କର୍ଣ୍ଣାଟକର ଉଦୁପିରେ ବିଳମ୍ବିତ ରାତିରେ ଦୁଇ ଯୁବ ଗୋଷ୍ଠୀ ମଧ୍ୟରେ ସଂଘର୍ଷ ଭିଡିଓ ସୋଶାଲ ମିଡିଆରେ ଭାଇରାଲ୍ ହେଉଛି। ଯିଏ ଭିଡିଓ ଦେଖିବେ ଭୟଭୀତ ହୋଇଯିବେ। କାରଣ ୬ ଜଣ ଯୁବକ ଗଣ୍ଡଗୋଳ କରୁଥିବା ବେଳେ ଏକ କାର୍ ଜଣେ ଯୁବକଙ୍କ ଉପରେ ମାଡିଯାଉଥିବା ଦେଖାଯାଉଛି।
ସୂଚନା ଅନୁସାରେ, ଏହି ଘଟଣା ମେ ୧୮ ରାତିରେ ଘଟିଥିଲା। ବର୍ତ୍ତମାନ ଜଣେ ଡାକ୍ତର ସୋଶାଲ ମିଡିଆରେ ଭିଡିଓ ପୋଷ୍ଟ କରିବା ପରେ ଭାଇରାଲ ହୋଇଛି।
କୁହାଯାଉଛି ଯେ, ଏହି ସଂଘର୍ଷରେ ୬ ଜଣ ଯୁବକ ସମ୍ପୃକ୍ତ ଥିଲେ। ଟଙ୍କା କାରବାରକୁ ନେଇ ସେମାନଙ୍କ ମଧ୍ୟରେ ବିବାଦ ଥିଲା। ୧୮ ରାତିରେ ଏମାନେ ରାସ୍ତା ଉପରେ କାର୍ ମଧ୍ୟରେ ଥାଇ ପାଟିତୁଣ୍ଡ ଲାଗିଥିଲେ। ଦୁଇ ଜଣ ଯୁବକ ହଠାତ୍ ଏକ କାରରୁ ଆସି ଅନ୍ୟ ଏକ କାରରେ ଥିବା ଯୁବକଙ୍କ ଉପରେ ହମଲା କରିଥିଲେ।
Also Read
ସେମାନଙ୍କ ମଧ୍ୟରେ ଗଣ୍ଡଗୋଳ ଚାଲିଥିବା ବେଳେ ଜଣେ ଯୁବକଙ୍କ ଉପରେ ଜାଣି ଜାଣି କାର୍ ମାଡାଇ ଦିଆଯାଇଥିଲା। ସେ ତଳେ ପଡ଼ି ଛଟପଟ ହେଉଥିଲେ ମଧ୍ୟ ଅନ୍ୟମାନେ ପାଟିତୁଣ୍ଡରେ ଲାଗିଥିବା ଭିଡିଓରେ ଦେଖାଯାଉଛି।
ଏହି ଘଟଣାରେ କାର୍ ମାଡ଼ି ଯାଇଥିବା ଯୁବକଙ୍କ ଅବସ୍ଥା ଗୁରୁତର ଥିବାବେଳେ ସେ ବର୍ତ୍ତମାନ ଚିକିତ୍ସାଧୀନ ଅଛନ୍ତି। ପୁଲିସ ସେମାନଙ୍କ ମଧ୍ୟରୁ ଦୁଇ ଜଣଙ୍କୁ ଗିରଫ କରିଛି। ଅନ୍ୟ ଚାରି ଜଣ ଫେରାର୍ ଅଛନ୍ତି।
ସେପଟେ କର୍ଣ୍ଣାଟକର ଜଣେ ଡାକ୍ତର ଏହି ଭିଡିଓକୁ ସୋଶାଲ ମିଡିଆ Xରେ ପୋଷ୍ଟ କରି ଘଟଣାକୁ କଡ଼ା ନିନ୍ଦା କରିଛନ୍ତି। ବର୍ତ୍ତମାନର ଯୁବପିଢି କେଉଁ ଦିଗରେ ଯାଉଥିବା କହି ଚିନ୍ତା ପ୍ରକଟ କରିଛନ୍ତି। ଏଥିସହ ଦୋଷୀଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି।
Very bad state of affairs
— Dr Durgaprasad Hegde (@DpHegde) May 25, 2024
Gang War at Udupi
Incident happened recently late night, 2 groups fought on Udupi Manipal Highway near Kunjibettu
Where is the younger generation heading ???
Stringent action should be taken against all these culprits pic.twitter.com/EVAstmKumR
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
