ଓପନ୍ ଟେବୁଲ ଟେନିସ୍ ଚାମ୍ପିୟନସିପ ସହିଦନଗର ଇନଡୋର୍ ହଲରେ ଆରମ୍ଭ

ଭୁବନେଶ୍ୱର: ଭୁବନେଶ୍ୱର ସହିଦନଗର ଇନଡୋର୍ ହଲରେ ଆରମ୍ଭ ହୋଇଛି ଭୁବନେଶ୍ୱର ଓପନ୍ ଟେବୁଲ ଟେନିସ୍ ଚାମ୍ପିୟନସିପ ଓ ଆନ୍ତଃସ୍କୁଲ ଟେବୁଲ୍ ଟେନିସ୍ ଚାମ୍ପିୟନସିପ। ଓପନ୍ ବର୍ଗରେ ୧୯୨ଜଣ ପ୍ରତିଯୋଗୀ ଭାଗ ନେଇଥିବା ବେଳେ ଆନ୍ତଃସ୍କୁଲ ବର୍ଗରେ ୯ଟି ସ୍କୁଲ ଭାଗ ନେଇଛନ୍ତି। ଓପନ୍ ବର୍ଗରେ ୮ଟି ଇଭେଣ୍ଟ ସିନିୟର ମହିଳା ଓ ପୁରୁଷ, ଜୁନିୟର ମହିଳା ଓ ପୁରୁଷ, ସବଜୁନିୟର ବାଳିକା ଓ ବାଳକ, କ୍ୟାଡେଟ ବାଳିକା ଓ ବାଳକ ଇଭେଣ୍ଟରେ ପ୍ରତିଯୋଗିତା ହେବ। ସେହିପରି ସ୍କୁଲ ବର୍ଗରେ ୪ଟି ଇଭେଣ୍ଟରେ ପ୍ରତିଯୋଗିତା ଚାଲିଛି। ଆସନ୍ତା ୧୧ ତାରିଖରେ ଶେଷ ହେବାକୁ ଥିବା ଏହି ଟୁର୍ଣ୍ଣାମେଣ୍ଟକୁ ଭୁବନେଶ୍ୱର ଟେବୁଲ ଟେନିସ ଆସୋସିଏସନ ଆୟୋଜନ କରିଛି।