OR 
ଆନ୍ଧ୍ରପ୍ରଦେଶର ମାନ୍ୟମ ଜିଲ୍ଲାର ପାର୍ବତୀପୁରମ ନିକଟ କୋମରାଡ଼ା ଗ୍ରାମ ନିକଟରେ ଆଜି ସକାଳେ ଗୋଟିଏ ହାତୀ ଏକ ଯାତ୍ରୀବାହୀ ବସ୍ ଉପରକୁ ଆକ୍ରମଣ କରିଥିଲା। ତେବେ ଏହି ଘଟଣାରେ କେହି ହତାହତ ହୋଇନାହାନ୍ତି।
ଏହି ଘଟଣାର ଏକ ଭିଡ଼ିଓ ସାମ୍ନାକୁ ଆସିଛି। ହାତୀଟି ଦୌଡ଼ି ଦୌଡ଼ି ଯାଇ ବସ୍ଟିକୁ ଆକ୍ରମଣ କରିଥିଲା। ତା’ ଦାନ୍ତରେ ହାତୀ ବସ୍ର ସାମ୍ନା କାଚକୁ ନଷ୍ଟ କରି ଦେଇଥିଲା। ତା’ପରେ ବସ୍କୁ ପଛକୁ ଠେଲି ଦେଇଥିଲା। ସେତିକି ବେଳେ ବସର ଯାତ୍ରୀ ଓ ସ୍ଥାନୀୟ ଲୋକେ ପ୍ରାଣ ବିକଳରେ ଏଣେତେଣେ ଦୌଡ଼ୁଥିବା ଦେଖିବାକୁ ମିଳିଥିଲା।
Also Read
ବସ୍କୁ ଆକ୍ରମଣ କରିବା ପରେ ହାତୀ ପଛକୁ ବୁଲି କିଛି ଲୋକଙ୍କୁ ଗୋଡ଼ାଇଥିଲା। ତେବେ ସେମାନେ ଦୌଡ଼ି ପଳାଇଥିଲେ।
ଏହି ଅଞ୍ଚଳରେ ହାତୀ ଉପଦ୍ରୁବ କିଛି ନୂଆ କଥା ନୁହେଁ। ହାତୀ ଗାଁରେ ପଶି ଫସଲ ନଷ୍ଟ କରନ୍ତି। କିନ୍ତୁ ପ୍ରଥମ ଥର ପାଇଁ ଆଜି ଏକ ଯାତ୍ରୀବାହୀ ବସ୍କୁ ଆକ୍ରମଣ କରିଥିଲା ଏକ ହାତୀ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
