ରାସ୍ତାରେ ଆଣ୍ଠୁଏ ଉଚ୍ଚର ବନ୍ୟା ପାଣି, ତଥାପି ଚାଲିଛି ଗରବା: ଦେଖନ୍ତୁ ଭିଡିଓ

ଯେକୌଣି ପ୍ରତିକୂଳ ପରିସ୍ଥିତି ଆସିଲେ ମଧ୍ୟ ଗରବା ପ୍ରତି ଗୁଜରାଟ ଲୋକଙ୍କ ଭଲ ପାଇବାକୁ କେବେ ହେଲେ ଫିକା ପକାଇ ପାରିବ ନାହିଁ। ଏହାକୁ ପୁଣିଥରେ ଗୁଜରାଟର ଲୋକମାନେ ପୂରା ବିଶ୍ୱକୁ ଜଣାଇଛନ୍ତି।

ଲଗାଣ ବର୍ଷା ଯୋଗୁ ଘର ଭିତରେ ପାଣି ପଶିବା ସହ ରାସ୍ତାରେ ଆଣ୍ଟୁଏ ଉଚ୍ଚର ବନ୍ୟା ଜଳ ଲହରୀ ଭାଙ୍ଗୁଛି। ତଥାପି ବଦୋଦରାର ଲୋକମାନେ ରାସ୍ତା ଉପରେ ଥିବା ଆଣ୍ଠୁଏ ଉଚ୍ଚର ବନ୍ୟା ପାଣିରେ ଗରବା ଡ୍ୟାନ୍ସ କରୁଥିବା ଭିଡିଓ ସାମ୍ନାକୁ ଆସିଛି।

କୁହାଯାଉଛି, ଭିଡିଓରେ ଥିବା ଦୃଶ୍ୟ ଜନ୍ମାଷ୍ଟମୀ ପାଳନ ବେଳର। ତେବେ ଏହା ସାମ୍ନାକୁ ଆସିବା ପରେ ଭାଇରାଲ ହେଉଛି। ଭିଡିଓରେ ଦେଖିବାକୁ ମିଳୁଛି ଯେ ଯୁବକ ଓ ଯୁବତୀମାନଙ୍କ ଠାରୁ ଆରମ୍ଭ କରି ପ୍ରାପ୍ତବୟସ୍କମାନେ ବନ୍ୟା ପ୍ଲାବିତ ରାସ୍ତାରେ ମଧ୍ୟ ବେଶ ଖୁସିରେ ଗରବା ଡ୍ୟାନ୍ସ କରୁଛନ୍ତି।

ବ୍ୟାକଗ୍ରାଉଣ୍ଡରେ ଗରବା ସଂଗୀତ ବାଜୁ ଥିବା ବେଳେ ସେମାନେ ଏହାର ତାଳେତାଳେ ସର୍କଲ କରି ନାଚୁଛନ୍ତି। ସେମାନେ ସତେ ଯେମିତି ପାଣି ଜମି ରହିଥିବା ରାସ୍ତାକୁ ଡ୍ୟାନ୍ସ ଫ୍ଲୋରରେ ବଦଳାଇ ଦେଇଥିବା ଭଳି ମନେ ହେଉଛି।

ଏହାବାଦ ଭିଡିଓରେ ଦେଖିବାକୁ ମିଳୁଛି ଯେ ବନ୍ୟା ସତ୍ତ୍ୱେ ଉତ୍ସବର ରଙ୍ଗ ଫିକା ପଡ଼ିନି। ରାସ୍ତାରେ ଗରବା ଚାଲିଥିବା ବେଳେ କିଛି ଦୂରରେ ଜନ୍ମାଷ୍ଟମୀ ପାଇଁ ଦହି ହାଣ୍ଡି ଭଙ୍ଗା ଯିବା ପାଇଁ ମଧ୍ୟ ପ୍ରସ୍ତୁତି ହେଉଛି।

Gujarat aur Garba

Ek gazab ka rishta…

Unstoppable pic.twitter.com/woqa6rcPvx

— anand mahindra (@anandmahindra) August 31, 2024

ଏପରି ଭିଡିଓ ଭାଇରାଲ ହେବା ପରେ ଅନେକ ଲୋକଙ୍କ ଧ୍ୟାନ ଆକର୍ଷିତ କରିପାରିଛି। ଶିଳ୍ପପତି ଆନନ୍ଦ ମହିନ୍ଦ୍ରା ଏହାକୁ ଶେୟାର କରି କହିଛନ୍ତି, “ଗୁଜରାଟ ଓ ଗରବା ମଧ୍ୟରେ ଗୋଟିଏ ଅଜବ ସମ୍ପର୍କ ରହିଛି। ଏହାକୁ ବନ୍ଦ କରାଯାଇ ପାରିବ ନାହିଁ।” ଭିଡିଓକୁ ଦେଖିବା ପରେ ଅନେକ ଲୋକ ବନ୍ୟା ସମୟରେ ପରମ୍ପରାକୁ ବଜାୟୀ ରଖିଥିବା ଗୁଜରାଟବାସୀଙ୍କୁ ଅନେକ ସାଧୁବାଦ ମଧ୍ୟ ଜଣାଇଛନ୍ତି।