ହୃଦଘାତରେ ମୃତ୍ୟୁ ହୋଇଛି। ଯଦି ହୃଦଘାତ ହୋଇଥିଲା ତାକୁ ମେଡ଼ିକାଲ ନେଇଥିଲେ କି? ଦୃଦଘାତରେ ମୃତ୍ୟୁ ହୋଇଛି ବୋଲି ସେମାନଙ୍କ ପାଖରେ ମେଡ଼ିକାଲ ସାର୍ଟିଫିକେଟ୍&zwnj; ଅଛି କି?&rdquo;</p><p>&lt;a href=&quot;http://odishareporter.in/wp-content/uploads/2018/05/honour-killing.jpg&quot;&gt;(image) &lt;/a&gt;ଗାଁ ଲୋକଙ୍କ କହିବାନୁସାରେ ବାପ ଛେଉଣ୍ଡ ଏହି ନାବାଳିକାର ମାଆ ଜଣେ ମାନସିକ ରୋଗୀ। ଅଭିଭାବକ କହିଲେ ବଡ଼ବାପା ଓ ତାଙ୍କ ଦୁଇ ପୁଅ। ଏବେ ପ୍ରଶ୍ନ ନିଜ ପରିବାର ଲୋକଙ୍କ ହାତରେ କାହିଁକି ବଳି ପଡ଼ିଲା ଝିଅ? ଏହା ଅନର୍ କିଲିଂ ନୁହେଁ ତ? ତା&rsquo;ସହ ସାହିପଡ଼ିଶାଙ୍କ ମଧ୍ୟରେ ଚର୍ଚ୍ଚା ହେଉଛି, ଜଣେ ସ୍ଥାନୀୟ ଯୁବକଙ୍କ ସହ ଝିଅର ପ୍ରେମ ସମ୍ପର୍କ ଜଣାପଡ଼ିବା ପରେ ଗାଁରେ ବୈଠକ ବସିବାର ଥିଲା। କିନ୍ତୁ ତା&rsquo; ପୂର୍ବରୁ ଲୋକଲଜ୍ଜା ଭୟରେ ପରିବାର ଲୋକେ ନେଇଛନ୍ତି ଏଭଳି ଚରମ ପଦକ୍ଷେପ। ପୋଲିସ ଓ ସାଇଣ୍ଟିଫିକ୍ ଟିମ୍ ମଶାଣିକୁ ଯାଇ ନମୂନା ସଂଗ୍ରହ କରିବା ସହ ମୃତ ନାବାଳିକାର ବଡ଼ବାପାଙ୍କ ସମେତ ପରିବାରର ୪ ଜଣଙ୍କୁ ଅଟକ ରଖି ପଚରା ଉଚରା ଚଳାଇଛି।</p><p>https://youtu.be/Tz4XBaT1tks?list=PLCyWzDTInVT8_QA7KdIU_q03V7VRQEelt</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।