ନୂଆଦିଲ୍ଲୀ: କରୋନା ସଂକ୍ରମଣକୁ ରୋକିବା ଦିଗରେ ବର୍ତ୍ତମାନ ସୁଦ୍ଧା ସ୍ୱଚ୍ଛତା ଏବଂ ସାମାଜିକ ଦୂରତ୍ୱ ହିଁ ଏକମାତ୍ର ପ୍ରତିଷେଧକ ଭାବେ ଜଣାପଡ଼ିଛି। ଏଣୁ ରବିବାର ସମସ୍ତ ଦେଶବାସୀଙ୍କୁ ‘ଜନତା କର୍ଫ୍ୟୁ’ ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆହ୍ୱାନ ଦେଇଥିଲେ, ଯାହା ସଫଳ ମଧ୍ୟ ରହିଥିଲା। ଏହି ଅବସରରେ ସ୍ୱାସ୍ଥ୍ୟସେବା, ଗଣମାଧ୍ୟମ, ସ୍ୱଚ୍ଛତା କର୍ମଚାରୀ, ପୋଲିସ ସେବା, ଟ୍ରାଫିକ୍ ସେବା ଭଳି ଜରୁରୀ ସେବା ପ୍ରଦାନକାରୀଙ୍କୁ ସନ୍ଧ୍ୟା ୫ଟାରେ ଘଣ୍ଟି, ତାଳି ବଜାଇ ଧନ୍ୟବାଦ ଜଣାଇବାକୁ ପ୍ରଧାନମନ୍ତ୍ରୀ ଅନୁରୋଧ କରିଥିଲେ। ଏଥିରେ ଜନସାଧାରଣଙ୍କ ସମେତ ବିଶିଷ୍ଟ ବ୍ୟକ୍ତିତ୍ୱମାନେ ସାମିଲ ହୋଇଥିଲେ। ତେବେ ଦେଶୀ ଗାର୍ଲ ପ୍ରିୟଙ୍କା ଚୋପ୍ରା ମଧ୍ୟ ଏଥିରୁ ବାଦ୍ ଯାଇନାହାନ୍ତି। ଦେଶୀ ଝିଅ ତଥା ବିଦେଶୀ ବୋହୁ ପ୍ରିୟଙ୍କା ଆମେରିକାରେ ଥାଇ ମଧ୍ୟ ପ୍ରଧାନମନ୍ତ୍ରୀ ମୋଦୀଙ୍କ ଆହ୍ୱାନ କ୍ରମେ ‘ଜନତା କର୍ଫ୍ୟୁ’ରେ ସାମିଲ ହୋଇଛନ୍ତି।
https://www.instagram.com/p/B9pSfDBp_zv/?utm_source=ig_web_copy_link
ବଲିଉଡ୍ ଦେଶୀ ଗାର୍ଲ ପ୍ରିୟଙ୍କା ବାହାଘର ପରେ ଆମେରିକାରେ ରହୁଛନ୍ତି। ପ୍ରଥମେ ସେ ନିଜ ଅଫିସିଆଲ ଇନଷ୍ଟାଗ୍ରାମ ହ୍ୟାଣ୍ଡେଲ ଷ୍ଟୋରୀରେ ଏକ ଭିଡିଓ ଶେୟାର କରିଛନ୍ତି, ଯେଉଁଥିରେ ସେ ‘ଜନତା କର୍ଫ୍ୟୁ’ ପାଳନ କରୁଥିବା ଦେଖିବାକୁ ମିଳିଛି। ସେ ରବିବାର ସନ୍ଧ୍ୟା ୫ଟା ସମୟରେ ନିଜ ବାଲକୋନୀକୁ ଯାଇ ତାଳି ବଜାଇ ଧନ୍ୟବାଦ ଜଣାଇଥିଲେ। ଏହାସହ ଲେଖିଥିଲେ ଯେ, ସାରା ଦୁନିଆରେ ଥିବା ଭାରତୀୟ ନିଜ ବାଲକୋନୀକୁ ଯାଇ ତାଳି ବଜାଇ କୋଭିଡ୍-୧୯ ସହ ଲଢ଼ୁଥିବା ଡାକ୍ତର, ନର୍ସ, ଗଣମାଧ୍ୟମ କର୍ମୀ ଏବଂ ଅନ୍ୟମାନଙ୍କୁ ଧନ୍ୟବାଦ ଜଣାଇଛନ୍ତି। ଯଦିଓ ମୁଁ ଏହି ଅବସରରେ ଭାରତରେ ନାହିଁ, କିନ୍ତୁ ଭାବନାତ୍ମକ ସ୍ତରରେ ମୁଁ ଭାରତରେ ଅଛି।
https://www.instagram.com/p/B-D1qFyJn4I/?utm_source=ig_web_copy_link
ପ୍ରିୟଙ୍କାଙ୍କ ଆମେରିକାରେ ଥାଇ ମଧ୍ୟ ଭାରତୀୟଙ୍କ ପାଇଁ ‘ଜନତା କର୍ଫ୍ୟୁ’ ରେ ସାମିଲ ହେବାକୁ ଲୋକେ ଖୁବ୍ ପ୍ରଶଂସା କରୁଛନ୍ତି। ପ୍ରିୟଙ୍କାଙ୍କ ଏହି ଭିଡିଓଟି ସୋଶାଲ ମିଡିଆରେ ଭାଇରାଲ ହେଉଛି। ଅନ୍ୟପଟେ ଅମିତାଭ ବଚ୍ଚନ, ଅନୁପମ ଖେର, ମଲାଇକା ଅରୋରା, ଅର୍ଜୁନ କପୁର, କିୟାରା ଆଡଭାନୀ ଏବଂ କାର୍ତ୍ତିକ ଆର୍ୟନଙ୍କ ଭଳି ଅନେକ ବଲିଉଡ୍ ତାରକା ମଧ୍ୟ ରବିବାର ସନ୍ଧ୍ୟା ୫ଟା ବେଳେ ଶଙ୍ଖ, ତାଳି, ଘଣ୍ଟ, ଘଣ୍ଟି ବଜାଇ ଜରୁରୀ ସେବା ପ୍ରଦାନକାରୀମାନଙ୍କୁ ଧନ୍ୟବାଦ ଜଣାଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
