ହଟହଟା ହେଲେ, ବୁଦ୍ଧି ଶିଖିଲେ!

ବାହାବାଃ ନେବା ଝୁଙ୍କରେ ରାଜ୍ୟର ନବୀନ ପଟ୍ଟନାୟକ ସରକାର କିଭଳି ଭାବରେ ସାଧାରଣ ସୌଜନ୍ୟ ଭୁଲି ଯାଉଛନ୍ତି ନିକଟରେ ଏହାର ଅନେକ ନଜିର ଦେଖିବାକୁ ମିଳୁଛି। ହକି ଓ୍ୱାର୍ଲଡ କପ୍ ଭଳି ଏକ ଆନ୍ତର୍ଜାତିକ ଆୟୋଜନ ଓଡ଼ିଶାରେ ହେଉଛି। ବୁଧବାର ଏହାର ଉଦଘାଟନ ପର୍ବ କଟକ, ବାରବାଟି ଷ୍ଟାଡିୟମରେ କରାଯିବ। ଓ୍ୱାର୍ଲଡ କପ୍ ଆୟୋଜନ ନେଇ କେନ୍ଦ୍ର ସରକାରଙ୍କ ମଧ୍ୟ କିଛି କମ ଅବଦାନ ନାହିଁ। ଏହି ଖେଳ ସହିତ ସମ୍ପୃକ୍ତ ସମସ୍ତ ମନ୍ତ୍ରାଳୟ ଅର୍ଥ ସମେତ ଅନ୍ୟାନ୍ୟ ଆନୁସଙ୍ଗିକ ସପୋର୍ଟ ମଧ୍ୟ ରାଜ୍ୟ ସରକାରଙ୍କୁ ଯୋଗାଇ ଦେଇଛନ୍ତି।